بنگەهێ لالش:پیرۆزباهی ب هەلكەفتا جەژنا چلێ هاڤینێ
ب هەلكەفتا هاتنا جەژنا چلێ هاڤینێ،جوانترین و گەرمترین پیرۆزباهیان ئاراستەی تەڤایا ئێزدیان ل كوردستانێ و عێراقێ و جیهانێ دكەین،هیڤیخوازین ئەڤ هەلكەفتا پیرۆز یا خێر و خۆشیێ بت بۆ هەموویان.
ئاماژێ دكەین كو دووبارە گێرانا رێورەسمێن ئایینی ل پەرستگەها پیرۆزا لالش لڤێ جەژنێ دا جیێ گرنگیدانێ یە،ژبەركو نابت ئەڤ رێورەسم بێنە راگرتن و ژبۆ پاراستنا رەوشت وتیتال و داب و نەریتێن ئێزدیان یێن كەڤنار.
بڤێ پیرۆزباهیێ ئەم دووپات دكەین كو هەموو گرتی و بێ سەروشوونێن مە د دلێ مەدانە،و كەس و كارێن وان جیێ گرنگیدان و چاڤدانا مەنە لدوڤ شیانێن مە،داخوازێ ژ جیێن شۆلەژێ یێن ناڤخۆ و هەرێمی و نێڤ دەولەتی دكەین لسەر پێكۆلێن خۆ دبەردەوام بن بۆ ئازادكرنا خەلكێ مە و كاركرن بۆ سزادانا تیرۆرستێن داعشێ داكو بگەهنە سزایێ خۆ یێ عادیلانە.
دەستەیا بلندا بنگەهێ لالش یێ رەوشەنبیری و كۆمەلایەتی/دهۆك
30/7/2018
تُتاح هذه الصورة أيضا في: کوردی
