ئه‌یلول 27, 2020

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

شێرزاد نایف:رەوشەنبیریا گلێشی

رەوشەنبیریا گلێشی
شێرزاد نایف
كەسەك ژ مە گلێشێ‌ خۆ نادەتە ب گلێشێ‌ یێ‌ دیتر!، و ئەم گەلەك ب بەژنوبالا پاقژیێ‌ و پاراستنا ژینگەهێ‌ دبێژین و خۆ د بیاڤێ‌ رەوشەنبیریا پاراستنا ژینگەهێ‌ دا، خۆ بێ‌ هەڤڕك دبینین، دبت ژی ئەڤە تنێ‌ رۆخسارەك بت، بۆ رازیكرنا ئێك ودو یان ئەداكرنا ئەركەكێ‌ فەرمی و وەرگرتنا مووچەكی، یان ژی دا رێڤەبەرەك ژ مە رازی ببت یان تەملوقەكێ‌ بۆ بكەین، یان تەقلیدا وی بكەین یان ژی دا چاڤێ‌ وی ل مە بت بۆ مەزاختنا نەسریەكێ‌ و .. هتد، ژ ڤان راستیێن ئەم رۆژانە ل گەل دژین، بەلێ‌ دبت ژی ل هندەك ژ مالان و ل بەر دەرگەهێن وان نزانن چاوا تەنەكا گلێشی ب دروستی بكاربینن، هەر چەندە ئەڤە ل جڤاكێ‌ مە پاقژكرنا بەردەرگەهی و پاقژیا تەنەكێ‌ بەهرا پتر كارێ‌ كابانیا مالێ‌ یە، و شەرمە زەلام تەلیسێ‌ رەش یێ‌ گلێشی ب دەستێ‌ خۆ بكەتە د تەنەكێ‌ دا، جۆرەكێ‌ ژ خوەنەگرتنێ‌ یە، و هیڤیدارم كێمكرن نەبت ژ بهایێ‌ ژنێ‌ ودانانا وێ‌ د پلەیا دویێ‌ یا مرۆڤاتیێ‌ دا، بەلێ‌ ئەڤە ژیوارەكە!، بەلێ‌ هەتا نهۆ بكارئینانا ئەتاكێتێن پاقژیێ‌ و بكارئینانا تەنەكێن گلێشی نە بتنێ‌ ب مال، بەلكو ل جیێن گشتی و ئۆفیسێن فەرمی ژی ب دروستی نەهاتینە بكارئانین، هەما دێ‌ گلێشێ‌ (فەل) بەردەنە تەنەكێ‌ بێی بێخنە د تەلسیێ‌ رەش دا عەلاگە _ دووری روویێ‌ خووندەڤانێ‌ هێژا _ هینگی تەنەكە دێ‌ ستوور بت ژ جۆرێن گلێشی و مێش و مۆر بەربنە تەنەكێ‌ و بەردەرگە دێ‌ بتە گیفك، تەخێن دۆهنی و پیساتیی دێ‌ بنە كەرستەیێن كیمیاوی و دێ‌ ڤایرۆس و میكرۆب ژێ‌ پەسن و ئێش پەیدابن، و ژینگەه دێ‌ پیس بت، ڤێجا توو شەنسێ‌ خۆ، كا چ جۆرە ئێشە!، دێ‌ قەستا نەخۆشخانان ئێتە كرن و دەرمانخانان و .. هتد، دێ‌ چەندا جوان بت، تەنەكا تە یا گلێشی وەكو گولەكێ‌ یا پاك بت، گەر بەردەرگەهێ‌ تە یێ‌ پاقژ و بژین و جوان بت، ئەو سیمایێ‌ پاكیا دەروونا تەیە، و بۆ رادەرێ‌ گلێشی (كارێكار) یێ‌ بیانی یا ساناهی بت، دەمێ‌ گلێشێ‌ تە دهاڤێت، دێ‌ بۆ تە دوعایان كەت، بەلێ‌ هەكە یا بەروڤاژی بت، دێ‌ چەند نفرینان ل تەكەت، چنكو ئەو ژی مرۆڤە و یێ‌ لسەر بەختێ‌ تە، بلا گلێشێ‌ تە یێ‌ پاقژ بت، دا جڤاك و ژینگەها تە ژی یا پاقژ بت،ئەڤجا كەنگی دێ‌ ئەڤ رەوشەنبیرە جهگیر بت؟! كەس نزانت؟ باشە ئەڤ هەموو رێكخراونە یێن راگەهاندنا پاراستنا ژینگەهێ‌ دكن ویێن رەوشەنبیركرنێ‌ چ دكن؟! كەنگی دێ‌ خەلك وەرگرن؟! هەكە توو ببینی ئۆفیسەكا رێزدار كارمەندێن وێ‌ خیانەتا پاقژیێ‌ ل خۆ ب خۆ بكن، قۆپكێن جگاران بهاڤێژنە بەر پێن خۆ ، د ئەسانسۆران دا دهێلن، یان ل مەمەرێن ئۆفیسان، یان هێلانا گلیشێ‌ خۆ لسەر مێزێن خۆ، مانا جگارە و تەبلێن جگاران تایبەت هەكە دناڤ ئاڤێ‌ دا بت، گەر كەڤن ببت، بێهنا ژەهرێ‌ ژێ‌ دئێت، باشە هەكە یێن رەوشەنبیر وە بكن، پا كەسێ‌ نەزان چ بكت؟!.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.