ئازار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

مەھدی حەسەن:دەنگێ كۆنگرێ پارتی دیموكراتی كوردستان دەنگێ شۆرەش و بەرخودانێ یە

دەنگێ كۆنگرێ پارتی دیموكراتی كوردستان دەنگێ شۆرەش و بەرخودانێ یە
مەھدی حەسەن
پارتی دیموكراتی كوردستان ل ژێر دروشمێ ( ئازادی و دیموكراسی و دادپەروەریێ) دێ كۆنگرێ خۆ یێ (١٤)ێ ل رۆژا پێنچ شەمبوویێ ل رێكەفتی (٢٠٢٢/١١/٣)ێ ل باژێرێ دھۆكێ گرێدەت، ژبەر گرنگیا رۆلێ پارتی د بزاڤا ئازادیخوازا گەلێ كوردستانێ دا وەك پارتەكا دیموكراتی یا نەتەوەیی ول سەر ئاستێ عیراقێ و رۆژھەلاتا ناڤین كاریگەریا خو ھەی، لەورا ئەنجامدانا ڤی كونگرێ پارتی بوویە رویدانەكا مێژووی ل سەر ئاستێ نافخو و ھەرێمێ و دەولی دەنگڤەدانا خو ھەیە ، ژ بەر كو پارتی دیموكراتی كوردستان ل پێناڤێ رزگاركرنا كورد و كوردستانێ دروست بوویە، ھەمی خەبات و تێكوشین و قوربانیێن وی ل گۆرەی وی پێناڤێ كورد و كوردستانێ بووینە، لەورا ئەڤرۆ دەنگێ كونگرێ پارتی ل ھەمی جھا د ھێتە بەحس كرن کا دێ چ ئالوگۆر ھەبن و دیتن و بەرنامێن پارتی دێ چ بت بەرامبەر كێشێن ھەلاویستی دگەل عیراقی و رێكخستنا ناڤ مالیا كوردستانێ و پەیوەندیێن ئەقلیمێ و دەولی دێ د چاوابن ،وەكی دیار ھەر كەس چاڤەریێ ئەنجامێن ڤی كونگرەی نە، ژبەر كو ھەم گەلێ عیراقی ب گشتی و یێ كوردستانێ تایبەت پێشبینی و چاڤەریێ پارتی نە كا دێ چ کەتن ل ڤی كونگرەی چ ئالوگۆر دێ ھێنە پێش ، ھیڤی و ئومێدێن خەلكێ كوردستانێ ب پارتی و بارزانی گەلەكن ئەوا مە ھەمیا پشت راست و ب ھیڤی د كەت ئیرادا ب ھێزا گەلێ كوردستانێ یە ب سەركردایەتیا پارتی و بارزانی كو شیای بەر سنگێ ھەمی تەحدیاتا بگریت و سەربورا ھەرێمێ ب گەھینتە ڤێ قوناغێ ئەوا لێ د ھێتە چاڤەرێ كرن و پێشبینی بو د ھێتە كرن ل ڤی كونگرەی كو دێ پەرەستینیت و گەشەكەت و ئاستێ خویێن نەتەوەیی یێن دیتر ژی ڤەگریت و ئەو پرۆژێ سەرۆك بارزانی یێ سەرخوبوونا كوردستانێ و ئەنجامدانا رێفراندومێ دێ سەركەڤیت و باشورێ كوردستانێ بیتە دەولەت ، گەلێ كوردستانێ ل ھەر چار پارچێن كوردستانێ چاڤەریی پارتی نە بو رێكخستنا ناڤ مالیا كوردستانێ و بزاڤا وێ یا سیاسی درست كەت و سەركێشیا كاروانێ خەباتێ بكەت ل پێناڤێ رزگاركرییێ و دیموكراتیێ و دادوەریێ ژبەر كو پارتی بەرخودانێ دكەت بو دابینكرنا ھەمی توخمێن ئاسایشا نەتەوەییا كوردستانێ ھەر ژ شۆرەشێن بارزان و دامەزراندنا پارتی، بارزانی و پارتی داكوكی لسەر تەواوا ماف و ئارمانجێن نەتەوەیێن كوردستانێ كریە ، و ژوانا دەست نیشان كرنا سنورێن ھەرێما كوردستانێ و ژ لایەكی دیڤە ژبەر ڤێ گرنگیا پارتی ل رۆژھەلاتا ناڤین و عیراقی ھەمی كەس د چاڤەرێی كونگرێ پارتی نە كا دێ چ ئارمانج و بریار ھەبن ، ل سەر ئاستێ ھەرێما كوردستانێ ململانێیەكا خورت ھەبوو دناڤ بەرا پالیوراوێن كونگرێ پارتی كا دێ كی بتە ئەندامێ ڤی كونگرێ پارتی ، وەكی دیار ھەر (١٠٠٠)ھەزار ئەندامێ پارتی لدیف بریارا لێژنا سەرپرشتا كونگرێ (١٤)ێ كەسەك د بیتە ئەندامێ كونگرەی ئەو ژی ب ھەلبژارتن بێی جوداھی، بو ڤێ پرۆسێ ژی ھەڤركیەكا ب ھێز و خورت ھاتە كرن كا كی ژ پالیوراوا دێ بتە ئەندام، ئەو ركاتی و ململانێا د كونفراسێن لیژنێن نافخوی و لسەر ئاستێ لقا ھاتیە كرن جھێ سەرسورمانا خەلكێ بو كا پالیوراوا بو چ و ژبەر چ ھندە خو ماندوو دكەن و چ ئیمتیازات ھەنە مرازا وان بچن ڤی كونگرەی ، چەند خو ماندو دكرن چەند بەرنامە و كەس و كارێن خو ھاندان بەس ببن ئەندامێن ڤی كونگرەی ژبەر كادرێن پارتی باش دزانن كونگرێ پارتی چەند گرنگییەکا زۆر ھەیە و یێ بتە ئەندامێ سەركردایەتیا پارتی چەند شەرەفەك مەزنە ژ بۆ خزمەتا گەلێ كوردستانێ بتە ئەندامێ سەركردایەتیا پارتی ، ئەڤێ پرۆسێ بو ماوەیێ چل رۆژا ڤەكێشا گەلەك ژ پالیوراوێن كونگرەی ب شەڤ رۆژ كاركرن دا كو ب سەركەڤن و مال بمال د گەریان ل مالێن ئەندامێن پارتی دا كو خەلكێ خو یێ شەرفمەند رازی كەن دەنگێ خو ب دەن وان ل مالێن پالیوراوێن كونگرێ پارتی ل سنورێ ھەر بازنەكی د گەریان و سەرەدانا وان دكرن و باشی و چاكیێن خو و خزمەت و خەباتا خو وەك كادر دانە خویا كرن بەس داكو پالپشتیا وان بكەن ، ئەڤە ژی ڤەدگەریێت بو وێ سەربەرزیا ھەر كادرەك و ئەندامەكی پارتی ڤێ شەرەفا ئەندامەتیا كونگرەی وەرگرت و بتە ئەندامەكی ڤی كونگرەی، ھەر كەسكی خو ھند ماندوو كرن ژ بو ڤێ سەركەفتنێ و بتە مندوب ، لدیڤ دا سەركردایەتیا پارتی و پالیوراوێن سەركردایەتیا پارتی دارژیان ناڤ خواری ئورگانێن پارتی ژ بو رازیكرنا مەندوبا و خرڤەكرنا دەنگێن مندوبێن كونگرێ پارتی كا كی دێ بیتە ئەندامێ سەركردایەتیا پارتی ژ بو خزمەتا گەلێ كورد و كوردستانێ ، ئەڤا دناڤ پارتی دا ھاتیە كرن وەك نوژەنكرنەكێ بیە و ھەر ئەندامەكی پارتی دناڤ رێزێن پارتی دا ب بەرپرساتیا خو حەسیا یە و ئەڤ ئەندامەتیا وی چەند گرنگە دناڤ رێزێن پارتی دا كو ھەر پالیوراوەكی ل ئاستێ بلندێ بەرپرساتیێ خو پێتڤی دەنگێ ئەندامەكی پارتی كریە ، واتە ئەڤ كونگرە كونگرێ ھەمی ئەندامێن پارتی یە و مەھەمیا پشك تێدا ھەیە چ ئەندامێن كونگرەی چ دەنگدەرێن كونگرەی ، ئەڤ سەربلندیا پارتیا ب پارتیاتیێ و ئەندام بونا خو دناڤ رێزێن پارتی دا ڤەدگەریێت بو رێبازا بارزانی كو رێبازا راستەقینەیا ئەو رێبازا دوھی ھزر و بیر و پارتی و شۆرەش و ئەڤرۆ بووینە ھەرێم و سیستەم و یاسا و بو سوباھی ژی دەولەت و سەربەخوبوون ھیڤیا سەركەفتنا كونگرەی د خازین كو ھەمی پێكھاتێن كوردستانێ جھێ خو دناڤدا ببینن موسلمان و كریستیان و ئێزدی و ژ لایێ نەتەوەیی ڤە كوردو توركمان و ئاشوری و ژ لایێ رەگەزیڤە ئافرەت و زەلام ب تایبەت رێژەكا باش ل ( گەنجان ) هەمی پێكڤە بچنە سەركردایەتیێ ب رەنگ و دەنگێن نوی ڤە، كو ئەڤ چەندە ئێك ل جوانی و باشیێن گرنگ و مەزنێن رێبازا بارزانی و ستراتیجیەتا پارتیە كار دكەت بۆ دابینكرن و مسوگەركرنا مافێن وان و ھەمیشە ھەمی خەلكێ د سنورێ پارتی دا ژیای ، ب جوداھیا خو یا ئەتنی و رەكەزی و ئاینی ڤە ب مافێن خو شادبینە و مسوگەر و پاراستی بوونە .

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi