ئازار 28, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

قایممقامێ‌ شنگال: دخازین پرسا هێزێن نەشەرعی بێتە ئێكلاكرن

قایممقامێ‌ شنگال: دخازین پرسا هێزێن نەشەرعی بێتە ئێكلاكرن

باسنيوز:

لدیڤ گۆتنا قایمقامێ‌ قەزا شنگالێ‌، كۆ هژمارەك ژ هێزێن نە شەرعی ل ناڤا قەزایێ‌ دا هەنە، هەمان هێزە بوونە ئەگەر رەوشا شنگالێ‌ بەرەڤ خرابوونێ‌ ڤە بچیت و خەلك ژ ترسا وان هێزان وەك پێتڤی قەستا شنگالێ‌ ناكەن و دخازن پرسا هەبوونا هێزێن نەشەرعی بهێتە ئێكلاكرن.

مەحما خەلیل، قایقمامێ‌ قەزا شنگالێ‌ بۆ (باسنیوز) دبێژیت: “ژ بەر كۆ هژمارەكا هێزێن نەشەرعی ل ناڤا قەزا شنگالێ‌ دا هەنە، ئەو هێزە بوونە ئەگەر رەوشا شنگالێ‌ باش نەبیت و خەلك ژ ڤەگەراندنێ‌ دوو دل بیت و ئەو هێزە بوونە ئەگەرێ‌ تێكدانا رەوشا شنگالێ‌” و گۆتژی: هەبوونا ڤان هێزان ل سنۆرێ‌ قەزا شنگالێ‌ بۆ مە دلگرانیەك مەزنە”.

قایمقامێ‌ قەزا شنگالێ‌ ئاماژە ب وێ‌ چەندێ‌ ژی دا: “هەبوونا هێزێن نەشەرعی و مانا هێزێن نەشەرعی، ل شنگالێ‌ بوویە ئەگەرێ‌ مال وێرانكرنا خەلكێ شنگالێ‌ و ئەو هێزە بوونە ئەگەر كۆ قەزا شنگالێ‌ ببیتە مەیدانەكا شەری دناڤبەرا وان هێزان و تۆركیا دا و ب ڤی رەنگی شنگال بەرەڤ باشتر بوونێ‌ ڤە ناچیت” و گۆتژی: مە سەد جاران داخاز جهێن پەیوەندیدارێن مووسل و بەغدا كریە كو ئەڤێ‌ پرسێ‌ ئێكلابكەن، لێ‌ تا نۆكە چ ئەنجامەك ب دەستمەڤە نەهاتیە”.

مەحما خەلیل ئەڤە ژی گۆت: “ل سنۆرێ‌ قەزا شنگالێ‌ هێزێن نەشەرعی هەنە و پەكەكێ‌ ل شنگالێ‌ رەوش تێكدایە و هەر جهێ‌ نەشەرعیەت هەبیت، پێكڤە ژیان درۆست نابیت” و گۆتژی:” ژ بەر هەبوونا هێزێن نەشەرعی ل شنگالێ‌، خەلك وەك پێتڤی قەستا سەر گوندەوارێن خۆ ناكەت و ئەڤ چەندە ژی جهێ‌ دلگرانیەكا مەزنە، لەورا ئەم دخازین ئەڤ هێزێن نەشەرعی خۆ ژ قەزا شنگالێ‌ دویر بكەن و دیسان جهێن پەیوەندیدار یێن حكۆمەتا ناڤەندی یا عیراقێ‌ ژی بهێتە سەر خەت و كار ل سەر وێ‌ چەندێ‌ بكەت كۆ پرسا هەبوونا هێزێن نەشەرعی ئێكلا بكەت چونكە مافێ‌ عیراقێ‌ یە ئەڤێ‌ پرسێ‌ ئێكلا بكەت تا كۆ مەترسی ل سەر ژیانا خەلكێ‌ قەزا شنگالێ‌ دروست نەبیت”.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi