مەحما خەلیل:دخوازین بەری هەلبژارتنێن عێراقێ ئیدارا هەڤپشك ل شنگال بێتە دروستكرن
تۆرا لالش یا راگەهاندنێ
قایممقامێ قەزا شنگال راگەهاند،هاتنا حەشدا شەعبی بۆ شنگال ژبەر ڤان هەلبژارتنێن بێت یێن پەرلەمانێ عێراقێ یە داكو حەشد وەكو حەزا خۆ رێڤەببەت و نوونەرێن خۆ دەست نیشان بكن،ئەڤجا دخوازین بەری ڤان هەلبژارتنان ئیدارا هەڤپشك ل شنگال بێتە دروستكرن.
د داخویانیەكێ دا بۆ رۆژناما دەنگێ لالش،قایممقامێ قەزا شنگال(مەحما خەلیل) گۆت:حەشدا شەعبی دێ رێژا نوونەرێن راستەقینە یێن شنگالیان پشتگوه ئێخت و حەشد دێ نوونەرێن خۆ دەست نێشان بكت بۆ هەلبژارتنێن پەرلەمانێ عێراقێ بۆ وێ یەكێ ئەو بریارێن خۆ بسەپینن لسەر خەلكێ دەڤەرێ دا،ئەم دخوازین بەری هەلبژارتن بێنە كرن ئیدارا هەڤپشك ل شنگال بێتە دروستكرن وحەشدا شەعبی مایتیكرنێ د دەنگێن خەلكێ شنگال دا نەكت ونوونەرێن راستەقینە یێن شنگال بتنی بێنە دەست نیشانكرن.
هەروەسا قایممقامێ شنگال دیاركر،ئەف رەفتارێن حەشدا شەعبی ل شنگال دكت دبەرژەوەندیا عێراقێ دا نینە،پێتڤیە نەئێتە قەبوولكرن ئەو رەفتار ل دەمێ هەلبژارتنان بێنە كرن.
تُتاح هذه الصورة أيضا في: کوردی