بنگەهێ لالش 123سالیا رۆژنامەگەریا كوردی پیرۆز دكت
ب هەلكەفتا بۆرینا(123)سالێن پر ژ خەبات و تێكۆشان لسەر دامەزراندنا رۆژنامەگەریا كوردی و سالرۆژا دامەزراندنا سەندیكا رۆژنامەڤانێن كوردستانێ،بناڤێ دەستەیا بلندا بنگەهێ لالش ب گشت تایی و نڤیسینگەهێن خۆ ڤە جوانترین و گەرمترین پیرۆزباهیان ئاراستەی تەڤایا رۆژنامەڤانان،میدیاكار، نڤیسەران، رەوشەنبیران و خەلكێ كوردستانێ دكەین.
ئێكەم رۆژناما كوردی ب زاراڤێ كرمانجی یا ژوورو ب ناڤێ(كوردستان) ل 22ی نیسانا 1898ێ ل باژارێ قاهیرە یا پایتەختێ مسرێ ژلایێ میر (میقداد مەدحەت بەدرخان)ڤە دەركەت ب زمانێ كوردی هاتە چاپكرن و كەفتە بەردەستێ خووندەڤانا،ئەو رۆژا بوویە دەستپیكا تۆماركرنا دیرۆك و خەباتا رۆژنامەگەریا كوردی.
رۆژنامەگەریا كوردستانێ سەرەرای باروودۆخێن سەخت و دژوارێن كوردستان تێدا دەرباز دبوو، ژبۆ گەهاندنا پەیاما خۆ یا پیرۆز و د خزمەتا گەل و وەلاتی دا و دەنگێ راستەقینە یێ مللەتێ خۆ ب رەنگەكێ ئازاد ل تەڤایا جیهانێ بەردەوامی ب بزاڤا خۆدایە.
ب ئۆمێدین رۆژنامەڤانێن كوردستانێ ل ئاستێ پرەنسیپ و یاسایێن رۆژنامەڤانیا هەڤچەرخ، كارێ خۆ ئەنجام بدەن وەك دەستهەلاتا چارێ بەرژەوەندیا گشتی و نەتەوەی بپارێزن، و هیڤیا بەردەوامی و پێشڤەچوونێ ژبۆ كار و ئەركێ وان یێ پیرۆز دكەین.
دووبارە ئەڤ هەلكەفتا مێژوویی یا گرنگ ل تەڤایا رەوشەنبیرێن كوردستانێ ب گشی پیرۆزبە و هەر سەرفەراز و سەركەفتی بن.
دەستەیا بنلدا بنگەهێ لالش یێ رەوشەنبیری و جڤاكی/دهۆك
22ی نیسانا 2021
تُتاح هذه الصورة أيضا في: کوردی