گرژی وئالۆزیێن ژین و ژیارا ئافرەتێ
دلڤین خەلەف
هەر وەكو ژ كەڤندە هاتیە گۆتن كو رەوشا هەر مال و خێزانەكا ئاڤەدان ئافرەتەكا ئازا و ژێهاتی بوویە،هەروەسا ئارامیا هەر جڤاكەكێ پێشكەفتی ئافرەتێن چەلەنگ و رەهوان و زانا بوویە.
ل دەمێ رامانا ئەڤان گۆتنا بێنە شرۆڤەكرن وی دەمی راستی یا كارتێكرنا رۆلێ ئافرەتێ د چەند خالێن ڕۆن و ئاشكەرا دا دیار دبت و هیچ گۆمان ل سەر كارتێكرنا رۆلێ وێ یێ كارا و گرنگیا هەبوونا وێ دناڤ جڤاكی دا نامینت،بەلكو بەروڤاژی و ب رەنگەكێ رۆن و ئاشكەرا دئێتە بەرچاڤ و خویاكرن،هەردیسا بەرامبەری ڤان گۆتنان پەروەردەیەكا ڕۆن بێتە كرن دێ دیاربت كا چاوا رەوشا خۆشیا ژیانێ دناڤ ئەوان جڤاكێن پێشكەفتی و بەختەوەر دا گرێدایی یە ب رەوش و ژیارا ئافرەتێن وان یێن ژیر و ژێهاتی و سەروەریا وان ئافرەتان دگەل خێزان و دانوستاندنا وان دناڤ كۆمەلگەهێ دا،بێگۆمان بەراوردی نائێتە كرن دناڤبەرا ژین و ژیارا جڤاكێن وەلاتێن پێشكەفتی و خودان سەربۆر دبوارێ سەرەدەریا یا راست و دروست دگەل ئافرەتێ دا دكن و رێگری ل ئازادیا وێ یا كەسایەتی نەكرین و هێلاین ئەو رۆلێ خۆ یێ سروشتی دناڤ كۆمەلگەهێ دا بگێرت ب رەنگەكی شارستانی و ئاسایی و ئەوان وەلاتێن پاشڤەرۆ و پاشڤەمایی كو بووینە رێگر د پێشیا سەركەفتنا ئافرەتان دا و سەرەدەریەكا خراب دگەل دا كرین و هێلاین ئافرەت ببێ كۆلە و بێ دەستهەلات و رەزیل و شەپرزە ببن،بەلكو ل ناڤ ئەوان وەلاتان دا نەزانین هەردەم زاڵ بوویە و بەلەنگازیێ ژ هەموو بواران ڤە خۆ ب سەر جڤاكێ وان دا گرتیە و ئەو جڤاك بەر ب نەهامەت و مال وێرانیێ ڤە برینە.
خالێن سەرەكی یێن دبنە ئەگەرێن گرژی و ئالۆزیێن ژیانا ئافرەتان دناڤ جڤاكی دا ژ كەسوكار و مالباتێ دەست پێ دكن و زۆربەیا جاران كەسێن هەری نێزیكی وێ دئێشینن و ئەنجامێن وێ چەندێ ژی ژێك تێنەگەهشتنەكا ئاسایی یە دناڤا خێزانێ دا پەیدا دبت و دبتە پرسگرێكەكا مەزن و كێشە ژێ دروست دبن،هەروەسا دووركرنا ئافرەتێ ژ دانوستاندنێن جڤاكی و رێكنەدانا ئافرەتێ كو بیرورایێ خۆ ب رەنگەكی ئازادانە دارێژت و ببتە پشكەكا بریاردانێ دناڤ خێزانێ دا كارتێكرنەكا مەزن پەیدا دكت و خالا هەرە سەرەكی یا كو ئافرەت پێ بێتە ئێشاندن ئەو رێگریا ل وێ دهاتە كرن،داكو ئافرەت فێری زانست و خووندنێ ببت و رۆلێ خۆ یێ ئاسایی دناڤ كۆمەلگەهێ دا ببینێ،لەوما هەردەم پشكا هەرە مەزن یا ئێش وئازاران بەهرا وان بوویە و د ژیانا خۆ دا مایی و بێ ئۆمێد بوویە.
لێ نها دەم هاتیە هەموو رێك ل پێشیا ئافرەتێ ل گۆر داب ونەریتێن جڤاكی بێنە ڤەكرن و ئەو ژڤێ پێشكەفتنا سەردەمی بێ بەهرنەبن و پشتبەستبن ب یاسا و سنوورێن مرۆڤایەتیێ دگەل رێزگرتن و پاراستنا مافێ خێزانێ ب هەموو رەنگەكی،ژ پێخەمەت ژین و ژیارەكا ئارام و ئاڤەدانكرنا خێزانەكا ساخلەم و جڤاكەكی سەرفەراز.
Lalish Media Network
صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق
گۆتارێن داوی
مههدی حهسهن موراد:نیشان و مشور وکەسایەتيێن ئۆلی وەک (چلەگر و کۆچەک و فەقرا و قەول بێژ ) ل کۆمەلگەها مەهەتێ
پير خهلات ئلياس:دانەبی دئێزدیاتیێ دا
ئهمریكا: پشتهڤانیێ ل دهستپێكرنا هنارتنا پهترۆلا ههرێما كوردستانێ دكهین
حكومهتا ههرێمێ ژمارهیهكا بڕیاران ل دۆر پرۆژهیێن ئاكنجیبوونێ ددهت
59خێزانێن ئاواره ل كهمپا شاريا ڤهگەڕيانه شنگالێ
سهرۆكێ لژنا كۆچ و كۆچبهران:چ پێنگاڤ بۆ بجهئينانا ڕێككهفتنا شنگالێ نههاتينه هاڤێتن
حكوومهتا ههرێما كوردستانێ ههموو ڤالاهیێن ژئهگهرێ ب داوى هاتنا گرێبهستێن ڕێكخراوان ل كهمپێن ئاواران پركرينه
مەسرور بارزانی: سۆزێن خۆ بۆ داهاتوويهكى دیجیتاڵ و کوردستانهكا بهێزتر دێ بەینە سەر
سەرۆک بارزانی ل گەل نوینەرێن پارێزگەها نەینەوا ل پەرلەمانێ ئیراقێ کۆمبوو
لژنا دارایی: دڤێ ههفتیێ دا دڤێت پرۆژه یاسایا بودجهیێ بهێته پهسهندكرن
Copyright © 2021 by Lalish Media Network . Developed by Ayman qaidi