ئازار 28, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

رۆلێ‌ حكوومەتا عێراقێ‌ و رێكخراوان بۆ رزگاركرنا كچ و ژنێن ئێزدیان یێ‌ لاوازە

رۆلێ‌ حكوومەتا عێراقێ‌ و رێكخراوان بۆ رزگاركرنا كچ و ژنێن ئێزدیان یێ‌ لاوازە13444425_600347383459348_1249131207_n
تۆرا لالش یا راگەهاندنێ‌
رزگاربوویەكا ئێزدی دگەل باب و دەیك و پێنج خۆشكێن خۆ ل كەمپا چەم مشكۆ دژیتن،بەحسێ‌ چیرۆكا چاوانیا رزگاربوونا خۆ ژ دەستێ‌ تیرۆرستێن دعشێ‌ بۆ رۆژناما دەنگێ‌ لالش دكت، ئاشكەرا دكت ژی كو رۆلێ‌ حكوومەتا عێراقێ‌ و رێكخراوێن جڤاكێ‌ سڤیل و وەلاتێن جیهانێ‌،بەرامبەر رزگاركرنا كچ و ژنێن ئێزدیان گەلەك یێ‌ لاوازە،ب گۆتنا وێ‌ ئەو هاریكاریێن ب وان دئێنە پێشكێشكرن ژی نە ل ئاستێ‌ پێتڤینە.

رزگاربوویا ژدەستێ‌ داعشێ‌ ب ناڤێ‌(ئ.م)بۆ رۆژنامەیا دەنگێ‌ لالش راگەهاند:”هاریكاریا بۆ مە دئێتە پێشكێشكرن نە ل ئاستێ‌ پێتڤیە، ئەڤە ماوەیێ‌ شەش هەیڤایە ئەز هاتیمە رزگاركرن و رەوشا من یا دەرونی نەیا باشە،من ژی دڤێت وەكی وان كچێن رزگاربوویی بۆ مەرەما چارەسەریا رەوشا بۆ وەلاتێ‌ ئەلمانیا بێمە رەوانەكرن،و ئەم وەك خێزان رزگاربووینە ژ دەستێ‌ تیرۆرستێن داعشێ‌ پێتڤی هاریكاریێ‌ و خزمەتكرنەكا زێدەترین،گۆتژی رۆلێ‌ حكوومەتا عێراقێ‌ و رێكخراوێن جڤاكێ‌ سڤیل و وەلاتێن جیهانێ‌،بەرامبەر رزگاركرنا كچ و ژنێن ئێزدیان گەلەك یێ‌ لاوازە ،دیسان رەوشا كچ و ژنێن ئێزدی ئەوێن دبن دەستێ‌ تیرۆرستێن داعشێ‌ دا گەلەك یا خرابە”.

ڤێ‌ رزگاربوویێ‌ ئاشكەراكر:”دەمێ‌ تیرۆرستێن داعشێ‌ ل 3/8/2014 هێرشی شنگالێ‌ كری،دگەل مالباتا خۆ ئەم رەڤیان،بەلێ‌ هندەك تیرۆستێن داعش پێشی ل مە گرت و ئەم دگەل خەلكێ‌ گوندێ‌ رەمبوسی ئێخسیكرین و ئەم ڤەگۆهاستینە دەڤەرا تلەعفەر ،دەمێ‌ ئەم ژ جهەكی ڤەگۆهاستباین ب پارچە قوماشێ‌ رەش چاڤێ‌ مە گرێدان دا ئەم نزانن برینە كوڤە و پشترا ئەز ژمالباتا من ڤەقەتاندم و فرۆتمە ئەمیرەكێ‌ داعش ب ناڤێ‌ حەسەن ئەوی گەلەك خراب رەفتار دگەل من كر و ئەز ئێش و ئازار دام،كارێ‌ مالا خۆ هەموو ب من كر و ب زۆری دگۆتە من نڤێژێ‌ بكە،تاكو ببیە مووسلمان و چەند جارا دەست درێژی كرە سەر من”.

هەروەسا ئاماژەكر،ب رێیەكێ‌ وی كاری خۆ ژ ڤی ئەمیرێ‌ داعشێ‌ قورتال بكەتن، پاشی خالێ‌ وێ‌ ئەو ب دراڤ ژ وان كری هەتا هاتیە رزگاركرن،لێ‌ دوو برا و خوشكەك و مام و كورمامەكی وێ‌ هەتا نۆكە ددەستێ‌ داعشێ‌ دانە،تشتەكی ژێ‌ نزانین د ساخن یان مرینە ،لەورا بانگا هەموو مرۆڤاتیێ‌ و وەلاتێن جیهانێ‌ دو رێكخراوێن مافێ‌ مرۆڤی دكەم،گرنگیێ‌ ب كێشا ئێخسیرێن ئێزدیان بدەن و وان ب زووترین دەم رزگاربكن.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi