نڤیسینگەها لالش بنكەندی خۆلەكا فێركرن و راهێنانێ ل گوندێ سرێچكا بۆ ماوێ هەیڤەكێ ڤەكر
تۆرا لالش یا راگەهاندنێ
نڤیسینگەها لالش بنكەندی یا رەوشەنبیری و كۆمەلایەتی ب هەماهەنگی لگەل بنگەهێ گەشەپێدانا كارێن پیشەیی ل دهۆكێ ب پشتەڤانیا رێكخراوا(LWF)یا سویدی،خۆلەكا فێركرن و راهێنانێ ل گوندێ سرێچكا بۆ ماوێ هەیڤەكێ ڤەكر.
ل رێككەفتی 15/12/2017دەست ب خۆلێ هات كرن بۆ فێربوونا كۆمپیۆتەری و سەرتراشینا زەلام و ژنان و دروارێ بۆ هەردوو رەگەزان بۆ(40)راهێنەران ژ گەنج و كچێن گوندێ سرێچكا و تللسقۆف و باقۆفا بۆ گەشەپێدانا شیانێن وان یێن فێركرنێ و پیشەیی ل پیشەیێن هاتینە دیاركرن ژبۆ ئاڤاكرنا پلانێن هشیاربوون و ڤەكرنا رێیێن پاشەرۆژێ هەمبەری وان و هشیاربوون ل ئاستێ وان یێ مەعیشی و گەشەكرنێ،ب رێیا ڤەكرنا پرۆژێن بچووك بۆ وان دڤان بیاڤان دا.
هەروەسا ل رێككەفتی 18/1/2018ل هۆلا لالش سرێچكا خۆل ب گێرانا ئاهەنگەكێ ب داوی هات،ب ئامادەبوونا نوونەرێ لژنا نافخۆیا خەتارێ و رێكخراوا سرێچكا یێن پارتی دیموكراتی كوردستان و بەرپرسێ نڤیسینگەها لالش بنكەندی و نوونەرا رێكخراوا(LWF) وبەرپرس و ئەندامێن بنگەهێ گەشەپێدانا كارێن پیشەیی و مامۆستا و راهێنەرێن گشت پیشا و پشكداران.
ل دەستپێكێ ئامادەبووی خۆلەكەكێ سەكنین لسەر گیانێ جانگۆریێن كوردستانێ و سەروەرێ وان بارزانیێ نەمر،پاش”غازی عەساف” بەرپرسێ نڤیسینگەها لالش بنكەندی بخێرهاتنا ئامادەبوویان كر،پاشی چەند پەیڤ هاتنە پێشكێشكرن.
ل داویێ گشت پشكدارێن خۆلێ هاتنە خەلاتكرن ب باوەرنامێن دەرچوونێ یێن پیشەیی وەك باوەرنامەكا فەرمی ل كاری دا ل ئێك پیشەیان دا ل پاشەرۆژێ.
تُتاح هذه الصورة أيضا في: کوردی
