ئافرەتێن شنگال: بلا خەلكێ شنگال دەنگێ خۆ نەدەن عەرەبێن داعشى
باسنيوز:
بەرپرسا ئێكەتیا ئافرەتێن كوردستانێ ل شنگال دیاركر كو ئەو عەرەبێن ل سەر دەمێ حكومەتا مالیكی كچ و ژن وزارۆكیێن ئێزدیان رەڤاندین، نۆكە یێ ل شنگال هەولدەن ب دەنگێ خەلكێ شنگال بچنە پەرلەمانێ عێراقی. داخازێ ژ هەموو دەنگدەرێن شنگال دكەین دەنگ ب خیانەتكاران نەدەن.
دلڤین خەلەف، بەرپرسا ئێكەتیا ئافرەتێن كوردستانێ ل شنگال بۆ (باسنیوز) دیار كر: “بۆ مسۆگەركرنا پاشەرژۆا كچێن ئێزدی ل قەزا شنگال داخازێ ژهەموو دەنگدەرێن خوە دكەین ل رۆژا دەنگدانێ ب هیچ شیوەیەكێ دەنگ ب لیست وكاندێدین عەرەبان ل شنگال و مووسلێ نەدەن چونكو هەر ئەو عەرەب دووبەروبەرێن شنگال بوون ل كارەساتا شنگال هەڤكاریا ئێزدیان نەكرن وخیانەت ل ئێزدیان كرن هەتا نۆكە ژی ئێزدی بریندارن ژبەر وێ خیانەتێ. هەتا ئەڤرۆكە ژی حكومەتا عێراقی یا مافێن خەلكێ شنگال دخۆت”.
خویا ژی كر: “مسۆگەركرنا پاشەرۆژا كچ وژن وزارۆكێن ئێزدی بتنێ ل هەرێما كوردستانێ یە هەتا نۆكە ژی پارتی خۆ ب خۆدانێ ئێزدیان دزانت. ل دەستپێكا كارەساتێ نڤیسینگەهەك ل دهۆكێ بۆ رزگاركرنا رەڤاندیێن ئێزدی ب پشتەڤانیا سەرۆكێ حكومەتا هەرێما كوردستانێ هاتە ڤەكرن. هەتا نۆكە زێدەتر ژ 3200 كچ وژن وزارۆكێن ئێزدی ژدەستێن تیرۆرستێن داعش وعەرەبێن خیانەتكار رزگاركرینە”.
تُتاح هذه الصورة أيضا في: کوردی
