هاریكاریێن رێكخراوان بۆ ئاوارێن كەمپا ئێسیان كێمبووینە
تۆرا لالش یا راگەهاندنێ
ل كەمپا ئێسیان یا ئاوارێن شنگالێ نێزیكێ(15)هەزار كەسان ئاكنجی نە،وەك ئاوارە ددەنە خویاكرن كو هاریكاریێن رێكخراوان یێن پێشكێشی خەلكێ كەمپێ دكن وەك بەرێ نەماینە و گەلەك كێمبووینە.
دڤی واری دا(خەلیل موراد) ئێك ژ ئاوارێن كەمپا ئێسیان بۆ رۆژناما دەنگێ لالش دا دیاركرن،ل دەستپێكا وەرزێ هاڤینێ ئاوارە پێتڤی ب هەر پێتڤیەكا وەرزێ هاڤینێ نە،لێ هاریكاریێن رێكخراوان و جیێن پەیوەندیدار وەك بەرێ نەماینە و گەلەك كێمبووینە،ئەم داخوازێ دكەین ژ هەموو لایەكی ڤە هاریكاریا ئاواران بێتە كرن،ژبەركو د رەوشەكا سەخت و و دژوار و لبەر گەرما هاڤینێ دژین و پێتڤی یە دەستێ هاریكاریێ بۆ بێتە درێژكرن.
هەروەسا(برفێ عومەر)ئاوارەكا كەمپا ئێسیان بۆ رۆژناما دەنگێ لالش دیاركر،وەك دانعەمرەك لبن خیڤەتا ئاوارەبوونێ دا ژیانا خۆ دبۆرینم،ژیانا مە گەلەك سەخت و دژوارە و پێتڤی ب هەر جۆرە هاریكاریەكێ نە و رۆژ بۆ رۆژێ ژیانا مە ل ناڤ كەمپان دا خرابتر دبت.
ل دەمێ هێرشا رێكخراوا تیرۆرستیا داعشێ بۆ سەر شنگال ل رۆژا(3/8/2014)ێ ب هەزاران خەلكێ شنگال دەربەدەر و ئاوارەی دەڤەرێن هەرێما كوردستانێ بوون،كو ل سنوورێ پارێزگەها دهۆكێ و چەند دەڤەرێن دیتر دبن خیڤەتان ل كەمپان دا ژیانا خۆ دبۆرینن.
تُتاح هذه الصورة أيضا في: کوردی