ئازار 28, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

نوونه‌رێ يونيتاد سه‌ره‌دانا بنگه‌هێ لالش ل دهۆكێ كر

نوونه‌رێ يونيتاد سه‌ره‌دانا بنگه‌هێ لالش ل دهۆكێ كر
سه‌ما:
جيتال ئايدشن نوونه‌رێ نوونه‌راتيا نه‌ته‌وه‌يێن ئێكگرتى(يونيتاد) سه‌ره‌دانا بنگه‌هێ لالش يێ ره‌وشه‌نبيرى و جڤاكى ل دهۆكێ كر و ژبال شه‌مۆ قاسم به‌رپرسێ لژنا ره‌وشه‌نبيرى ڤه‌ هاته‌ پێشوازيكرن.

(يونيتاد) تيمه‌كا ڤه‌كۆلينێ يه‌ سه‌ر ب نه‌ته‌وه‌يێن ئێكگرتى ڤه‌ بۆ خورتكرنا دادپه‌روه‌ريێ ل تاوانێن رێكخراوا داعش يا تيرۆرى ئه‌نجام داين.

دروونشتنێ دا رابۆچۆن لێك هاتن گوهارتن لدۆر چاوانيا پێشكێشكرنا به‌لگه‌يان يێن كريارێن داعش دسه‌پينن كو تاوانێن شه‌رى و كۆمكوژيا بكۆم و جينۆسايده‌.
شه‌مۆ قاسم، به‌رپرسێ لژنا ره‌وشه‌نبيرى ل بنگه‌هێ لالش بۆ كه‌نالێ سه‌ما راگه‌هاند؛”ل ده‌ستپێكێ كورتيه‌ك لسه‌ر بنگه‌هێ لالش پێشكێشى نوونه‌رێ يونيتادێ كر لسه‌ر كۆمكرنا به‌لگه‌يان ژلايێ بنگه‌هێ لالش ڤه‌ لدۆر جينۆسايدا ئێزديان ل شنگال ل ده‌ستپێكا هێرشا داعش بۆ سه‌ر شنگال و به‌رسڤا هه‌موو پرسيارێن نوونه‌رێ تيما ڤه‌كۆلينێ هاتن دان”.

ژلايه‌كێ دى ڤه‌ په‌رتۆكا كاره‌ساتا شنگال پێشكێشكى نوونه‌رێ تيما ڤه‌كۆلينێ هات كرن كو وه‌كو به‌گه‌يه‌ك بێته‌ بكارئينان و پشت به‌ستنێ لسه‌ر بكن.

جيتال ئايدشن،نوونه‌رێ يونيتاد سوپاسيا بنگه‌هێ لالش كر و پێشنيازا هه‌ڤكاريێ دناڤبه‌را تيمێ و بنگه‌هێ لالش دا كر و خواست ياداشتانامه‌كا لێكتێگه‌هشتنێ و هه‌ڤكاريێ ل ناڤبه‌را هه‌ردوو ئاليان دا ل داهاتى بێته‌ ئيمزاكرن بۆ پشكداريكرنا كارا بۆ كۆمكرنا به‌لگه‌‌يان لدۆر جينۆسايدا بسه‌ري ئێزديان دا هاتى ل شنگال پشتى 2014ێ داكو پێشكێشى نه‌ته‌وه‌يێن ئێكگرتى يان دادگه‌ها كو لبه‌ره‌ ل هه‌رێما كوردستانێ بێته‌ دامه‌زراندن بكن بۆ سزادانا كه‌سێن پشكدارى ل تاوانێن دژى ئێزديان كرى و كريارێن وان ب سه‌لمينن.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi