دەستەیا جینۆسایدێ:كۆمكوژیا كوردێن ئێزدی ب هەموو ستاندارێن نێڤ دەولەتی جینۆسایدە
تۆرا لالش یا راگەهاندنێ
سەرۆكێ دەستەیا ڤەكۆلین و كۆمكرنا بەلگەیێن جینۆسایدێ ل پارێزگەها دهۆكێ راگەهاند، ئەو كۆمكوژیا هەمبەر كوردێن ئێزدی هاتیە كرن ب هەموو پیڤەر و ستاندارێن نێڤ دەولەتی جینۆسایدە.
دادوەر(ئەیمەن موستەفا) سەرۆكێ دەستەیا ڤەكۆلین و كۆمكرنا بەلگەیێن جینۆسایدێ بۆ دەنگێ لالش خویاكر، زێدەتر ژ(١٢٠٠) سكالە لسەر داعش هاتینە تۆماركرن و( ٢٨)مەزارگەهێن ئایینی هاتینە دكیۆمێنتكرن و لگەل ژمارەیەكا زۆر یا بەلگەنامە و دیدەڤانا هەنە بۆ كۆمكوژیێ و ئەنجامێن زۆر باش هەنە،چنكو مەرەما سەرەكی یا ڤێ رێكخراوا تیرۆرستی ڤی ئایینی قر بكت و ژناڤ ببەت و هەر لسەر ڤێ خالا گرنگ ئەڤ كۆمكوژیە ب هەموو پیڤەر و ستاندارێن نێڤ دەولەتی جینۆسایدە،تەنها ئەو مایە دادگەها تاوانان دانپێدانێ پێ بكت و گۆت:((گەلەك بەلگەنامە ژ ڤیدیۆ و بەلگەنامەیێن پێتڤی لبەردەستن و تێرا هندێ هەن كو ب جینۆساید بێتە ناساندن،بەلێ حكومەتا هەرێمێ دێ هەموو بەلگەنامان بۆ دادگەها تاوانێن نێڤ دەولەتی رەوانە كت بۆ هندێ ئەو بریارێ ب جینۆساید ناساندنێ لسەر بدەن)).
ژلایەكێ دنڤە بەرپرسێ گۆرێن بكۆم ل پارێزگەها دهۆكێ(عیماد هەسكانی)بۆ دەنگێ لالش گۆت:داعش زێدەتر ژ(٦٠) مەزارگەهێن ئێزدیان ژناڤبرن و هەتا نهۆ زێدەتر ژ (٦٠) گۆریَِن بكۆم و تاك ل دەورووبەرێن شنگال هاتینە دیتن و پتریا وان هاتینە دكیۆمێنتكرن.
تُتاح هذه الصورة أيضا في: کوردی