تشرینی دووه‌م 30, 2022

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

بێوار حه‌مدى : ئه‌قلێ هشیار و ئه‌قلێ ڤه‌شارتى

بێوار حه‌مدى : ئه‌قلێ هشیار و ئه‌قلێ ڤه‌شارتى
ئه‌ڤ هه‌ردوو چه‌مكێن مه‌ بكارئیناین نه‌دوو جۆرێن ئه‌قلینه‌ به‌لكو بتنێ ئێك ئه‌قله‌،به‌لێ دووجۆرێن چالاكیانه‌ دناڤ ئێك ئه‌قلى دا،ئه‌قلێ مرۆڤى د پرانیا جاران دا گرانیا هه‌لبژارتنێ دكه‌فته‌ سه‌ر لێ ئه‌م دێ چاوا و ب كیژوان رێیان ڤان چالاكیان ب ئه‌قلێ خۆ بلاكارئینین؟ ئه‌ڤ چه‌نده‌ لدووڤ هێزا مه‌ و شێوازێ هزركرنا مه‌ دمینت، ئه‌قلێ مه‌ یێ هشیاریان یێ ب ئاگه‌هـ ئه‌و ئاقلێ هزركه‌ر و نۆرماله‌ كو رۆژانه‌ و بتریا كارێن خۆ پێ بكاردئینین،بۆ نموونه‌:ده‌مێ ئه‌م په‌رتۆكان یان هه‌ڤژینا خۆ یان جلوبه‌رگێن خۆ د هه‌لبژێرین، ئه‌م ڤان هه‌موو كاران ب رێیا ئه‌قلێ خۆ یێ هشیار ئه‌نجام دده‌ین، به‌لێ بتریا وان كارێن بێ حه‌ز و فه‌رمانا خۆ د هه‌لبژێرین وه‌كى:زڤڕۆكا خوونێ یان هه‌ناسه‌دانا مرۆڤى یان هتد…) ئه‌ڤه‌ ژى ئه‌ون یێن ب رێیا ئه‌قلێ ڤه‌شارتى دئێنه‌ ئه‌نجامدان.
ئه‌قلێ مرۆڤى یێ هشیار وى تشتى وه‌ردگرت یێ ل سه‌رهاتیه‌ چاپكرن، یان ئه‌وا كو ئه‌قلێ هشیار باوه‌رى پێ هه‌بت لێ ئه‌و ئه‌قلێ ته‌ یێ هشیار گه‌نگه‌شێ ل سه‌رتشتا ناكه‌ت، بتریا مه‌ چێدبت هه‌ر نزانن كا ئه‌قلێ ڤه‌شارتى چى یه‌ یان هێزا وى چه‌نده‌، ئه‌قلێ ڤه‌شارتى وه‌كى وێ زه‌ڤیێ یه‌ كو هه‌موو جۆرێن تۆڤى وه‌ردگرت، ئه‌ڤجا چ تۆڤێ باش بت یان خڕاب ئانكو هزرێن مه‌ وه‌كى تۆڤى نه‌ و بله‌ز گه‌شه‌یێ دكه‌ن، ئه‌گه‌ر ب نۆرمالى و ب ساده‌یى هزربكه‌ین ل وى ده‌مى مه‌ ئه‌قلێ خۆ یێ ڤه‌شارتى بكارنه‌ئینایه‌،چنكو ئه‌قلێ ڤه‌شارتى پێتڤى ب ئاڤدانێ و چاڤدانه‌كا باش هه‌یه‌ و ب تایبه‌ت بۆ گه‌له‌ك بابه‌تان یا پێتڤى و گرنگه‌ ئه‌م هزران ب رێیا ئاقلێ ڤه‌شارتى ئه‌نجام بده‌ین، بلا ل بیرامه‌ بت كو ئاقلێ مه‌ یێ ڤه‌شارتێ خۆ ب وێ چه‌ندێ ڤه‌ مژوول ناكه‌ت كا هزرێن مه‌ د باشن یان خڕاب یان كا د راستن یان نه‌، به‌لكو لدووڤ هزر و پێشنیارێن مه‌ به‌رسڤێ دده‌ت، ئانكو ئه‌گه‌ر ته‌ وه‌سا دانا كو ئه‌ڤ تشته‌ یێ ڕاست و دروسته‌ و ئه‌گه‌ر خۆ یا خڕاب و تێكده‌ر ژى بت دێ ئه‌قلێ مه‌ یێ ڤه‌شارتى وه‌كى تشته‌كێ راست و دروست وه‌رگرت.
ل داویێ ژى یا پێتڤیه‌ ئه‌م باش بزانین كو هه‌ركاره‌كێ مرۆڤ بكه‌ت بێى هزركرنه‌كا كوور و دروست دێ ئه‌نجامێن وى د لاواز و شاش بن، ئه‌قلێ هشیار و ڤه‌شارتى ئێكن لێ كار و چالاكیێن وان د ژێك جودانه‌ و دڤێت ب دروستى هزر بكه‌ین و خۆ د ئاقلێ ڤه‌شارتى دا ئاڤا بكه‌ین داكو هه‌موو كار و كریارێن مه‌ ژى د چالاك و ئاڤابن.
س.س

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi