پارێزگەرێ دھۆکێ جەژنا چلێ هاڤینێ يا ئێزديان پیرۆز دکت
ب هەلکەفتا جەژنا چلێ هاڤینێ ل ۲٠ تیرمەها کەڤن بەرانبەر 2 ی ئۆگۆست، کو ئێکێ ژ کەڤنترین جەژنێن کوردستانا دێرین و گەلێ کوردستانێ و گەلێن ئاریاییە ب تەڤایی بوویە، گەرمترین پێروزباییا ل خوشک و برایێن ئێزدی دکەم و هیڤیدارم هەر سال ب خێر و خوشی لسەر گەلێ مەرا دەرباز ببی. پاش ئەو هەموو فەرمان و جینۆسایدێن بسەر ئێزدیاندا هاتی،دخوازین کو ئازادی و شادبوون ب هەموو مافێن وان و ڤەگەریانەکا سەربەرزانەیا ئاواران بۆ سەر جهـ و وارێن وان ب دویڤدا هەبیت. هەر جهێ برایێن ئێزدی لێبن و لێ بووینە هەلگرێن خۆ و رەوشت و رەفتار و گوفتارا بەرزا مرۆڤایەتیێ و کوردایەتیێ بووینە. هەموو بهوستەکا کوردستانێ ولاتێ وانە و ب ولاتێ خۆ بزانن و خوشتڤیێن مە هەموویانە. جارەک دی داخوازا خۆشی و چاکی و بەختەوەریێ بۆ هەموو ئێزدیەکێ لسەرانسەری جیهانێ دخوازم.
د. عەلی تەتەر
پارێزگارێ پارێزگەها دهۆکێ
۲٠ تیرمەهێ ـ ۲ ئۆگۆست ۲٠۲٠
تُتاح هذه الصورة أيضا في: کوردی
