پەیاما پیرۆزباهیا سەرۆکێ حکومەتا هەرێما کوردستانێ ب هەلکەفتا دانانا بابه شێخ
باسنيوز:
ئەمڕۆ پێنجشەممە مەسرور بارزانی، سەرۆکی حکوومەتی هەرێمی کوردستان، بە بۆنەی دانانی بابەشێخی نوێی کوردانی ئیزدی، پەیامێکی پیرۆزبایی ئاراستەی میر حازم و بابەشێخ عەلی ئیلیاس و جڤاتی ڕۆحانیی ئێزدییان و هەموو کۆمەڵگەی کوردانی ئێزدی کردووە.
لە بەشێک لە پەیامەکەی مەسرور بارزانیدا هاتووە: “هیوادارم پڕکردنەوەی ئەو پلە ئایینییە و ئەو رووداوە لە ژیانی ئایینیی ئیزدییاندا ببێتە هەوێنی یەکڕیزی و تەبایی لەناو کۆمەڵگەی ئیزدی و ئیزدخانێدا و ببێتە دەرفەتێک بۆ ڕزگاربوونیان لە ئاوارەیی و کۆتاییهاتنی هەموو ناخۆشییەک و گەڕانەوەی ئاوارەکان بۆ شوێن و زێدی خۆیان و ئاوەدانکردنەوەی دەڤەری ئیزدییەکان”.
دەقی پەیامەکە:
ب ههلكهفتا دانانا بەڕێز شێخ عەلی ئیلیاس وەک بابێ شێخێ ئێزدییان ، پیرۆزباهیێن گهرم ئاراستهی میر حازم و بابێ شێخ عەلی و جڤاتا رۆحانی و ههموو خوشك و برایێن مه یێن ئێزدی دكهم.
هیڤی دکەم جەنابێ بابێ شێخ دئهركێ خوه یێ نوی دا یێ سهركهفتی بیت و بكاریت خزمهتا جڤاك و ئایینێ ئێزدییان بكەت، و لێره پشتهڤانیيا خوه ژبۆ وی رادگههینم.
هیڤی دکەم پڕکرنا ڤێ پلهیا ئایینی و ئهڤ رویدانە د ژیانا ئایینێ ئێزدییان دا ببیتە هێڤێنێ ئێكرێزی و تهبایێ دناڤا جڤاکا ئێزدی و ئێزیدخانێ دا و ببیتە دەلیڤەک ژ بۆ دهربازبوونێ ژ ژیانا ئاوارهیی و داوی ھاتنا تەڤایا نەخۆشیان و ڤەگەڕیانا ئاوارەیان بۆ جه و وارێن خوە و ئاڤەدانبوونا دەڤەرێن ئێزدییان.
حکومەتا هەرێما کوردستانێ یا رژدە لسەر پاراستن و ڕێزگرتنا تایبهتمهندییا ئایینێ ئێزدییان و ههموو پێكهاتێن دی یێن كوردستانێ پێخەمەت بهێزکرنا گیانێ پێكڤەژیانێ.
مەسرور بارزانی
سەرۆکێ حکومەتا هەرێما کوردستانێ
تُتاح هذه الصورة أيضا في: کوردی