تشرینی یه‌كه‌م 06, 2022

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

مەروان داود:دیكیۆمێنتكرنا جینۆسایدێن ئێزدیان پێنگاڤەكە گرنگە..نموونە پەرتۆكا(تهدیم المزارات و الرموز الدینیە الإیزیدیە)

دیكیۆمێنتكرنا جینۆسایدێن ئێزدیان پێنگاڤەكە گرنگە..نموونە پەرتۆكا(تهدیم المزارات و الرموز الدینیە الإیزیدیە)
مەروان داود
دیكیۆمێنتكرن ژبۆ دیرۆكێ‌ تشتەكی گرنگە،چ ئەو دیكیۆمێنت ب ڤیدیۆ یان دەنگ یان نڤیسان و هتد…بت،ژبەركو ئەو دیكیۆمێنت دێ‌ مینت وەك بەلگە ژبۆ سال و چەرخێن پاشەرۆژێ‌ كو ژ راستا روودانەكا ب ڤی شێوەی روودایە.
ئێزدی ئێك ژ وان ئۆلێن كەڤن یێن دەڤەرا میزۆبۆتامیا نە،ب درێژاهیا دیرۆكێ‌ گەلەك كۆمكوژی و نەهامەتی و جینۆساید ب سەرێ‌ وان دا هاتینە، ژ ئەگەرێ‌ بەرەڤانیكرنا وان ژ ناسنامە وان یا ئۆلی و نەتەوەیی و زمان و چاند و كەلتۆرێ‌ وان،وەكو ژێدەرێن دیرۆكێ‌ دبێژن كو هەتا نۆكە ژ وان فەرمانێن بسەرێ‌ ئێزدیان دا هاتین 74 ژێ‌ هاتینە دیكیۆمێنتكرن و داوی فەرمان ژی یا سالا 2014ێ‌ ل شنگالێ‌ بوو ئەو ژی ل سەر دەستێ‌ رێكخراوا تیرۆرستی یا داعش بوو تاوانێن هەرێن مەزن د دەرهەقێ‌ ئێزدیان دا كرن و هەموو جیهان پێ‌ هاتە هەژاندن، ئێزدیان ژی گەلەك زولم و زۆری و زەحمەتی دیتی یە، ژبلی كوشتن و رەڤاندن و گرتنا ئێزدیان و كۆچبەریێ‌،جیێن وان یێن ئۆلی ژی هاتینە پەقاندن و هەرفاندن، كو پێك دهاتن ژ قوب و مەزارگەهـ و خاس و نیشانگەهان، ل دەڤەرا شنگال و باشیك و بەحزانێ‌.
دیكیۆمێنتكرنا وان بۆ پاشەرۆژێ‌ كارەكێ‌ فەر و گرنگە و ئەگەر هات و دەڤەر نەهاتنە ئاڤاكرن و دووبارە ئەو نیشانگەهـ نەهاتنە چێكرن ژی،ئەو دیكیۆمێنت دێ‌ بنە بەلگە كو ئەڤ جیێن ئێزدیان بوون و ئێك ژ وان پەرتۆكێن هەرێن باش كو ب شێوەیەكی رێك و پێك ل سەر ڤی بابەتی هاتیە نڤیسین پەرتۆكا(تهدیم المزارات و الرموز الدینیە الإیزیدیە) یا نڤیسەر مەیسەر ئەدانی،كو ب شێوەكی مەیدانی دووڤچۆن ل سەر ڤی بابەتی كریە و هەر قوب و نیشانگەهەكا هاتیە پەقاندن ل دەڤەرا شنگال و باشیك و بەحزانێ‌ تێدا نڤیسیە و دگەل وێنەیێن وان نیشانگەهان بەری هاتنا داعش و پشتی پەقاندنێ‌ ژی.
پەرتۆك ب زمانێ‌ ئەرەبی هاتیە نڤیسین و ژ 230 لاپەران پێك دئێت و ب شێوەیەكی ئەكادیمی ئەڤ بابەت تێدا هاتیە دیكیۆمێنتكرن و هەبوونا ڤان جۆرە پەرتۆكان ل پاشەرۆژێ‌ تشتەكێ‌ گرنگە،داكو دیرۆك وندا نەبت و ب هیڤیا وێ‌َ چەندێ‌ ئەڤ پەرتۆك بێتە وەرگێران بۆ سەرهندەك زمانێن دیتر و بتر نڤیسەر خۆ ل ڤان جۆرە بابەتان بكەنە خودان.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi