شێخ شامۆ:سەراستكرنا شاشیان كارەكێ پیرۆزە دژیانێ دا
تۆرا لالش یا راگەهاندنێ
بەرێز”شێخ شامۆ”سەرۆكێ دەستەیا بلندا بنگەهێ لالش،دچارچووڤەیێ سمینارەكێ دا بۆ(400) گەنجێن ئێزدی یێن رێزێن پەكەكێ بجهـ هێلاین راگەهاند،پەكەكە هێزەكا نە رەوایە و نە یاسایی یە و داخوازكر گەنجێن ئێزدی خۆ ژێ دوور بئێخن.
ل رێككه‌فتى 2ئەیارا 2017ێ،ب ئامادەبوونا فەرماندە و ئەفسەرێن سەرپەرشتیا مەشق و راهێنانێن ڤان پێشمەرگا دكن و لژێر ناڤ و نیشانێن(راستیا رەوشا ئێزدیا،دوهی و ئەڤرۆ و ئایندە)،بەرێز”شێخ شامۆ”سەرۆكێ دەستەیا بلندا بنگەهێ لالش و ئەندامێ پەرلەمانێ كوردستانێ،سمینارەك بۆ( ٤٠٠) گەنجێن ئێزدی ل بەنداڤا مووسلێ پێشكێشكر یێن رێزێن پەكەكێ بجه هێلاین و ب فەرمانا جەنابێ سەرۆك بارزانی شەرەفا پێشمەرگایەتیێ وەرگرتین.
دسمینارێ دا”شێخ شامۆ”بەحسێ رەفتار و خرابیێن وان رەفتارا كر یێن كو پەكەكە بكاردئینت و كەیف خۆشیا خۆ دەربری بۆ هشیاربوونا ڤان گەنجا،ژبەركو هەر كەس تووشی خەلەتیێ دبت و سەراستكرنا شاشیان كارەكێ پیرۆزە دژیانێ دا.
شێخی تەكەزكر كو پەكەكە هێزەكا نە رەوایە و نە یاسایی یە و داخواز كر گەنجێن ئێزدێ خۆ ژێ دوور بئێخن،ژبەركو چ بەرژەوەندێن وان دگەل وان نینن.
ل بەرامبەر دا گەنجێن ئێزدی یێن كو ژ دەست ژ پەكەكێ بەرداین كەیف خۆشیا خۆ دەربرین،بۆ گێرانا ڤێ سمینارێ.
تُتاح هذه الصورة أيضا في: کوردی
