ئه‌یلول 27, 2020

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

دلڤین شەمال:شنگاڵێ‌ بۆ ئێزدیێن كوردێن رەسەن چۆل بكن

شنگاڵێ‌ بۆ ئێزدیێن كوردێن رەسەن چۆل بكن
دلڤین شەمال
پشتی ل رۆژا 3 ێ‌ ئاب 2014 رێكخراوا تیرۆرستیا داعش ب رەنگەكێ‌ هوڤانە هێرش كرە سەر شنگاڵ و كوردێن رەسەن ئاوارەو دەربدەربوون و تووشی مەزنترین كارەساتا مرۆڤی بوون لسەر دەستێ رێكخراوا تیرۆستیا داعش ، بەلێ‌ گەلەك دەم ب سەر ڤە نەچۆ ب سەرپەرشتیا راستەوخۆیا (سەرۆك بارزانی) شنگاڵ هاتە ئازادكرن ل درەندەیا داعش ئاڵایێ‌ كوردستانێ‌ ل شنگاڵ هاتە بلندكرن ، حكومەتا هەرێمی دەست ب رێكارێن رزگاركرنا رەڤاندیان كر ئەوێن ل رۆژا داگیركرنا شنگاڵ و دوڤرا هاتیە رەڤاندن ، هەتا نوكە شیایە رێژەكا زۆر ل وان رەڤاندیا رزگاربكەتەڤە و ب خێزانێن خۆ شاد ببنەڤە ، پشتی ئازادكرنێ‌ ئێكسەر خۆلێن ئارامیا دەرۆنی بۆ دهێنە ڤەكرن هەتا كۆ كاریگەریا داعش لسەر نەمینیت و فێری زمانێ‌ دایك ببنەڤە و ئارام بژین د جڤاكەكێ‌ ئارام و ساخلەم دا .
حكومەتا هەرێما كوردستانێ‌ هەر زو هەموو رێك ب كارئینان بۆ ڤەگەراندنا ئێزدیان بۆ سەر ماڵ و حاڵێن وان بەلێ‌ هێزێن چەكدار ل دەڤەرا شنگاڵ هەردەم رێگربوون ،نوكە فەرە هێزێن چەكدار شنگاڵێ‌ پشتی شەش ساڵێن ئاوارەیێ‌ بۆ ئێزدیان چۆلبكەن ، ئەو هێزێن نوكە ل شنگاڵ چۆ بهایێ‌ خۆ نینە دەمێ‌ شنگاڵ پێدڤی ئەڤ هێزە دیارنەبوون پشتی شنگاڵ لسەر دەستێ‌ جەنابێ‌ (سەرۆك بارزانی ) و هێزێن پێشمەرگەی هاتیە ئازادكرن ژمارەكا زۆرا هێزێن چەكدار ئاڵایێ‌ خۆ ل شنگاڵ بلندكر بۆنە ئەگەرێ‌ تۆرەبوون وبێزاكرن و مانەڤەیا وان ل ئاوایێ‌ هەردەما ئەو هێز ل شنگاڵ نەمان تەڤایا كوردێن رەسەنێن ێزدی بەرهەڤن جارەكادی ڤەگەرنە ڤە سەر جهـ و وارێن خۆ ، شنگاڵی دخوازن پێشمەرگەیێن كوردستانێ‌ ڤەگەرنەڤە شنگاڵ و ئارامیا دەڤەرێ‌ دەستێ‌ وان دابیت بەلێ‌ ئەو هێزێن نا بەرامبەر بۆینە ئەگەر كۆ هەتا نوكە رێژا زڤرینا ئێزدیا گەلەك كێم بیت.
نڤیسنگەها رزگاكرنا رەڤاندیێن ئێزدی كۆ سەر ب نڤیسنگەها رێزدار نێچیرڤان بارزانی یە سەرۆكێ‌ هەرێما كوردستانێ‌ پشتی هاتیە دامەزراندن شیان رێژەكا زۆر كوردێن ئێزدی ل دەست داعش رزگار بكەت ، د هەماندەمدا ئەو خێزانێن ل ناڤ كەمپا دا دژین حكومەتا هەرێما كوردستانێ‌ بەردەوام هاریكاری گەهاندینە وان و بزاڤ كرینە ب زڤرینیت سەر جه و وارێن وان بەلێ‌ هەموو دەما ئەو هێزێن نە یاسایی و ب زۆر هاتیە شنگاڵ رێگر بوونە هەمبەر ڤەگەریا ئێزدیا.
پشتی شەش ساڵێن ئاوارەیی و دەربدەریێ‌ فەرە ئەو هێزێن ب زۆر خو ل شنگاڵ بجهكری دەركەڤن و شنگاڵێ‌ بۆ ئێزدیان چۆلبكەن ئێزدی و كوردێن رەسەن ناخوازن ئەو هێز ل شنگاڵ بمینن بەلكۆ دخوازن پێشمەرگە پارێزەری ژیانا وان بیت و ئێزدی ژی دخوازن پشتی شەش ساڵێن ئاواریێ‌ شنگاڵ بۆ وان بهێتە چۆلكرن.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.