كانونی دووه‌م 28, 2023

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

خالد خەلەف:ژیانا مە یا ڤەشارتی

ژیانا مە یا ڤەشارتی
خالد خەلەف
هەر ئێك ژمە ڕازێن خوە هەینە و د ژیانەكێ‌ دا دژی و ب كەسەكی ڕەتەڤنائەگەرە، ئەو د هوندورێ‌ وێ‌ دە ڤەدشێرە دا كو ئەولەهیا خۆ هێس بكە، ژیانەك كو ئەو د هندەك هەیامان دا سەرەدانا وێ‌ دكە،كو نەمینا وان تشتێن كو ئەم ڤەدشێرن د هشێ‌ مە دە ئەم قەبوول ناكن، لێ‌ بەلێ‌ یێن كو ئەم دژین و هەبوونا وان ب تەڤاهی د هەیامێن تایبەتی یێن ڕۆژا مە دا یان هەفتیێ‌ جارەكێ‌ قەبوول دكەن، یان ژی د خەیالێن خۆ دا دژین و ل سەر وێ‌ دفكرن، لێ‌ بێیی كو كەسەك دگەل مە بژی!.

میناك د ژیانا مە دا هندەك قەلسی و شكەستن هەنە كو ئەم بێیی دەستوەردانا مە دگەل وان چێدبن، د دەستپێكێ‌ دا دبە كو ئەم وان وەكی كێماسیەكێ‌ نەبینن، لێ‌ یێن كو هەول ددەن وان د ناڤ قەلسیێن مە دا بهێلن هەنە، ئەگەر ئەم هەول بدەین وان وەك قەلسی ڕەد بكن یان ژی ب هەمان ئاوایی وان و هەبوونا وان بپارێزن، ئەم ژیانا خۆ یا مایی ب هنجەت و ئارگومەنتێن بێكێر دخۆن؛ ژبەر ڤێ‌ چەندێ‌ چێترە كو ئەو د وارێ‌ ژیانا مە یا ڤەشارتی دا هەبە كو ئەم هین ژ هەبوونا وێ‌ ڕە د ژیانا خۆ یا گەلەمپەری دا نە ئامادەنە.
و نە هەموو ڕازێن كو ئەم د ژیانا خۆ یا ڤەشارتی دا دژین، شكەستن یان جوداهیێن كو جڤاكێ‌ مە قەبوول ناكە،بەلێ‌ دبە كو ئەو تشتێن كو دی یێن بەشەك ژ جوانیا خۆ وندا بكن ئەگەر ئەم ل سەر وان ب پەیڤن یان ژ هەر كەسەك ڕە خویا بكن، وەك وان ناسنامەیێن جهێرەنگ یێن كو ئەم تەرجیه دكەن كو د ڕیتوەلێن تایبەتی دا پێك بینن، وەك میناك دەربازكرنا سائەتێن پاشین یێن شەڤێ‌ د مەدیتاسیۆنێ‌ دا كو دكە،ئەم تشتێ‌ د هشێ‌ خۆ دا ڤالا دكەن یان ژی ژ بیر دكەن كو هشێن مە هەنە كو ئەم پێ‌ بژین، گری یان ژی خەمگینیا مە یا ژبەر تشتێن پێكەنۆك یێن كو كەسەك دی ژ بێ‌ عاقلی و گرنگیا وان فام ناكە، داخوازێن مە یێن نەدەستووری یێن كو هینا تێر نەبوونە و هین ژی نالین، خالێن قەلس یێن كو مە كۆنتراین دكەن، كێماسیێن مە یێن كو ئەم ژ دل و جان هەول ددەن وان ژ هاینێ‌ ڕاكن، دەرەوێن كو مە ئارامتر و ڕەهەتتر دكەن، مینا دەرەوا مەیا بچووك یا ژ خۆ ڕە، ئازوەریا مە و ڕامانێن مە یێن كو تەمام نابن.
ژیانا مە یا ڤەشارتی تنێ‌ یا مەیە و مافێ‌ هەوە نینە،كو ئەم تێكەڤن ناڤ وێ‌ هەر چەندە مە ژ بیر كربن یان قەلس ببن و دەری ڤەكری بهێلن.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi