خالد خەلەف:بەختەوەری د ژیانا مە دا

بەختەوەری د ژیانا مە دا
خالد خەلەف
هەر ئێك ژ مە د ژیانا خۆ دا ل بەختەوەریێ‌ دگەرت، تەڤی جوداهییا مرۆڤان د دۆكترین و نەژادێن خۆ دا، لێ‌ ئەو ل سەر ڤێ‌ ئارمانجێ‌ ئێك بۆچۆنن كو ئەوژی پەیداكرنا بەختەوەریێ‌ یە، ما گەلۆ بەختەوەری نهێنی یە؟، و ڕێیێن بدەستخستنا وێ‌ چی نە؟.
بەختەوەری ب گشتی دلخۆشی و ب سادەبوونێ‌ یە، دل و مەژی ئارام دكەت، سنگی ڤەدكەت، ب هەر تشتی رازی یە، كەیفخۆشی ژ دلی دئێت، و ئەو هەستەكە ژ كارەكی كو مرۆڤ ژێ‌ حەز دكەت، یانژی ئەنجامێ‌ وێ‌ چەندێ‌ یە یێ‌ كو تشتێ‌ كەسێن دی ب مرۆڤی كریە، و دهێلت ئەو ژیانا خۆ وەكی ژیانەكا خۆش و ئارام و بێ‌ ئێش ب نرخینت،یەك ژ وان تەشویقێن دلشادیێ‌ ئەوە كو هەر ئێك ژ مە ژ خۆ بپرست كا بەختەوەری چی یە و پێناسێن خۆ و باوەریێن خۆ ژ بۆ ڤێ‌ تێگەهشتنێ‌ دانت، پاشی بەرسڤان ب نرخینت، داكو ئەگەرێن دلخۆشیا خۆ بزانت؟، بەختەوەری ژ هوندور تێ‌، و ئەگەر هوون ل دەمێن خۆش یێن ژیانا خۆ تێهزرینێ‌ بكەن و كاسێتا ڕابردووی بیننە بیرا خۆ، هوون دێ‌ بینن كو ئەو دەمێن خۆش نەوەسا بوون، ژبلی كو هەوە د وان دا تشتێ‌ كو وە ب ڕاستی ژی حەز دكر ژیایە، و دڤێت مرۆڤەك خوەیقنا بكە كو ئەو دكارت وی بەختەوەر بكەت و دڤێت تایبەتمەندیێن مرۆڤەكێ‌ بەختەوەر ژی هەبت، ژ ڕووبرووبوونا بوویەران وەكی پەیامەكێ‌ و لێڕینا ئاریشان مفایی و سەربۆران وەربگرت، وەكی دەرفەتێن گهۆرینێ‌.
ئێك: ب سادەیی بژی، توو چەند بلند بی، یانژی دڤێت توو هیڤیێن خۆ مەزن نەكەی داكو ل دەمێ‌ هەر تێكچوونەكێ‌ بێ‌ هیڤی نەبی و نەخوازی بەردەوامیێ‌ بدەیێ‌.
دووەم: چ نۆكە بژین، یانژی ئیرۆ ژبۆ ڕۆژا وێ‌ بژین، لەورا دەمێ‌ خۆ ب گری و نالینێن ڕابردوویی وندا نەكە، ڕابردوو بۆری یە و لێ‌ پاشەڕۆژ هێشتا نەهاتیە، لەوران دڤێت بژی و خۆشیێ‌ ب بینی.
سێیەم:خۆشبین بە و ل هیڤی یا قەنجیێ‌ بە ئەگەر چەند یا مەزن بت، ب باشی دگەل ڕەببێ‌ خۆ ب باشی هزرا خۆ بكە، لەوران دەستان ژێ‌ بەرنەدە و نەیێ‌ ڕەشبین بە و هەرگاڤ بێژە: هەر تشتەك دێ‌ یێ‌ باش بت.
چار:گەلەكێ‌ بدەن، هەر چەند هوون ژ گەلەكان بێ‌ پاڕ ژی بن، پێشكێشكرنا دەستێن هاریكاریێ‌ ژ كەسێن دی دێ‌ مفایی بۆ مە ئینت، و ژ خۆ ڕازی و دلخۆشیێ‌ ددە مە، و كو هوون مرۆڤێن ب كێرهاتی نە، و دلخۆشییا مرۆڤان دئینت.
پێنجەم:بەختەوەری ب دراڤی نائێتە كرین، رەنگە ژی دراڤ گەرەنتیێ‌ بدە كو هوون ب سەربەستی ل سەرانسەری جیهانێ‌ بگەرن و جلكێن گران بەها بكڕن، ئەڤەژی بەختەوەرییە یاكو هوون لێ‌ دگەرن، لێ‌ دراڤ رازی بوونێ‌ ناكرت و نەبوونا ڕازیبوونێ‌ تێ‌ واتایا نەبوونا بەختەوەریێ‌.

Share on Facebook