ئازار 28, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

دلڤين خه‌له‌ف:ئافرەت و سەرکەفتنا ژیانێ

ئافرەت و سەرکەفتنا ژیانێ

دلڤين خه‌له‌ف

ل دەمێ مرۆڤ ژ نێزیك ڤە بەرێ خۆ بدە ژیانا مرۆڤاتیێ وێ گەلەكی مەندەهۆش و حەیبەتی بمینێ و ناخوازێ گەلەك ژ ئاوایێن وێ ببینێ و بەلکو دەما د بینێ بێ ئۆمێدیەك پەیدا دبێ و ئەڤ چەندە ژێرە دبە نەخۆشی و هزر د چەند سالێن پری زەحمەت یێن ژیانا خۆ دکە کا وێ بچی رەنگێ دەرباز بکە،ژیانێ مرۆڤایەتیێ ب گەلەك رەنگا دەرباز دبێ و هەر ئاوا تێدە پەیدا دبێ ب خۆشی و نەخۆشی دەرباز دبێ و کەیفو شاهی و حزنو گری تێدە دروست دبێ، بەلێ هەردەم هزرا مرۆڤان بەرەو بەرژەوەندیێن تایبەت و کەسایەتی مژول دبێ و هیڤیا ژیانەکا بەختەوەر ژ هەر کەسی بۆ خۆ دخوازە و ئۆمێدا وی هەر دەم سەرکەفتنا ویە و دڤێ دانوستاندنێ دگەل رەوشا ژیانێ ب سەرفەرازی بکە،راستە هەردوو رەگەزێن مرۆڤان ل سەر رویێ ڤێ ئەردێ هەفپشك و تەمامکەرێن یەکترن، بەلێ هەردەم و لسەر هەر ئاستەکی رەگەزێ نێر دڤێ خۆ ب بلندتر ببینە و هەولێن زاڵ بوون وخۆ سەپاندنێ ئارمانجا وی بوویە و هەر وەکو نە ژ جەرگێ دایکەکا ژ جۆ بهێزتر پەیدابویە و وێ دایکێ نەهـــ مەهێن پر ئێش و ئازار د هوندرێ خۆ دە پاراستیە و بسالا لبەر سنگوبەرێ خۆ خودانکریە و بکول و دەردا مەزنکریە هەتا کو گەهاندیە وی رادەیی ئەو شانازیێ ب مێرانیا خۆ بکەت و هەست ب جیاوازیەکا مەزن دناڤ بەرا خۆ و وێ دایکێ دە بکەت،بەلێ زیدەباری ڤێ چەندێ ژی ئافرەتێ هەردەم ئەو نازداری و دەلالی قبولکریە و خۆ نێزیک ژوی دیتیە و مال و مالداری دگەل دە کریە و بویە ئەگەرێ ئاڤەدانیا جڤاکەکا راست و دروست و ژیانەکا ئاسایی پێرە بەردەوام کریە،دیار و ئاشکەرایە کو هەموو دەما ئافرەتێ سەروەریا کۆمەلگەهێ ب دلەکی بەرفرەهـــ کریە و خۆ ب ئاڤاهی و ئاڤەدانیا کۆمەلگەهێ زانییە ژ پێخەمەتی دانانا بەرێ بنیاتا خێزانەکا سەرکەفتی و راست و دروست و هەر دەم خۆ کریە شڤانا خەم و کۆڤانا ژبۆ گەهشتنا خوازتەك و ئارمانجێن جڤاکەکا ئارام و بویە پالدەرەکا سەرکی ژبۆ ئاسانکرنا رەوشا ژیانێ و سەرفەرازیا مرۆڤایەتیێ ل درێژیا مێژویێ و دێ هەر یا بەردەوام بێ ژی ل سەر دلۆڤانیا خۆ ژبۆ هەبوونا کۆمەلگەهەکی بژوین و ساخلەم،لەوما ئەم دبینین فەرە لسەر هەموو دام و دەزگەهێن فەرمی ل کوردستانێ ژی بیتر خەمخوەرێ ئافرەتێ بن و پشتەڤانێن بیرو بۆچۆنێن وێ یێن زەلال بن داکو ئەو ژی بشێت بیتر پێنگاڤان بەرەو ئاڤەدانکرنا کۆمەلگەهەکا سەرکەفتی پاڤێژێ وژیانەکا سروشتی و ئاسایی دگەل خێزانەکا سەرفەراز ببەتە سەر، لەوما ل داویێ ئەمێ بێژن ئافرەت ژیانە و ژیانا ب یەکسانی و وەك هەڤی سەرکەفتنا هەموە کۆمەلگەهەکێ یە.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi