تشرینی دووه‌م 24, 2020

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

خالد خدر:وەك جاران دیسا ئەمریكا هاتە گونەهباركرن ب چێكرنا ڤایرۆسێ كۆرۆنايێ؟

وەك جاران دیسا ئەمریكا هاتە گونەهباركرن ب چێكرنا ڤایرۆسێ كۆرۆنايێ؟

خالد خدر

پشتی بۆرینا دوو هەیڤان ژ دیاربوونا ڤایرۆسێ‌ كورۆنا یێ‌ نوو ل چینێ‌ دەڤەرا ووهان تێتە زانین كو ب هەزاران كەس تووشی ڤی ڤایرۆسی بووینە و ئەڤ ڤایرۆسە پتریا وی ل چینێ‌ و كوریا ژاشوور و ئیتالیا و ئیرانێ‌ بەلاڤەبوویە ب شێوەكی بەرچاڤ ولدیڤ راگەهاندنا رێكخراوا ساخلەمیا یهانی ولگۆر ئامارێن راستەقینە ژ چینێ‌ تووشبوونا بدەهان هەزار كەسان دووپاتكرینە ، بەلام پتر ئەو كەسێن ب دژواری تووشی ڤی ڤایرۆسی دبن ەسێن نەخۆشیێن دۆمدرێژ هەنە و دانعەمرن ، ب ئەگەرا دیاربوون و بەلاڤبوونا ڤایرۆسێ‌ كورۆنا ترسەكا هەرە مەزن كەفتیە جیهانێ‌ بێی جیوازی و گەلەك وەلاتان رێكار و پێرابوونێن تووند گرتنە بەر لهمبەر رێگرتنێ‌ ل ڤی ڤایرۆسی و ژبۆ پاراستتن وساخلەمیا هاوەلاتیێن خۆ ، و بۆ جارا ئێكێ‌ یە ئەڤ جۆرە پێرابوونە دهێنە كرن وەك راگرتنا ەمی هەلكەفت و ئاهنگ و خرڤەبوونێن بكۆم ژهەمی بیاڤێن ژیانێ‌ ئایینی و سیاسی و رەوشەنبیری و وەرزشی و جڤاكی و دبنە ژێدەرەكی سەرەكی بۆ ڤەگرتن و بەلاڤبوونا ڤایرۆسی ، تشتێ‌ هەری مەترسی بۆ مە وەك خەلكێ‌ هەرێما كوردستانێ‌ سەبارەت ڤی ڤایرۆسی ئەوە كو وەلاتێ‌ ئیرانێ‌ بوویە ژێدەرێ‌ دووێ‌ بۆ بەلاڤبوونا ڤی ڤایرۆسێ‌ كوشندە پشتی وەلاتێ‌ چینێ‌ كو ل 22 باژێرێن ئیرانێ‌ بەلاڤەبوویە و پشتی چەند كاربەدەستێن ئیرانێ‌ یێن پلەبلند تووشی كورۆنا بووین و ئیران هەڤسنوورە دگەل هەرێما كورستانێ‌ و كارتێكرنەكاراستەوخۆ لسەر هەرێمێ‌ هەیە ژبەر كو چەندین دەروازێن سنووری هەنە ناڤبەرا هەرێمێ‌ و ئیرانێ‌ دا كو هاتن و چوونەكا زۆر هەیە ب ریكا وان دەروازا هەر چەندە نهۆ هاتیە راگرتن ودڤێت بهێنە كۆنترۆلكرن بتایبەتی پشتی تووشبوونا (5) كەسێن خەلكێ‌ پارێزگەها سولەیمانیێ‌ كو ژ ئیرانێ‌ هاتبوون ، رەوش گەلەك یە ب مەترسییە زێدەیی دیتنا مە ئەڤی ڤایرۆسی كارتێكرنەكا مەزن لسەر ژیانا خەلكی كرییە ژ هەمی بیاڤان دا بتایبەتی دەروونی و ئابووری و گەلەك شرۆڤە و پرۆپاگندە هەنە بۆ ڤی ڤایرۆسی ئەو ژی گەشتییە رادێ‌ پیلانگێریێ‌ كو هندەك ئالی دبێژن ئەڤ ڤایرۆسە چێكریە ئانكو نەیی خۆزایی یە ؟ و وەك جاران دیسا ئەمریكا هاتە گونەهباركرن ب چێكرنا ڤی ڤایرۆسی ؟ ل وەختەكی كو هندەك ژ خەلكێ‌ ئەمریكا بخۆ ژی تووشی ڤی ڤایرۆسی بووینە ! وتشتێ‌ سەرنج راكێش كو چینێ‌ هیچ ئالییەك گونەهبار نەكرییە ژبلی پاراستنا هاوەلاتیێن خۆ و پێرابوونێن بلەز و موكم بۆ رێگری گرتن لهمبەر ڤی ڤایرۆسی و چارەكرنا نەخۆشان بهەر رەنگەكی ، و تشتێ‌ جهێ‌ سەرسۆرمانێ‌ ! و دهەمان دەمدا ب كەنی و جهێ‌ ترانەپێكرنێ‌ كو بەرپرسەكی ئیرانێ‌ گۆت بەلاڤبوونا ڤایرۆسا كورۆنا یێ‌ بوو هێرشەكا بایلۆژییە لسەر ئیرانێ‌ ژ ئالیێ‌ ئەمریكاڤە هاتیە گەلۆ ؟ ڤی كابرایی پسیار ژ خۆ نەكر ولسەر چ بنەمایی ئەو ڤێ‌ تومەتا مەزن یا بێ‌ رامان وبێ‌ بنەما پالددەتە ئەمریكا و ژئالییەكی دیڤە نزانیت ئەڤ ڤایرۆسە نە ل وەلاتی وی بتنێ‌ یە بەلكو ل چینێ‌ و كوریا باشوور و ئیتالیا و ل گەلەك وەلاتێن دی یاربوویە و ل ئەمریكا بخۆ ژی تووش بوویی هەنە و ژبەر كورۆنا كۆنگریسێ‌ ئەمریكی كۆمبوویە و ب تێكرایا هەروو پارتان كۆماری و دیموكراتی (8) ملیار دۆلار تەرخان كرینە ژبۆ بەرهەنگاری و روبروبوونا ڤی ڤایرۆسی و ترامپ جیگرێ‌ خۆ راسپاردییە بۆ سەرپەرشتییا تیما قەیرانا، خۆشبەختانە وتشتێ‌ دلخۆش رێژا مرنێ‌ یە نزمە سەرەرایی بلەزییا بەلاڤبوونا ڤایرۆسی .

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.