جڤاتا شنگال: بۆ زڤرینا شنگالێ فشار ل ئاواران نائێته كرن
باسنيوز:
سهرۆكێ جڤاتا قهزا شنگال دیاركر، کو ب هیچ شیوهیهكێ فشار ل ئاوارێن شنگال ناهێته كرن بۆ زڤرینا سهر زهڤى و مالێن خوه ل قهزا شنگال.
وهیس نایف، سهرۆكێ جڤاتا قهزا شنگال بۆ (باسنیوز) دیاركر: “ههكه چو ئاریشه بۆ ئیدارا شهرعى یا شنگال نههێنه دروستكرن قۆناغا ئێكێ یا زڤرینا ئیدارا شنگال بجه هات، دێ قۆناغا دوویێ داخواز زڤرینا رێكخراوان بۆ شنگال هێته كرن. ههتا ئهمن وئاسایش ل شنگال بهرقرار نهبیت ب هیچ شیوهیهكێ داخواز ژ ئاواران و خهلكێ شنگال ناهێته كرن بۆ زڤرینا شنگال. نۆكه ژى ههر ئاوارهك ب دلێ خوه یه بۆ زڤرین ونه زڤرینا شنگالێ. دهمێ ئاوارێن شنگال ژ ژیانا خۆ پشت راست دبن ژ نۆكه ئهو دشێن بریارا خۆ بدهن بۆ زڤرین یان نه زڤرینا سهر زهڤى و مالێن خوه”.
خویا ژى كر: “ههتا نۆكه رێژا 85% ئاوارێن شنگال ل پارێزگهها دهۆكێ دناڤ كهمپێن ئاواران وخانیێن ههیكهلدا دژین،ههتا ئارامی پهیدا نهبیت خهلك نهشێن ڤهگهرن”.
ئاشكرا كر: “نۆكه ل شنگال چو خزمهت و رێكخراوا ژى نینن ههڤكاریا خهلكێ بكهن. پشتى ئهم زڤرینه شنگال دى كاركهین رێكخراوا زڤرنه شنگال ودهست ب خزمهتكرنا دهڤهرێ بكهن”.
تُتاح هذه الصورة أيضا في: کوردی