ئازار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

جەهوەر هەكاری:ژ بیرەوەریێن مە 8

ژ بیرەوەریێن مە 8
جەهوەر هەكاری
پشكا داویێ‌
ل لژنا سەرپەرشتیا لقا ئێك ل راژان بەردەوامی دا كارێ‌ خۆ،ل رۆژێن ئینیێ‌ و بێنڤەدانا دچۆمە نك كاك فەرەج و سەلامی ل ئێكەتیا قوتابیان و لاوان ل زێوە یان نك دكتۆر خێری ل گوندێ‌ دزێ‌ یان ل ئۆرمیێ‌ ل نك هەڤالێ‌ رەحمەتی خالد تەوفیق یان كاك ئەكرەم خالد و هندەك هەڤالێن دی.

ل رۆژا 1990/8/1 دەنگ وباسەكێ‌ ب تایبەت ل رادیۆیا ئیسرائیل راگەهاند كو ئەڤ شەڤە دێ‌ لەشكەرێ‌ عێراقێ‌ كۆێتێ‌ داگیركەت و وێ‌ هێڤارێ‌ ئەز چۆمە زێوەی ل ئێكەتیا قوتابیان و لاوان و ل دەهژمێر 8ی شەڤێ‌ حەسەن ئەلكاشف یێ‌ ناڤدار ب(حسن الكاژب) پەیامنێرێ‌ مونتی كارلو گۆت ئەز نۆكە یێ‌ ل سنوورێ‌ عێراق وكوێتێ‌ و چ لڤینێن لەشكەری ژلایێ‌ عێراقێ‌ ڤە نینن و ئەو دەنگ وباسێن دگۆتن عێراق دێ‌ كوێتێ‌ داگیركەت ب دەرەو دەرئێخستن،بەلێ‌ هەر رادیۆیا ئیسرائیل دگۆت (فی الساعات القلیلە المقبلە سیحتل الجیش العراقی الكویت) هەتا 1ی شەڤێ‌ ئەم ماین چ دیار نەبوو ئەم نڤستین سبەیكێ‌ دەمژمێر7ێ‌ كاك فەرەج رادیۆ ڤەكر و چۆ سەر كەنالێ‌ عێراقێ‌ سروودا مەنصورە یا بغداد ل سەر بوو ئێكسەر ل سەر بر من گۆتێ‌ ب زڤرینە ئەڤێ‌ سروودێ‌ تشتەك یێ‌ تێرا هەی جارەكا دی برە سەر كەنالێ‌ عێراقێ‌ سرود تەمام بوو گۆت (پورە شعب الكویت) ئێكسەر من گۆت بزنێ‌ نانێ‌ شڤانی خوار.

ئێدی كاك فەرەج و سەلام چۆنە ژۆرێن دی و هەڤالێن خۆ شیار كرن، پشتی تێشتێ‌ ئەز و فەرج چۆینە دزێ‌ و هەر ئێك ژمە خاكەكی تریكۆ دا چێكرن و ئێدی بۆ زڤرینا وەلاتی مە كارێ‌ خۆ كر و ل بەهارا 1991 ئەم ژ راژان بەرەف كوردستانێ‌ ب رێكەفتین و ب شەڤێ‌ ئەم ل خانێ‌ ماین و رۆژا دی ئەم ژ سنووری ب ترۆمبێلێن مینی پاس دەرباز بووین و بەفرەكا زۆر ل سەرێ‌ حاجی ئۆمەران هەبوو و ئەم گەهشینە بێخمەی و رۆژا دی مە هندەك لوری پەیدا كرن ئەم هاتینە كەلەكا یاسین ئاغا و ئەم بەرەف چۆینە پرا مەندان،ژبەركو ئاڤا خازری راببوو مە نكاری دەرباز ببین چنكو ژمارەیەكا مەزن یا دبابا ل لایێ‌ دی یێ‌ پرێ‌ بوون و 2 رۆژا ئەم لگەل وان تووشی شەرەكێ‌ دژوار بووین و مە چەكێ‌ ل دژی زەریپۆشان نەبوو مە 3 جانگۆری دان ئەو ژی پێشمەرگەیەك و دوو وەلاتی بوون.

ل1991/3/16 ئەم بەرەف بەردەرەش ب رێكەفتین و هەڤالێن میحوەرێ‌ ئاكرێ‌ چۆنە ئاكرێ‌ و ئەم بەرەف شێخان چۆین ئاخا باب وباپیرا و پشتی 8 سالان،ئەز ب دیتنا مال وكەس وكارێن خۆ شاد بووم بەلێ‌ جیێ‌ داخێ‌ بوو،دایكا من یا دلۆڤان و چەند مام و پسمامێن مە وەغەركربوون و چۆبوونە بەر دلۆڤانیا خودێ‌.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi