ئازار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

بنگەهێ‌ لالش_ئەلمانیا سەرەدانا ئەندامێن لقێ‌17یێ‌ پارتی دكت

بنگەهێ‌ لالش_ئەلمانیا سەرەدانا ئەندامێن لقێ‌17یێ‌ پارتی دكت1
تۆرا لالش یا راگەهاندنێ‌
دلشاد سمۆ،بەرپرسێ‌ بەشێ‌ رەوشەنبیری یێ‌ بنگەهێ‌ لالش ل ئەلمانیا و بەرپرسێ‌ رێكخستنا ناوچا هانۆڤەر،لگەل”شێرۆ سمۆ”بەرپرسێ‌ كەمپا ئێسیان یا پەنابەران،سەرەدانا لقێ‌17یێ‌ پارتی دیموكراتی كوردستان ل دهۆكێ‌ كرن و ژلایێ‌”ئیدریس حەسۆ”كارگێرێ‌ بەشێ‌ ریكخستنێ‌ و “لازیمە یوسف” كارگێرا لقێ‌ ب گەرمی هاتنە پێشوازیكرن.

دڤێ‌ روونشتنێ‌ دا،كو “قاسم رەشۆ” بەرپرسێ‌ بەشێ‌ رێكخستنێ‌ یێ‌ لقێ‌17 و چەند ئەندام و كادرێن پارتی دئامادەبوون،ل دەست پێكێ‌”دلشاد سمۆ” سلاڤێن هەڤال و ئەندامێن بنگەهێ‌ لالش و ب تایبەت لژنا رێڤەبەر و ئەندامێن پارتی ل سنوورێ‌ ناوچا هانۆڤەر بۆ لقێ‌ 17 ڤەگۆهاستنو داخوازیا سەركەفتنێ‌ بۆ كادرێن پارتی دئەنجامدانا كارێ‌ وان یێ‌ گرنگ ل سنوورێ‌ لقێ‌ كرن و ب تایبەت ل ڤی دەمێ‌ هەستیاردە.

دلایەكێ‌ دی یێ‌ روونشتنێ‌ دا”دلشاد سمۆ” رۆنكرنەك ل سەر كار و چالاكیێن بنگەهێ‌ لالش كر ل دەمێ‌ بۆری دا و بەرهەڤیێن تێنە كرن بۆ ئەنجامدانا چالاكیان ب هەلكەفتا بۆرینا دوو سالان ل سەر ئەنجامدانا دورەندەترین هێرش د دیرۆكا مرۆڤایەتیێ‌ دا بۆ سەر دەڤەرێن ئێزدیان ل چیایێ‌ شنگالێ‌ یێ‌ خۆراگر.

دچارچۆڤێ‌ دانوستاندنێ‌ دە”دلشاد سمۆ” سوپاسیا كادرێن لقێ‌17 كر،بۆ خزمەتا وان یا بەرچاڤ بۆ ئاوارێن شنگالێ‌،داخواز ژوان كر پتر فشارێ‌ ل سەر دام و دەزگەهێن حكوومی و رێكخراوێن نێڤ دەولەتی بكن،ژبۆ پێشكێشكرنا پتر خزمەتێ‌ بۆ ئاوارێن شنگالێ‌ ل هەرێما كوردستانێ‌.

ل بەرامبەر ڤێ‌ سەرەدانێ‌،ئەندام و كادرێن لقێ‌17 خۆشحالیا خۆ دەربرین و سوپاسیا مێڤانان كرن،ژبۆ پوتە پێ‌ دانا وان ب كارێ‌ ئەندام و كادرێن لقێ‌ و ب تایبەت ئەو كارێ‌ گرێدایی كار و بارێن ئاواران، ژلایێ‌ خۆڤە”دلشاد سمۆ” خۆشحالیا خۆ دەربری بۆ پێشوازیا جوان و داخوازیا سەركەفتنێ‌ كر بۆ ئەندامێن لقێ‌.

2

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi