هه‌تا نهۆ دوو هه‌زار و 800 گرتيێن ئێزدی دیار نینن
باسنيوز:
بەرپرسێ دوسیەیا رزگاركرنا رەڤاندیێن ئێزدی ئاشکەرا کرد هەتا نۆكە پتر ژ دوو هزار و 800 رەڤاندیێن ئێزدی دیار نینن و ئەم نوزانن هەموو ژیانێدا ماینە، یان هندەك شەهیدبووینە و هێشتا دیار نینە.
خەیری بۆزانی، بەرپرسێ دوسیەیا رزگاركرنا رەڤاندیێن ئێزدی بۆ (باسنیوز) راگەهاند كو پتریا رەڤاندیێن ئێزدی ناڤ وان جه و دەڤەران دا ماینە یێن سالە 2014ێ بن كونترولا تیرۆرستێن داعشدا و گەلەك رەڤاندیێن ئێزدی دناڤ كەمپا هۆلی دا هەنە ئەڤە شەش سالن بن دەستێ تیرۆرستێن داعش دا بیگومان دێ گۆهۆرێن ڤێ ئامارێ دا هەبن لێ ئەم نەشێن بیژن چەند ماینە هەروەسا ژی خێزانیێن داعش رەڤاندیێن ئێزدی ترساندینە و گوتیە وان هەوە زارۆك یێن هەین و ئێزدی هەوە وەرناگرن مە هوون دێ كێڤە چن ورەنگە ژی هندەك هەبن ژی ئەو بخۆ ژی نەهێن هەموو ئەگەرەك هەنە دبیت هەموو ئەوبن یێن مێشكی وان هاتیە شووشتن هەتا داعش هەبوو”.
ئاشكەرا كر كو: “دناڤ وان بخۆ دا كرین و فرۆتن كچ وژن و زارۆكێن ئێزدی هاتە كرن لێ نۆكە پشتی كەڤتینە كەمپان دا پتر ئاستەنگ بۆ رزگاركرنا رەڤاندیێن ئێزدی چیبوویە چونكو ناڤ خێزانیێن داعش دانە رێك وان ناهێتە دان دەربكەڤن “.
بۆزانی گۆتژی: “پشتی كۆرۆنا ژی پەێدابوویێ هەتا رادەیەكێ سستبوون چیبوویە لێ دگەل هەر دەمەكێ وەختەك پلان دهێنە دانان بۆ رزگاركرنا رەڤاندیێن ئێزدی ئەڤ پرۆسیەیا یا بەردەوامە پێدڤیە هەڤكاریا بەغدا هەبیت ئەو بچن پیسیارا وان خێزانان بكەن یێن ئێزدی ناڤ دا هاتینە ڤەشارتن”.
زێدەتر گۆت: “هەسەدە هاریكاریێ ناكەت بۆ رزگاركرنا رەڤاندیێن ئێزدی و مە خەلك ژی ڤریكریە لێ هەڤكار نەبووینە دگەل مە دا”.
ل جینوسایدا شنگال 6417 كەسێن ئێزدی ژهەردوو رەگەزان هاتنە رەڤاندن ژلایێ هوڤانەیێن داعش ڤە هەتا نۆكە پترژ سێ هزار و 500 رەڤاندیێن ئێزدی یێن هاتینە رزگاركرن ویێن دیتر هیشتا چارەنڤیسی وان دیار نینە.
تُتاح هذه الصورة أيضا في: کوردی
