دەستەیا بلندا بنگەهێ لالش ئاهەنگەك بۆ 60قوتابیێن ئێزدی ل پەیمانگەهێن دهۆكێ رێكخست
تۆرا لالش یا راگەهاندنێ
ل رێككەفتی 2ئەیارا 2017ێ،دەستەیا بلندا بنگەهێ لالش یێ رەوشەنبیری و كۆمەلایەتی و ل ژێر چاڤدێریا بەرێز”شێخ شامۆ”سەرۆكێ بنگەهی،ئاهەنگەك ب ناڤێ(ئاهەنگا قوتابیێن شنگال)بۆ قوتابیێن ئێزدی یێن ئەڤ سالە دەرچوویێن ژ پەیمانگەهێن دهۆكێ رێكخست.
دڤێ ئاهەنگێ دا،بەرێز”رەعەد تارق”رێكخەرێ لژنا قوتابیان ل دەستەیا بلندا بنگەهێ لالش پەیڤەك پێشكێشكر و تێدا بەحسێ رۆلێ مەزنێ بنگەهی كر بۆ ڤەگوهاستنا دۆرێن 9هەزار قوتابیان ژ هەردوو رەگەزان بۆ زانكۆ و پەیمانگەهێن هەرێما كوردستانێ ب پێكۆلێن مەزن و سەرپەرشتیا راستەوخۆ یا بەرێز”شێخ شامۆ”بۆ پشتەڤانیا وی بۆ پرۆسا ڤەگوهاستنا قوتابیان و پشتەڤانیكرنا قوتابیان ژ حەموو لایان ڤە و ل سەر ئاستێن جودا جودا و پشتەڤانیا بێ سنوور یارێزداران”مەسعود بارزانی”سەرۆكێ هەرێما كوردستانێ و “نێچیرڤان بارزانی”سەرۆكێ حكومەتا هەرێمێ.
دلایەكێ دی یێ ئاهەنگێ دا قوتابیێن سەركەفتیێن ئێكێ ل سەر بەشێن خۆ ژبال سەرۆكێ دەستەیا بلندا بنگەهێ لالش ڤە هاتنە خەلاتكرن.
ژبال خۆڤە قوتابیێن دەرچوويين سوپاسیا بنگەهێ لالش كرن بۆ رێكخستنا ڤێ ئاهەنگێ و پشتەڤانیا بەردەواما بنگەهی بۆ قوتابیێن ئێزدی ل زانكۆ و پەیمانگەهان.
تُتاح هذه الصورة أيضا في: کوردی