كانونی دووه‌م 28, 2023

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

به‌ختيار قادر:ژ ده‌ستدانا به‌لگه‌يێن جينۆسايدا ئێزديان

ژ ده‌ستدانا به‌لگه‌يێن جينۆسايدا ئێزديان
به‌ختيار قادر
ل رۆژا(3/8/2014)ێ ئێزديێن شنگال و ده‌شتا نه‌ينه‌وا راستى هه‌وه‌كا قركرن و تالانكرن و ژناڤبرنێ بوون لسه‌ر ده‌ستێ دره‌نده‌ترين رێكخراوا تيرۆرستى ل عێراق و شامێ(داعش)،كو كرێترين تاوانێن دژى مرۆڤايه‌تيێ ده‌رهه‌قێ خه‌لكێ شنگال ئه‌نجام دان ب سه‌دان كه‌س هاتنه‌ كوشتن و ب هه‌زاران هاتنه‌ گرتن و ده‌ربه‌ده‌ر و ئاواره‌ و كۆچبه‌ر بوون و هێشتا چاره‌نڤيسێ ب هه‌زاران گرتيان يێ ديار نينه‌ و ئاوارێن شنگال دناڤ ژيانه‌كا سه‌خت و دژوار دا ل كه‌مپان دا دژين و هێشتا جينۆسايدا ئێزديان يا به‌رده‌وامه‌ و ره‌وشا شنگال رۆژ بۆ رۆژێ به‌رف خرابت ڤه‌ دچت،ئه‌ڤا بسه‌رێ ئێزديێن خۆليسه‌ر دا هاتى ژ ئه‌نجامێ پيلانه‌كا ده‌ره‌كى يا وه‌لاتێن زلهێز بوو كو ب هه‌زاران ئێزدى بوونه‌ قوربانێ سه‌ره‌كى يێ ڤێ پيلانێ پێخه‌مه‌ت بده‌ستڤه‌ئينانا ئارمانج و به‌رژه‌وه‌نديێن خۆ لسه‌ر كيسێ ئايينه‌كێ به‌لنگاز و ئاشتيخواز،ئێزدى ژبه‌ر ئايين وه‌كو ئێزدى و نه‌ته‌وه‌ كورد بوونه‌ قوربانێ ڤان پيلانان و ئه‌ڤا ئێزدى تووشبووينێ ب هه‌موو پيڤه‌ران جينۆسايده‌ وه‌كو چه‌ندين وه‌لاتێن زلهێز يێن جيهانێ دانپێدان پێكرى لێ جيێ داخێ نه‌ ئه‌ندامبوونا عێراقێ د دادگه‌ها تاوانێن نێڤ ده‌وله‌تى دايه‌ كو ئه‌ڤ كه‌يسا قركرنا ئايين و كه‌مينه‌كا ره‌سه‌ن لسه‌ر ئاستێ جيهانێ هه‌لاويستى مايه‌،ل شه‌شه‌مين بيره‌وه‌ريا كۆمكوژيا ئێزديان هێشتا جينۆسايد يا به‌رده‌وامه‌ و ره‌وشا شنگال ب تايبه‌ت رۆژ بۆ رۆژێ به‌ره‌ف خرابتر دچت و ژبه‌ر نه‌گرنگيدان و پووته‌ دانێ رۆژانه‌ به‌لگه‌يێن سه‌ره‌كى يێن سه‌لماندنا جينۆسايدێ يێ ژ ده‌ست دده‌ين ڤێ يه‌كێ ژى دێ كاريگه‌ريه‌كا خراب لسه‌ر كۆمكرنا به‌لگه‌يان هه‌بت ژبه‌ركو چه‌ندين گرۆپ و لايه‌نێن چه‌كدار دناڤ شنگال هه‌نه‌ و ره‌وش زۆر يا ئالۆزه‌ كو هيچ ئاليه‌كێ په‌يوه‌نيدار نكارت ب دروستى كار لسه‌ر جينۆسايدێ بكه‌ت ب تايبه‌ت بۆ لێگه‌ريانێ ل گۆڕێن بكۆم يێن ئێزديان،شنگال بخۆ باژێره‌كى كوردستانى يه‌ و پێدڤيه‌ ره‌وشا شنگال ژلايێ سياسى و ئه‌منى ئيدارى ڤه‌ دناڤبه‌را حكومه‌تا هه‌رێما كوردستانێ و حكومه‌تا عێراقێ دا بێته‌ ئێكلاكرن و لژنه‌يه‌كا هه‌ڤبه‌ش دناڤبه‌را هه‌ردوو لايان دا بێته‌ پێكئينان وه‌كو به‌ريا سالا 2014ێ ‌ داكو ئيدارا شه‌رعى ڤه‌گه‌رته‌ شنگال ڤه‌ و بله‌زتر ده‌ست ب كۆمكرنا به‌لگه‌يێن جينۆسايدێ بێته‌ كرن و بگه‌هينه‌ دادگه‌ها تاوانێن نێڤ ده‌وله‌تى ل لاهاى داكو تيرۆرستێن داعش بێنه‌ سزادان،ئيرۆ رۆژ خه‌لكێ شنگال ژ ژيانا ئاواره‌يێ په‌ريشان و بێزار و دلگران بوويه‌ و دخوازن ب زووترين وه‌خت ره‌وشا ده‌ڤه‌رێ ئاسايى ببته‌ ڤه‌ و كه‌سێن ده‌ست لگه‌ل داعش هه‌ى بێنه‌ سزادان و ڤه‌گه‌رنه‌ سه‌ر وار و جيێن خۆ ڤه‌ و ده‌ست ب ژيانه‌كا نوو ب سه‌رفه‌رازى بكه‌ن.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi