بنگەهێ لالش رێورهسمێن ئیمزاکرنا سێ پەرتۆکان گێران
سەما:
د ڕی و رسمەکە ژ هەژیی دا بنگەهێ لالش یێ ڕەوشەنبیری و کۆمەڵایەتی ل پارێزگەها دهۆکێ ڕی و ڕسمێن ئیمزاکرنا ٣ ـێ پەرتووکان گێرا.
ئیرۆ ١٠ـێ ٧ـێ ٢٠٢١ـێ بنگەهێ لالشێ ڕەوشەنبیری و کۆمەڵایەتی ل دهۆکێ ب ئامادەبوونا سەرۆکێ بنگەهێ لالش شێخ شامۆ و ئامادەبوونا ژمارەکا ڕەوشەنبیر و چالاکڤان و نڤیسکارێن ئێزدییان ل سەرانسەری ناڤچەیێن ئێزدیان ڕی و ڕسمێن ئیمزاکرانا سێ پەرتووکان گێران.
ل دەستپێكی پەیڤا بنگەهێ لالش هاتە خواندن و سڵاڤ بۆ گیانێ خودێ ژێ ڕازی فەهمی حەسەن بابێ رۆژانێ هنارتن و ڕۆڵێ وی بلند نرخاندن دبیاڤێ نڤیسینێ دا، وپاشان تەوەرێ شرۆڤەکرن و دانەنیاسینا پەرتووکان دەستپێکرن و هەر ئێک ژ «سەیدۆ چەتۆ» خودانێ پەرتووکا ” شرۆڤەکرنا هندەک ڕی و ڕەسم و تێکستیة ئۆلا ئێزدییان” و «سەعید جردۆ» ژ پێش خودانێ پەرتووکا قەفتەکا نێرگزا ژ باغچێ ڕەنگینا سترانا چیایێ شنگالێ یا نڤیسەر «خەلەف حەجی حەمد» شرۆڤەکر، و هەروەسان پەرتووکا نڤیسەر «نەزیر سەرگەلی» یا ئێزدیاتی ل بەر ڕۆناهییا قەول سەبەقا هاتە شرۆڤەکرن ژ ئالیێ نڤیسەرێ ناڤبری ڤە.
پاشان ئیمزا ل سەر پەرتووکان هاتەکرن، و ل سەر بەشداربووییان هاتنە دابەشکرن، دهێتە زانینن ئەڤ هەرسێ پەرتووکنە ژ وەشانێن دەستەییا بلندا بنگەهێ لالشن.
بنگەهێ لالش یێ رەوشەنبیری و کۆمەڵایەتی ساڵانە چەندین پەرتووکان ل سەر مژارێن جودا جودایین گڕێدایی ئێزدییاتیێ چاپ دکەت، وهەلسەنگان و شرۆڤەکرن ژی دهێتە کرن.
تُتاح هذه الصورة أيضا في: کوردی