ئازار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

نورهان عەلی:جینۆساید نابتە رێگر هەمبەر پێكڤەژیانێ‌

جینۆساید نابتە رێگر هەمبەر پێكڤەژیانێ‌
نورهان عەلی

پێكڤە ژیان و پەیوەندیێن جڤاكی و ئۆلی ب بەرفرەهی ل كوردستانێ دهێنە دیتن، شنگال ژی قەزایەكە كو هەڤسنورە دگەل سوریایا عەرەبی و ٨٠ كیلۆمەترا دویرە ژ پارێزگەها میسل یا عراقا عەرەبی.
دكەڤندا سریانی و مەسیحی و ئێزدی و موسلمان دگەل ئێك لڤێ دەڤەرێ دژیان. لێ ب بۆرینا دەمی بتنێ ئێزدی و موسلمان ب شێوەیەكێ بەرفرەهه دهاتن دیتن، تایبەت هندەك كۆمەلگەهێن دەڤەرێ تا وی رادەی كو نیڤەكا خەلكی ئێزدی بون و نیڤا دی موسلمان بون، موسلمان ل پتریا كۆمەلگەهێن شنگالێ ب كتە دهاتن دیتن لێ ب شێوەیەكێ بەرفرەهه و بەربەلاڤ لكۆمەلگەهێن دهۆلا و گرشەبەك و ( القابوسیە ) دهاتن دیتن، و پەیوەندیێن مرۆڤاینی یێن موكم دگەل ئێك هەبون، هەروەسا بۆ كارێن جۆتیاری و بازرگانی و پێشكێشكرنا هاریكاریێ، دهەمان دەم دا پشكدار دبون د هەلكەفتێن ئێكودوو یێن ئۆلی دا و سەرەدانا ئێك و دوو دكرن و كریڤاینی دگەل ئێك هەبون.
و دیاردا كریڤانیێ گەلەك ب بەرفرەهی ل دەڤەرێ دهات دیتن تا وی رادەی ئاخفتنا فلان ئێزدیە و فلان موسلمانە نەمابوو هەر ب كریڤ و كریڤایەتیێ دگەل ئێك دژیان و رەفتار دكرن.
بەلێ پا پشتی كو رێخراوا تیرورستیا داعش بسەر دەڤەرێ دا گرتی نە پێكڤەژیان لدەڤەرێ تێكچوو و كارتێكرن لێ بوو بەلكو ژیان بخۆ نەما و هەمی خەلكێ دەڤەرێ ئێزدی و موسلمان ئاوارە بوون.
ئەو رودانا بسەر دەڤەرێ دا هاتی ل ٢٠١٤ كارتێكرنەكا نەرێنی هەبوو لسەر ئەوێ پێكڤەژیان و حەژێكرنا دناڤبەرا خەلكێ دەڤەرێ دا، ژبەر هندەكا هزر دكر تیرورست سەر ب ئاینێ ئیسلامێ ڤەنە ژ بەر هندێ موسلمانێن دەڤەرێ ژی مەترسینە بۆ سەر ئێزدیێن دەڤەرێ، بەلێ پا ئەو ژی هەمی وەكی مە ئاوارەی دەرڤە بون و زەحمەت دیتن، دبیت زیان گەهاندبەن هندەك كەس و جها ژ نەچاری كو نەهێنە كوشتن، لێ ئەڤە ژی برێژەكا كێم.
كارتێكرن ل پەیوەندیێن دناڤبەرا خەلكێ دەڤەرێ دا بوو، لێ ئەڤە نەبوو ئەگەر كو پەیوەندیێن وان ژناڤبچن و نەمینن ژبەر كوو پێكڤەژیان دناڤبەرا ئۆلاندا ل دەڤەرێ یا كەڤنە و گەلەكا موكمە، و هەتا ڤێ گاڤێ ژی ل ژیانا ئاوەرەیێ دا د هندەك كەمپان دا دگەل ئێكودوو دژین و وەكی بەرێ سەرەدانا ئێكودوو دكەن و د هەلكەفتێن ئێكودوو یێن ئاینی و كەلتوری دا پشكدار دبن.
سەرەرای كو ژمارەكا كێم یا خەلكی ڤەگەریایە شنگال پشتی كارەساتێ تا نوكە، لێ دناڤ وان كێمان ژی دا ب كتە خێزان و بنەمالێن موسلمان ژی یێن ڤەگەریاین و ب ئازادی و بێ ترس دژین، ئەڤە وێ چەندێ دیاردكەت كو دێ هەر پێكڤەژیان لدەڤەرێ هەبیت و بەردەوامبیت.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi