ئازار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

جه‌هوه‌ر هه‌كارى ژ بیره‌وه‌ریێن مه‌(پشكا شه‌شێ)

جه‌هوه‌ر هه‌كارى ژ بیره‌وه‌ریێن مه‌(پشكا شه‌شێ)

ل ده‌ستپێكا ئادارا 1990 كاك عبدولعه‌زیز گیب ئه‌ز ئاگاهدار كرم ل سه‌ر داخوازا مه‌كته‌ب سیاسى ئه‌گه‌ر ئه‌ز بچمه‌ جه‌هروم سه‌ره‌دانا 60 مالێن پێشمه‌رگێن لقا ئێك بكه‌م من گۆتى باشه‌،به‌لێ ئه‌ز بتنێ ناچم گۆت باشه‌ بۆ خۆ هه‌ڤاله‌كى ده‌ستنیشان كه‌ و ئێدى ئه‌ز چۆمه‌ ئۆرمیێ ل نك ره‌حمه‌تى خالد ته‌وفیق ئامێدى گۆت زۆر باشه‌ و رۆژا دى مه‌ وێنه‌گرتن و دان په‌یوه‌ندیا و پشتى چه‌ند رۆژا روودان بۆ مه‌ چێكرن و ل رۆژا 14/3/1990 رۆژئاڤایێ ئه‌م ل پاسا سواربووین و به‌ره‌ف گهران سبه‌یكێ 15/3و پشتى بتر ژ 13 ده‌مژمێران ئه‌م گه‌هشتین و ل نڤیسینگه‌هه‌كێ مه‌ پلێت برین بۆ شیراز و چۆینه‌ كه‌ره‌چ باره‌گایێ پارتى هه‌تا پشتى نیڤرۆ ئه‌م زڤرین گهرانێ و ده‌مژمێر 4 عه‌سرێ به‌ره‌ف شیرازێ ب رێكه‌فتین و پشتى 16 ده‌مژمێران گه‌هشتینه‌ شیرازێ و رۆژا 16/3 ل پاسه‌كێ سوار بووین و به‌ره‌ف جهرومێ چۆین ود 3 ده‌مژمێران دا گه‌هشتین و پشتى تێشتێ مه‌ پسیارا ئوریگایێ كر و ته‌كسیه‌كێ ئه‌م گه‌هاندین و ل زالگه‌ها ئوردیگایێ مه‌ روودان نیشا وان دان و وان ب بلند گۆیێ گازى هنده‌كا كر كو مه‌ ناڤ دانه‌ وان و ئه‌و هاتن و پشتى ئه‌م دیتین زۆر كه‌یف خۆشبوون و گۆتنه‌ مه‌ ئه‌م ناهێلین هوون زوو بچن.
ئوردیگایێ جهرومێ دكه‌فته‌ بنارا چیایێ قاف و بتریا خه‌لكێ ئوردیگایێ عه‌ره‌بێن ژێریا عێراقێ بوون،زۆربه‌یا وان ل سالا 1980رژێما عێراقێ ئه‌و ده‌رئێخست بوون و ئێڤارى كاك خالد گۆته‌ مه‌ خوزى ئێكى عه‌ره‌ب گۆتبا مه‌ هه‌ما وه‌رن چایه‌كێ ل نك مه‌ ڤه‌خۆن،رۆژا دى هێڤارى ئه‌م چۆینه‌ بازارى و ل ده‌مه‌كى كاك خالد سه‌كنى و گۆت والله‌ ئه‌ڤه‌ سه‌میره‌ و چۆ سلاڤ لێكر سه‌میرى گۆت (منو انت ما عرفتك) گۆتێ انت مو سمیر گۆت به‌لێ گۆتێ ها نسیت ابو غریب گۆتێ انت یاهو گۆتێ انا خالد ئامێدى ئێدى خۆ تێك وه‌ركرن و ئه‌م ل دكانا وى روونشتین و به‌حسێ زیندانا ابو غریب كرن و رۆژا دى بۆ شیڤێ ئه‌م بووینه‌ مێڤانێن مالا سه‌میرى.
رۆژا نه‌ورۆزێ مالێن پێشمه‌رگێن لقا ئێك كارێ خۆ كرن و زاد ئاماده‌كرن بۆ جه‌ژنا نه‌ورۆزێ و ئه‌م چۆینه‌ ئاهه‌نگا نه‌ورۆزێ ل گه‌لیه‌كێ چیایێ قاف،به‌لێ جیێ داخێ بوو رێڤه‌به‌ریا ئوردیگایێ رێ نه‌دا مه‌ ئه‌م ده‌ركه‌فین.
ل رۆژا 23/3 مه‌ خاترا خۆ خواست و دوو هه‌ڤالێن دى ژى ل گه‌ل مه‌ هاتنه‌ ئه‌سفه‌هانێ و كاك فاروق و ئێكێ دى كو خه‌لكێ كورك و بناڤیا بوون و ده‌ره‌نگێ شه‌ڤێ ئه‌م گه‌هشتینه‌ ئه‌سفه‌هانێ،ده‌ڤه‌را جهرۆم یا گه‌رم و بناڤ وده‌نگ بوو ب پرته‌قال و لالنگى و له‌یمونا.
س.س

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi