شوبات 04, 2023

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

سەردار گولو:ساڵ ب سالا و خۆزیكێن ب پار

ساڵ ب سالا و خۆزیكێن ب پار
سەردار گولو
مانا ئاواران سال بۆ سالێ‌ دناڤ كەمپاندا رەوشا وان خرابتر لێ‌ دئێت، خرابیا رەوشا ئاواران دناڤ كەمپاندا بۆ چەند ئەگەران ڤەدگەرت ژوانژی پشتی گەلەك ژ رێكخراوان كارێ‌ خۆ دناڤ كەمپاندا سەكناندین و هەروەسا وەكی بەرێ‌ حكومەتا عێراقێ‌ ژی كێمتر خەمێ‌ ل ئاواران دخۆت، ژ ئالیەكێ‌ دن ڤە خەلكێ‌ مە ڤەناگەرێ‌ شنگالێ‌ ئەوژی ژبەر هەبوونا هێزێن نەشەرعی و نەبوونا شەرعیەتێ‌‌ و ستستییا خزمەتگۆزاریان رەوشا خەلكێ‌‌ مەئالۆز كریە و خەلك چاڤەرێ‌‌ ب جهئینانا رێككەفتنا دناڤبەرا هەولێر و بەغدایە ئەوا ل دۆر ئاسایكرنا رەوشا شنگالێ‌ هاتیە ئیمزاكرن، هەتا نۆكە ئەڤ رێككەفتنە وەكو خۆ مایە لەوران ئاوارە ژی ڤەناگەرنە سەر وار و حالێ‌ خۆ ل دەڤەرێن خۆ.
هەروەسا ل ناڤ كەمپاندا ژبەر نەبوونا دەلیڤێن كاری و بێ‌ هیڤیبوونێ‌ ژ ڤەگەریانا سەر جهـ و وارێن باب و كالا، و هیڤی بۆ گەنجێن ئێزدی نەهێلاینە و پاشەرۆژا وان دیار نینە و هەتا پەیوەندیێن جڤاكی ژی هاتینە تێكدان و بووینە ئەگەرێ‌ تێكدانا رەوشا دەروونی لەوما دكارین بێژین حالەتێن خۆ كوشتنێ‌ ژی ل ناڤ كەمپاندا زێدە بوویە و دئێتە زانین بتنێ‌ د دەمێ‌ هەفتیەكێ‌ دا چەند كەسان دناڤا كەمپێن ئاواران دا داوی ب ژیانا خۆ ئیناینە و ب ڤێ‌ چەندێ‌ دیار دبت رێژا خۆكوشتنێ‌ دناڤ ئاوارێن هەرێما كوردستانێ‌ دا زێدە بوویە ب تایبەتی ژی ئاوارێن ئێزدی، ئەگەرێ‌ زێدەبوونا حالەتێن خۆ كوشتنێ‌ دناڤ كەمپاندا بۆ خرابییا رەوشا ئاواران دزڤرت،ئەڤە هەشت ساڵ ل سەر كۆمكوژیا ب سەرێ‌ مللەتێ‌ مە دا هاتی دەربازبوون هەتا نۆكە خەلكێ‌ مە یێ‌ ئاوارەیە و ژیانەكا گەلەكا ب زەحمەت دبن خیڤەتاندا دەرباز دكەن و چ ماف بۆ وان نەهاتیە دابینكرن ژلایێ‌ حكومەتا عێراقێ‌ ڤە،سەرەرای ڤان هەموو نەخۆشیێن ب سەرێ‌ واندا هاتین.
دیتنا دەهان گۆڕێن ب كۆم ل دەوروبەرێن شنگالێ‌ و هەتا ڤی دەمی چ گرنگی و لێگەریان وەكو پێتڤی پێ‌ نەهاتیە كرن ژ ئالیێ‌ پسپۆر و لێ‌ پرسان و حكومەتا عێراقێ‌ ڤە، ئەڤە هەشت ساڵ دەربازبوون و هێشتا ب هەزاران كەسێن ئێزدی ئێخسیرن د زیندانێن “دەولەتا ئیسلامێ‌” یا ب ناڤێ‌ داعش كو دڕندەترین تیرۆرستن ل جیهانێ‌ و چ لێپرسین دگەل وان ژلایێ‌ رێكخراوێن نەتەوێن ئێكگرتی و رێكخراوێن مافێ‌ مرۆڤی ڤە نەهاتیەكرن.
ژبەر هەموو ئەگەرێن مە دیار كرین مللەتێ‌ ئێزدی ژ پاشەرۆژا خۆ بێ‌ هیڤی بووینە و گەلەك ژ وان ب رێیێن نەئاسایی و ب زەحمەت كۆچبەری وەلاتێن بیانی دبن،ژبەركو دڤی چەرخی دا هێشتا ئێزدی یێ‌ راستی فەرمانان دبن.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi