بنگههێ لالش:جهژنێن مه تهمام نابن ههتا ههموو گرتیێن ئێزدی ڤهنهگهرن
_چارهنڤیسێ بێ سهر وشوونان و دادگههكرنا تیرۆرستان ژ گرنگترین داخوازێن مهیه
ب ههلكهفتا هاتنا جهژنا چلێ هاڤینێ،دهستهیا بلندا بنگههێ لالش یێ رهوشهنبیری و كۆمهلایهتی گهرمترین و جوانترین پیرۆزباهیان ئاراستهی ئێزدیان ل كوردستان و عێراق و جیهانێ دكت،هیڤیخوازن جهژنا خێر و خۆشی و ئاشتیێ بۆ ههموویان بت.
ل ڤێدهرێ دووپات دكهین كو جهژنێن مه تهمام نابن و كهیفخۆش نابن ههتا ههموو گرتیێن ئێزدی ڤهنهگهرن ئهوێن گرۆپێ داعش یێ تیرۆرستی گرتین.
ههروهسا تهكهز دكهین پێتڤیه چارهنڤیسێ بێ سهر وشوونێن ئێزدی ژ زهلام و ژن و زارۆكان بێته ئاشكهراكرن كو ههتا ئیرۆ رۆژ ژمارا وان 2930بێ سهر و شوونن كو 1330ژن و 1592زهلام،داخوازێ ل تهڤ لایهنێن پهیوهندیدار دكهین كو پێكۆلێن زێدهتر بێخنه كار بۆ دیاركرنا چارهنڤیسێ وان،ههروهسا دڤێت ههر ئێكی دهست ل دهست بسهرداگرتنا شنگال دا ههی و هاریكاربووی ل كریارێن كوشتن و سهربرین و گرتن و كهنیزه و دهستدرێژیكرنێ بێته سزادان و دادگههكرن،داكو بگههنه جهزایێ خۆ یێ عادیلانه.
دهستهیا بلندا بنگههێ لالش یێ رهوشهنبیری و كۆمهلایهتی/دهۆك
٣١/٧/٢٠١٩
تُتاح هذه الصورة أيضا في: کوردی