تشرینی دووه‌م 30, 2020

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

دلگه‌ش نه‌واڤ باعه‌دری:‎قوربانى و ده‌رده‌سه‌ريا 500 خێزانێن شنگال ب ده‌ستێ حكومه‌تا عێراقێ 

‎قوربانى و ده‌رده‌سه‌ريا 500 خێزانێن شنگال ب ده‌ستێ حكومه‌تا عێراقێ 

دلگه‌ش نه‌واڤ باعه‌دری

تاخێ شنگالیان ئێك ژ تاخێن میرگه‌ها ئێزدیانە ل باعه‌درێ ،‌ دكه‌ڤیته‌ باشورێ ‌ڤێ میرگه‌هێ ناڤێ ڤی تاخی ژ ناڤێ شنگال هاتییه‌ ژبه‌رکو خێزانێن ل ناڤا ئه‌ڤی تاخی دژین خه‌لكێ شنگالێ نه‌ هژمارا خێزانێن ڤی تاخی نێزیكا 500خێزانی نه‌ ئه‌ڤ تاخه‌ ب درێژییا ژیان و خه‌بات و خزمه‌تا خۆدا پێخه‌مه‌ت پاراستنا ئاخ و نه‌ته‌وەیا‌ خۆ بوویه، ‌ گە‌له‌ك ده‌رده‌سه‌ری و قوربانی و كاره‌ساتێن جۆرا و جۆر سه‌ر ده‌ستێ حكومه‌تا عێراقێ یا وی سه‌رده‌می دیتن و بسه‌ردا هاتن ، ل بهارا ‌ سالا 1972 حكومه‌تا عێراقێ یا وی سه‌رده‌می ب چە‌كێ گران و فڕۆکە‌یان هێرشی سه‌ر گوندێن شنگال كرن بارگه‌ و ناڤه‌ندێن چە‌تەیان ل گۆندێن شنگالێ لێ ھاتنە‌ دانان (٢٢) گۆندێن شنگال هاتنه‌ تۆب باران كرن ژ ئه‌نجامێ ‌ڤێ هێرشا هۆڤانه‌ چە‌ندین ھاوەلاتی شەھید كه‌تن ژ وان ژی ( حجی علی _ عیدۆ حجی _ بغلێ سلێ _ صبري خالد _ خطاب عمر _ محمد علی _خلف حسن _ قولو خلف _ سیدۆ خلف) بوون هه‌روه‌سا (25) كه‌س ژی بریندار بوون، (250) ئه‌ندام و كادرێن پارتی هاتنه‌ گرتن خه‌لكێ گوندێن شنگالێ نه‌چار بوون گوندێن خۆ چۆل بکن و به‌رده‌ن به‌ره‌ڤ ده‌ڤه‌رێن ئارام ڤه‌ هه‌رن ئێك ژ وان گوندان شه‌ره‌كێ دژوار و مه‌زن لێ ھاتەکرن ، ئێك ژ كادرێن چالاك یێن پارتی ب ناڤێ (شەھید رجۆ حاجی ) دناڤا وی شەری دا شەھید بوو ، ئەو شه‌ر دهێته‌ نیاسین ب داستانا گۆندێ بشاركۆ ، هه‌ر وه‌سا حكومه‌تێ ده‌ست ل‌ سه‌ر (6955) دۆنه‌مێن ئه‌ردێ چاندنیێ یێ (366) جۆتیارێن (25) گوندان دا گرت ، ژبه‌ر ‌ڤێ سیاسه‌تا هۆڤانه‌ چەندین ئه‌ندام و لایه‌نگرێن پارتی و سه‌دان كه‌سا شنگال بجهێلان و قه‌ستا كورستانێ كرن ، پشتی ئادارا سالا ‌ 1974شه‌ر دووباره‌ دناڤبه‌را پێشمه‌رگێن پارتی و حكومه‌تا عێراقێ یا وی سه‌ر ده‌می دا روویدا ، سیاسه‌ته‌كا تونتر و دژوارتر دگە‌ل خه‌لكێ شنگالێ ب كارئینان سه‌دان كادر و ئه‌ندامێن پارتی دگە‌ل خه‌لكێ ده‌ڤه‌رێ ئاواره‌ی كوردستانێ كرن ل (زاخۆ _ شێخان _ خانكێ _باعه‌درێ _ ) ئاكنجی کرن ،دیڤ ئامارا (كۆمه‌لا ده‌ربه‌ده‌رێن زمار و شنگال ) (5000) خێزان كو دبوونه‌ (41000)كه‌س ، لێ پشتی ئادارا‌ سالا 1975حكومه‌تا به‌عس درندانه‌تر سەرەدەری لگەل كوردایه‌تیا شنگال كر ده‌ست ب وێرانكرنا گوندان کرن ، ل قه‌زا شنگالێ به‌شه‌ك مه‌زن ژ خه‌لكێ دەڤەرێ دەربەدەر و ئاواره‌بوون وبه‌رێ خوه‌ دانه‌ ده‌ڤه‌رێن ده‌رڤه‌ی قه‌زا شنگالێ ، خێزانێن عەرەبا و مالباتێن به‌عسیان دمالێن وان دا هاتنه‌ بجیھکرن .

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.