ئازار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

موسا خالد:پێكڤەژیان هەر دێ‌ ل كوردستانێ‌ مینت

پێكڤەژیان هەر دێ‌ ل كوردستانێ‌ مینت
موسا خالد
ئەو ڕەوشا ل شنگالێ‌ ڕوودایی گەلەك پرسێن هەلاویستی ژی ل دووڤ خۆ هێلان، لەوران ژی دڤێتن حكومەتا عێراقێ‌ ڕۆلەكێ‌ بەرچاڤ د وێ‌ ناڤچێ‌ دە هەبت و كارێ‌ وێ‌ پاراستن و پاقژكرنا گرۆپێن چەكداربن.
ژ ئەنجامێ‌ وان گرژی و ئالۆزیێن ل ل ڕۆژا(27/4/2023) ل شنگالێ‌ ڕووداین دەركەفت نەهەر تشتێ‌َ بێتە گۆتن ڕاستە ب تایبەت گۆتنێن ل سۆشیال میدیایێ‌ دە، دیمەنێن ل شنگالێ‌ گەلەك نەحەز و تێكدەر ل پشتن، لەوران دڤێت جڤاكێ‌ مە یێ‌ هشیاربت، بوویەرا نەخۆش یا ڤێ‌ داویێ‌ ل شنگالێ‌ ڕوودایی كو هندەك كەسێن توندەر و دوور ژ مرۆڤایەتیێ‌ هێرشكرینە سەر مزگەفتا( الرحمن) كو ئێك ژ جیێن پیرۆزێن موسلمانایە ڕاستە ئەڤە دبتە ئەگەرێ‌ شكاندنا هەست و پیرۆزیێن برایێن موسڵمان، و پشـتی 74فەرمان ل سـەر ئێزدیان ڕاكرین نكارینە ژ ڕەسـەنەتییا وان لادەن،لێ‌ ب مخابنی ڤە جۆرێ‌ دوژمنكارییێ‌ هاتییە گوهۆرین ب ناڤێ‌ ئێزدیاتیێ‌ و برایەتی و پێكڤەژیانێ‌ كەسانێن تێكدەر دەڤـەرێ‌ برینداردكەن و دووبەرەكیێ‌ دناڤبەرا ئۆلاندە پەیدا دكەن، بەلێ‌ ب هەبوونا كەسێن شارەزا و بیرمەند گیانێ‌ مرۆڤایەتییێ‌ بەردەوام دژی دۆژمنكاریێ‌ رادوەستن، و شــەرمەزاری هەر بۆ گرۆپێن توندەر و تێكدەرە، لێ‌ ئەگەر ب لۆژیكی و هزرمەندانە دناڤدا بچین تێكدەر نابنە نوونەرێن خەلكێ‌ شنگالێ‌ نوونەراتیا ڕایا گشتی یا خوشك و برایێن ئێزدی ناكەن، واتا هندەكن نەك هەموو،ڕەنگە هندەك تێكدەربن ژ بۆ ژێك دووركرنێ‌ وەك ئاین،لێ‌ ئەڤە مانا هندێ‌ نادەت پێكڤەژیان ژناڤچوو یان نامینت و هەموو ئاین دگەل پێكڤەژیانێ‌ نە،و دێ‌ هەر ئێكگرتن و ئاشتی مینت، وان ژی كەسێن شاڕەزا و ڕەوشەنبیر و هزر ڤەكری هەینە خزمەتا باشیێ‌ بكەن،پێتڤییە ب بەرنامە چارەسەری هەبت چنكو ڕێیەكە دروستە و تۆلڤەكرن نەیا دروستە.
پشتی ڕێكخراوا تیرۆرستیا داعشێ‌ ل سالا 2014ێ‌ ل بن ناڤ و ئالایەكێ‌ نەدروست هێرشی شنگالێ‌ كری و نەهامەتی بۆ وێ‌ دەڤەرێ‌ و زۆرداری ل ئێزدیان كرین و هیچ پەیوەندیەكا وێ‌ ڕێكخراوێ‌ ب موسلمان ڤە نەبوو،هەروەسان هێرشكرنا سەر مزگەفتێ‌ ل شنگالێ‌ ژی چ پەیوەندی ب ئێزدیان ڤە نەبوو، ئەڤا ڕوویدایی وەكی بەلبەلەیەكێ‌ یە و ئەڤ بەلبەلە گەلەك خراپتر و مەترسیدار ترە ژ كوشتنێ‌ یا فەرە ب ژێرانە كار ل سەر بێتەكرن و ئاینێ‌ ئیسلامێ‌ ل كوردستانێ‌ هێرشا ل سەر مزگەفتا ” الرحمن” ل شنگالێ‌ موسلمان ژی دگەل وێ‌ چەندێ‌ نەهشیاری و بێ‌ ئاست و ب نزمی سەرەدەریێ‌ ل گەل بویەرێ‌ دا بكەن.
باشترین نموونا زێندی جەژنا موسلمان و ئێزدیان و مەسحیان د ئێك مەهـ دابوو،ئەڤە واتایا پێكڤەژیانێ‌ یە و وەكی هەر جار هەر دێ‌ بەردەوام مینت، و ڕەسـانەیەتی و بیروباوەریا گەلێ‌ مـە ب هەموو ئۆلێن خـۆڤە دێ‌ دوژمنی دین و شێت و هار كەت و هار كرینــە، سەرفەرازی و گیانێ‌ پەسەندكرنا پێكڤەژیانێ‌ هەر دێ‌ بۆ گەلێ‌ كوردستانێ‌ بەردەوام بت،گرنگە لایەنێ‌ پەیوەندیدارێن مینا حكومەتا عێراقێ‌ یا فیدراڵ دگەل حكومەتا هەرێما كوردستانێ‌ ب بەرپرسیانە كار ل سەر ڕەوشا شنگالێ‌ بكەن.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi