شوبات 03, 2023

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

رائد غانم:فلكلۆرێ‌ شنگالێ‌ ب جوانی بهێلن

فلكلۆرێ‌ شنگالێ‌ ب جوانی بهێلن
رائد غانم
دەمێ‌ مرۆڤ بەحسێ‌ فلكلۆری دكەت، ئێكسەر هزو و بیر و هەستێ‌ مرۆڤی بەر ب كەڤناریا جهـ و وارێ‌ باب و كالا دچت ئەڤجا چ هۆنەر و جل و بەرگ بن، هەر دەڤەرەكێ‌ فلكلۆرێ‌ خۆ یێ‌ تایبەتێ‌ هەی و خەلكێ‌ وێ‌ دەڤەرێ‌ شانازیێ‌ پێ‌ دبەت.
فلكلۆرێ‌ شنگالێ‌ وەكو هۆنەر كو ب هەزاران سالایە هاتیە پاراستن و هۆنەرمەند و سترانبێژێن ئەڤێ‌ دەڤەرێ‌، وەك ئەركەكێ‌ ل سەر ملێ‌ وان پاراستی نە و رێز لێ‌ گرتینە، ل هەر جیەكێ‌ جیهانێ‌،مرۆڤ ب كەلتۆر و فلكلۆرێ‌ خۆ دئێتە ناسكرن، ئەو چیرۆك و ستران هەموو دبنە دیدەڤان و دبتە دیرۆك، هەر سترانەكا فلكلۆرێ‌ شنگالێ‌ هاتبتە گۆتن چیرۆكەكا دوور و درێژ ل پشت هەیە و دەمێ‌ ئەو چیرۆك بووینە ستران و هەتا ڤێ‌ گاڤێ‌ هۆنەرمەند و سترانبێژێن شنگالێ‌ دبێژن و ب خەلكێ‌ دن گۆهداری دكەن، هەلبەت ئەڤە وێ‌ چەندێ‌ دگەهینت كو فلكلۆرێ‌ شنگالێ‌ نەتشتەكێ‌ كێمە ژبەركو كەڤناتیا وی د زڤرتە بەری هەزارێ‌ سالان، هۆنەرمەندێن شنگالێ‌ ئەڤ تشتە پاراستیە و ب شێوازەكێ‌ جوان و رێك و پێك و ب رێیا ڤان سترانان دەربڕین ژ هەست و سۆزێن خۆ كرینە و بەحس ل وان چیرۆكا كرینە ب رێیا سترانا و رێز لێ‌ گرتینە و چ جاران پێكۆل نەكرینە، كو شێواز و پەیڤ و ئاوازێن وان سترانان ب گهۆرن، ئەز دبینم كو بتریا هۆنەرمەندێن شنگال ژیانا خۆ بۆ فلكلۆرێ‌ چیایێ‌ شنگالێ‌ تەرخانكرینە،دێ‌ بینی هندەك ستران بێژن هەینە ڤان سترانان دووبارە دبێژن و ناگەهنە جیەكی ب شیۆازەكێ‌ نەدروست تۆمار دكەن، لەوما دڤێت سترانێن فلكلۆرێ‌ چیایێ‌ شنگالێ‌ ب شێوەیەكی دیجیتال بێنە پاراستن و ئەرشیفكرن،چنكو شنگال ب فلكلۆرێ‌ خۆ یا ناڤدارە و دەڤەرەكا ناڤ و دەنگێ‌ خۆ ل سەر ئاستێ‌ نافخۆیی و ژ دەرڤە ژی پەیداكریە.
ئەز داخوازێ‌ ژ وان كەسێن كو حەز دكەن سترانێن فلكلۆرێ‌ شنگالێ‌ ب كاربینن یان ژی ل هەر جیەكی بێژن یانژی دخوازن كلیپ بكەن هیڤیدارم كو چ جاران پێكۆلا گهۆرینا پەیڤ و ئاوازان نەكەن،چنكو تام و خۆشیا سترانێ‌ دێ‌ ئێتە تێكدان ل ڤێ‌ داویێ‌ من گەلەك هۆنەرمەند دیتن، كو كلیپ دروست كرینە و كۆمەكا سترانێن فلكلۆرێ‌ شنگالێ‌ تێدایە و هەر سترانەكا د كلیپێ‌ دا ب تنێ‌ پارچەك ژێ‌َ هندەك پەیڤ ژێ‌ د دروستن و یێن دن هەموو وەكی خۆ تەمام كرینە و كریە كلیپ و یا ژ هەموویێ‌ گرنگتر چ جاران بەحس ناكەن كو ئەڤە سترانا فلكلۆرێ‌ چیایێ‌ شنگالێ‌ یە، ئەرێ‌ تە كۆمەكا سترانێت فلكلۆرێ‌ شنگالێ‌ كرینە كلیپ گەلەك سوپاس بۆتە بەلێ‌ ژ كەرەما خۆ پەیڤێت وان سترانا دروست بكە و بۆ زانین ل سەر وان كلیپان هاتیە نڤیسن ملانێ‌ یانژی داوەت و دیلان هتد هیڤی دكەم ئەڤ فلكلۆرێ‌ جوان ب هێلنە جوان، ئەگەر وە حەز ژێ‌ كر و وە دڤێت بكاربینن و بێژن ب شێوازەكێ‌ جوان و پەیڤێن دروست بكاربینن و ل جیەكی بنڤیسن، كو ئەڤە سترانا فلكلۆریا چیایێ‌ دەڤەرا شنگالێ‌ یە.
هندەك ژ سترانێن شنگالێ‌ یێن هاتینە كلیپكرن:(غەیدا، رابە و رابە تۆرنێ‌، عەیشانێ‌، سارێ‌ رابە ئیڤارە، بەژن و بالە تە زراڤا، هەر نایێ‌ مەحبوبێ‌ دنایێ‌، هات كاروانێ‌ كۆچەرا، لێ‌ شەملێ‌، تەرقین ژ بەریێ‌ تێ‌ جانا من، نایلۆ، گدیێ‌ سلتانێ‌ و… هتد.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi