ئازار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

شێخ شامۆ ژ مەزارگەهێ‌ نەمران ل بارزان:هێزەك ل سەر روویێ ئەردی نینە شنگالێ‌ ژ كوردستانێ‌ ڤه‌قه‌تينه‌

شاندەكێ‌ دەستەیا بلندا بنگەهێ‌ لالش و تایی و نڤیسینگەهان سەرەدانا مەزارگەهێ‌ نەمران ل بارزان دكن

تۆرا لالش یا راگەهاندنێ‌
ل رێككەفتی 10ئادارا 20177ێ‌،شاندەكێ‌ بلند ژ دەستەیا بلندا بنگەهێ‌ لالش یێ‌ رەوشەنبیری و كۆمەلایەتی ل دهۆكێ‌،دگەل تایی و نڤیسینگەهێن گرێدایی ب تایێن لالش ڤە ل(شنگال،سنوونێ‌،باشیك،بەحزانێ‌،خانك،شاریا،باعەدرێ‌،شێخان)،زێدەباری شاندەكێ‌ راگەهاندنا دەستەیا بلند،سەرەدانا مەزارگەهێ‌ نەمران ل دەڤەرا بارزان كرن.

شاندێ‌ دەستەیا بلندا بنگەهێ‌ لالش ب سەرۆكاتیا بەرێز”شێخ شامۆ” سەرۆكێ‌ بنگەهی و كۆمەكا كەسایەتيێن ئێزدی یێن سیاسی و جڤاكی،ژبال بەرێز”خەلات بارزانی”نوونەرێ‌ سەرۆكێ‌ هەرێما كوردستانێ‌”مەسعود بارزانی” ڤە هاتە پێشوازیكرن.

هەروەسا شاندی قەفتەكەكا گولا ل سەر گۆرێ‌ نەمران”مەلا مستەفا بارزانی” و” ئدریس بارزانی”دانا.

درێ‌ ورەسمێن سەرەدانێ‌ دا،بەرێز”شێخ شامۆ”پەیڤەك پێشكێشكر و تێدا بەحسێ‌ چەند كێشان كر،ژ وانا ئاماژە دا هندێ‌ كو بنگەهێ‌ لالش و تایێن وی هەر سال سەرەدانا مەزارگەهێ‌ نەمران كرینە،وەك رێزگرتن بۆ قوربانیدانا گەلێ‌ كورد ب گشتی و سەروەرێ‌ وان یێ‌ مەزن خودێ‌ ژێ‌ رازی”مستەفا بارزانی ” و” ئدریس بارزانی”.

هەروەسا شێخی دپەیڤا خۆ دا تیشك خستە سەر دیرۆك و شۆرەشێن بارزانی و گەلێ‌ كوردستانێ‌ و رۆلێ‌ ئێزدیا تێدا و قوربانیدانا پێشكێشكرین دبزاڤێن رزگاریخوازێن كوردی یێن ل دووڤ ئێك دچەرخێن بۆری دا، رەوشەنبیرییا پێكڤەژیانێ‌ دناڤبەرا پێكهاتێن جودایێن گەلێ‌ كوردستانێ‌ پشتەڤانی لێ‌ هاتیە كرن ژ دەمێ‌ سەركردێ‌ نەمر”مستەفا بارزانی”بزاڤێن رزگاریخوازیێن كوردستانی ب رێڤەدبرن و سەرۆك”مەسعود بارزانی”ل سەر هەمان پرۆگرام بەردەوام بوو،دنیازا وی دا بۆ خورتكرنا رەوشەنبیرییا پێكڤەژیانا برایەنی دناڤبەرا هەموو پێكهاتێن كوردستانێ‌ دا.

سەرۆكێ‌ دەستەیا بلند دیاركر،ئێزدی گۆتنێن سەرۆك”مەسعود بارزانی” یا ئێكێ‌ دەما گۆتی(ئێزدی كوردێن رەسەنن یان چوو گەل ب ناڤێ‌ كوردا نینن)و یا دووێ‌ دەمێ‌ جەنابێ‌ وی گۆتی(گەڤكرنا ئێزدیا گەڤكرنە ل ئاساییشا نەتەوەییا كوردستانی)،ئەم وەك كوردێن ئێزدی ڤان دوو گۆتنێن دیرۆكی ژ سەرۆك بارزانی بلند دهەلسەنگینین،ژبەركو بارزانی ب سیاسەت و پێشمەرگەتیا خۆ بەرەڤانیێ‌ ژ ئێزدیان دكت و تەكەزێ‌ ل سەر گرنگیدانێ‌ ب ئێزدیان و داخوازیێن وان دكت،وەك وێ‌ تەكەزا ل كاروبار و تایبەتمەندیێن پێكهاتێن جودایێن كوردستانێ‌ دكت.

دبەشەكێ‌ دی یێ‌ پەیڤا خۆ دا،شێخی بەحسێ‌ پێشهاتێن شنگالێ‌ كر و گۆت:”ژناڤبرنا رێكخراوا داعش یا تیرۆرستی نێزیك بوویە،بەلێ‌ مخابن ئەجندایێن هەرێمایەتی و دەرڤەیی دژی شنگالێ‌ و خەلكێ‌ وێ‌ دبینن،و هندەك هەینە یێن ب ناڤێ‌ كورد و كوردستانێ‌ دئاخڤن وەك پەكەكێ‌ و هندەك گرۆپێن چەكدار یێن گرێدایی وان ل شنگالێ‌ یێن دبێژن ئەو ل پێ‌ حەشدا شەعبی دچن ل بەغدا و شنگال نەكوردستانی یە ل دووڤ نەرینا وان،هەبوونا وان ل شنگالێ‌ دەمێ‌ دەست ب سەر داعشێ‌ دا دئێتە گرتن ئەو كارەكێ‌ ب مەترسی یە ل سەر ئێمناهی و ئارامی و ئاڤەدانكرنا شنگالێ‌ و دەردۆرێن وێ‌ ژی كۆمەلگەه و گوندێن ئێزدیان”.

دبەردەوامیا ئاخفتنا خۆ دا گۆت:”هێزێن پێشمەرگەی ئارمانجێن ستراتیجی دبەرژەوەندا كوردا و گەلێ‌ كوردستانێ‌ و هیڤیێن شەرعی دا هەینە،بەلێ‌ هەموو نەرین،ب داخەوە خویا دكن كو پەكەكە یا پلانان ددانێت ئاریشان بۆ هەرێما كوردستانێ‌ ل دەڤەرێن ئێزدیا سەرهەلددەت و ئەو دەڤەر پتریا وان دڤالانە و خەلكێ‌ وان ئاوارە دكەمپان و جهێن دیتر دا دژین،و سیاسەتا پەكەكێ‌ زیانێ‌ ب هەرێما كوردستانێ‌ دگەهینت ب گشتی و ژ وان ئێزدی و تایبەت خەلكێ‌ مە ل شنگالا بریندار،دیسان پرۆژێن پەكەكێ‌ و ئەجندایێن وێ‌ كارتێكرن هەیە نابت بێنە پشتگوهاڤێتن ل سەر پرۆژێ‌ دەولەتبوونا كوردی،و هەولا پەكەكێ‌ بۆ سەرهلدانا شەری دگەل هێزێن پێشمەرگەی ل دەڤەرێن ئێزدیا ئەو وەك فەرمانەكا نوویە ل سەر مە،و دێ‌ ئەنجامێن نەباش ل سەر خەلكێ‌ شنگالێ‌ هەبن”.

هەروەسا”شێخ شامۆ”دووپات ل بەیانناما جڤاتا بلندا رۆحانی یا ئێزدیا و بەیانێن بەرێ‌ ژبال كەسایەتیێن ئێزدی و ئەكادیمی و جڤاكی ژ خەلكێ‌ شنگالێ‌ و دیتر دكەین،یێن داخوازێ‌ ژ پەكەكێ‌ دكن خۆ ڤەكێشت و ڤەگەرنە وی جهێ‌ ژێ‌ هاتین،داخواز دكەینە ڤە ژ سەركردایەتیا پەكەكێ‌ هێزێن خۆ ژ شنگالێ‌ ڤەكێشن،و باش بزانن هێزەك ل ئەردی دا نینە شنگالێ‌ ژ كوردستانێ‌ جودا بكت.

هەر دپەیڤا خۆ دا،سەرۆكێ‌ دەستەیا بلند راگەهاند:”دسەرەدانا مە یاسالا بۆری دا بۆ مەزارگەهێ‌ نەمران،باژێرێن باشیك و بەحزانێ‌ دبن كۆنترۆلا گرۆپێ‌ داعش یێ‌ تیرۆرستی دا بوو،بەلێ‌ ئیرۆ درزگاربووینە ب هیمەتا قوربانیدانا پێشمەرگەی و سەركەفتنێن وان ب سەركردایەتیا سەرۆك بارزانی،زێدەباری رزگاركرنا چەندین دەڤەران ژ ئاخا كوردستانێ‌”.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi