دیدارەكا ڤەكری لدۆر مافێ ژنێ د میراسی دا ب رێڤەچۆ
تۆرا لالش یا راگەهاندنێ/دهۆك
دیدارەكا ڤەكری لدۆر(مافێ ژنێ د میراسی دا) ل ناڤ ئایینێ ئێزدی و بسلمان و دیتنا یاسایی یا دەستورێ عێراقێ و كوردستانێ هاتە ئەنجام دان.
دوهی رۆژا شەمبوویێ 22ی كانوونا ئێكێ 2018ێ ب ئامادەبوونا ژمارەكا رێكخراوێن مافێ مرۆڤی و كەسایەتیێن تایبەتمەند دبوارێ مافێ مرۆڤ دا،نڤیسینگەها لالش دهۆك دیدارەكا ڤەكری لدۆر مافێ ژنێ د میراسی دا ئەنجام دان.
ل پێشیێ “مەلا ئەنس”شارەزایێ ئایینێ ئیسلامێ و پەرلەمانتارێ خۆلا بەری یا پەرلەمانێ كوردستانێ پێداچۆنەكا مێژوویی دا مافێ ژنێ د میراسی دا ل ئایینێ ئیسلامێ و دیتانا شەرعی یا ئایینی لدۆر میراسی و دیاركر” ئایینێ ئیسلامێ د چار حالەتان دا پشكا زەلامی دمیراسی بترە ژ یا ژنێ لێ دسیه حالەتێن دی دا پشكا ژنێ بترە.
ژ ئالیەكی دی ڤە زەلامێ ئایینێ ئێزدیان”خواجا خەتاری” بەحسا میراسێ ژنێ د دیتنا ئایینێ ئێزدیاتیێ دا كر و ئاماژەكر كو د ئایینێ ئێزدیاتیێ دا پشكا ژنێ وەك پشكا زەلامی یە،تەكەزكر كو د چەندین قۆناغێن دیرۆكی دا ژنێ رۆلەكی بەرچاڤ هەبوو و بریارا جڤاكی و ئابووری د دەستێ ژنێ دا بوو.
دپەنەلەكی دی دا یاساناس “سەعید سەلیم” بەحسێ یاسایا كوردستانێ و عێراقێ د بوارێ بەهرا ژنێ د میراسی دا و چەندین بەند و یاسایان كر.
ل داویا دیدارێ گەنگەشە ب تێر و تەسەلی لدۆر بابەتی هاتە كرن و چەندین پێشنیار ژلایێ ئامادەبوویان ڤە هاتنە ئاراستەكرن پێخەمەت كاركرن ژلایێ لایەنێن پەیوەندیدار ڤە،ب ئارمانجا بتر پاراستنا یەكسانی و دادپەروەریێ دبوارێ مافێ ژنێ د میراسی دا.
تُتاح هذه الصورة أيضا في: کوردی