تشرینی دووه‌م 30, 2022

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

خالد خدر  : ئیرانێ چ ماف نینه‌ هه‌رێما كوردستانێ تۆپباران بكه‌ت

خالد خدر  : ئیرانێ چ ماف نینه‌ هه‌رێما كوردستانێ تۆپباران بكه‌ت

پشتى كوشتنا كچا كورد (ژیما ئه‌مینى ) ژلایێ پۆلیسێن ئایینى ڤه‌ ل ئیرانێ ،خۆپێشاندانێت نه‌رازیبوونێ پتریا باژێرێن ئیرانێ ڤه‌گرتینه‌،ئه‌و چه‌نده‌ بوویه‌ سه‌ده‌م كو تۆره‌بوونا ئیرانیا لڤلڤى و نه‌رازیبوونا وان ل سه‌ر رژێمه‌كا نه‌ سه‌ركه‌فتى ژبۆ دابینكرنا ژیانه‌كا ژهه‌ژى و ده‌ست ژ ئازاردانا وان به‌رده‌ت.
خویا دكه‌ت كو ئه‌ڤه‌ مه‌ترسیترین نه‌رازیبوونن ئیران تووشى دبتێ دماوێ چل سالێن بۆرى دا،سه‌ره‌راى ڤێ چه‌ندێ ، یه‌ دووره‌ رژێما ئیرانێ بێته‌ ته‌نگاڤ كرن، جێوازى دگه‌ل خۆپیشاندانێت سالا 1979 یێن كو بووینه‌ سه‌ده‌ما كه‌تنا رژێما شاهنشینى ل ئیرانێ ،وره‌ڤینا شاهى بۆ وه‌لاتێ مسرێ،خۆ ئه‌گه‌ر نه‌كه‌ڤه‌ ژى رژێمه‌كا هه‌ژهه‌ژۆكه‌ ژئالیێ متمانا خه‌لكێ وى وه‌لاتى ڤه‌،سه‌رهلدانا ڤان نه‌رازیبوونا ل دژى رژێمێ ،دووپات دبت كو رژێم دقه‌یرانێ دایه‌ و خۆپیشاندانێن مللى ل دژى وێ بووینه‌ ڕه‌وشه‌كا دۆمدرێژ ، كو دووسال ده‌رباز نابن ل ڤان بیست سالێن بۆرى بێى خه‌لك خۆپیشاندانا ئه‌نجام نه‌ده‌ت ل دژى سیاسه‌تا رژێمێ، سه‌ره‌رایى گوهارتنا سه‌رۆكا ،سه‌ده‌ما سه‌ره‌كى ئه‌وه‌ كو رژێما ئیرانێ نكاریه‌ سه‌ره‌ده‌ریه‌كا راسته‌قینه‌ بكه‌ت دگه‌ل ژیوارێ گهۆرینێن جڤاكێ گه‌نجان ،نه‌یا ئاسان وبه‌رئاقله‌ كو رژێمێن پاشڤه‌ڕوو ژ گۆتار و رێبازا خۆ لێڤه‌بن،نه‌ وه‌ك نموونێت جیهانێ به‌روڤاژى رژێما ئیرانێ وان گهۆرین وریفرۆم دناڤا خۆدا كرن ، كو گه‌له‌ك ژوان چووینه‌ سه‌ر لێڤا لاتا نه‌مانێ به‌لێ ل داویێ رژێمێن خۆ رزگاركرن ، ل شوونا گهۆرینێ و ریفرۆمێ و وه‌ك ڕه‌ڤیان ژ به‌رپرسایه‌تیێ ، ئیران پرۆپاكندا دكه‌ت مینا بیردۆزا پیلانگێریێ ژبۆ ڤێ ڕه‌وشا نهۆ روودایى شرۆڤه‌ دكه‌ت بۆ خه‌لكێ،ئه‌مریكا و دراوسێن خۆ و ڕاگه‌هاندنێ تۆمه‌تبار دكه‌ت ،و باشترین گرۆڤه‌ ل سه‌ر ڤێ چه‌ندێ هێرشا رژێما ئیرانێ یا هۆڤانه‌ و درندانه‌ ل سه‌ر هه‌رێما كوردستانێ،كو ل رۆژا 28/9/2022 چه‌ند ده‌ڤه‌رێن هه‌رێما كوردستانێ تۆپبارانكرن،ب به‌هانه‌یا چه‌كدارێن پارتێن رۆژهه‌لاتێ كوردستانێ و دئه‌نجام دا ب مخابنى ڤه‌ ژماره‌كا كه‌سێن سڤیل شه‌هید وبرینداربوون.
ل ده‌مێ كو گرفتا وان یه‌ نافخۆیى یه‌ ،ئیرانێ چ ماف نینه‌ هه‌رێما كوردستانێ تۆپباران بكه‌ت ، ل بۆرینا ده‌مى دێ ئه‌و نه‌رازیبوونه‌ گه‌له‌ك مه‌زن و به‌رفره‌هبن ،وئیران دانپێدانێ ناكه‌ت كو ئێش و چاره‌سه‌رى ل هوندورێ واندایه‌ ،ئه‌و راگه‌هاندنا ئیران گونه‌هبار دكه‌ت بتنێ ده‌نگڤه‌دانه‌،گرۆڤه‌ ل سه‌ر ڤێ چه‌ندێ ئیران زنجیره‌كا ئالاڤێن راگه‌هاندنێ هه‌نه‌ و ئاراسته‌كرینه‌ ل دژى هه‌ڤڕكێن وێ ب زمانێ عه‌ره‌بى و نه‌بووینه‌ سه‌ده‌ما ئێك خۆپیشاندانێ ژى ل هیچ وه‌لاته‌كى ، و ئه‌ڤ چه‌نده‌ نائێته‌ وێ واتایێ كو ئیران دكاره‌ بژیت دناڤ ده‌ڤه‌ره‌كا یڕى ئالۆزى و قه‌یران دا ، ئه‌و به‌ره‌لایا ئیران تووش بوویێ هه‌مان نه‌خۆشى و به‌ره‌لایا رژێما وان چاندى ل ده‌ڤه‌رێ هه‌وه‌ گرتنا ده‌ستهه‌لاتێ ژ ئالیێ زه‌لامێن ئایینى ڤه‌ ، دیار وئاشكه‌را بوویه‌ كو رژێما ئیرانێ رژێمه‌كا لاواز و خلۆله‌یه‌ گرۆڤه‌ كوژتنا كچكه‌كا بێ گونه‌ه بوویه‌ سه‌ده‌ما ڤان تۆره‌بوون و نه‌رازیبوونا ل ئیرانێ ،و ئه‌و وه‌لاته‌كى هه‌ژار و تێر ئاریشه‌ و قه‌یرانه‌ بتنێ شانازیێ ب ده‌ستكه‌فتیێن خۆیێن له‌شكه‌رى دبه‌تن ب تایبه‌تى مایتێكرنێن وێ ل عێراقێ و سووریا و لوبنانێ ب رێیا ملیشیاتێن خۆ یێن كوژه‌ك و تیرۆرستى.
س.س

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi