ئه‌یلول 27, 2020

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

عزەت برۆ:رێیێن دەروونی بۆ پەروەردەكرنا زارۆكی

رێیێن دەروونی بۆ پەروەردەكرنا زارۆكی
عزەت برۆ
ل دەمێ‌ زارۆك تێتە سەر دنیایێ‌ دەیك و باب رادبن ب خودانكرن و پەروەردەكرنا وی ب هندەك رێیێن پەروەردەیی یێن دروست داكو ل پاشەرۆژێ‌ ببت مرۆڤەكێ‌ خودان كەسایەتیەكا بهێز و رەوشتەكێ‌ باش و مرۆڤەكێ‌ بەرهەمهینەر و كەسەكێ‌ ئارام دگەل دەوروبەرێ‌ خۆ ،یا پێتڤی یە دەمێ‌ زارۆك شاشیەكێ‌ دكت یان كارەكێ‌ نەیی ئاسایی رادبت نابت مرۆڤ ب رێیێن ترس و نەی دروست سەرەدەریێ‌ دگەل زارۆكی بكت دڤێت ب رێێن گونجای هاریكاریا وی بكن،داكو ئەڤ چەندە نەبتە ئەگەرێ‌ هندەك ئاریشێن دەروونی ل نك وی،یا باشتر ئەوە مرۆڤ بزانت ئەگەر چنە زارۆك ڤان كارێن نە دروست ئەنجام ددەت و ب شیاریەكا زێدە سەرەدەریێ‌ دگەل بكت،بسپۆرێن دەروونی دایە خویاكرن ئاریشێن دەروونی كارتێكرنەكا مەزن لسەر كریارێن زارۆكان هەیە ، ئەو ئاریشە و روودانێن زارۆك تێدا دبۆرت دقۆناغا ژیانا خۆدا ب تایبەتی ل سالێن دەستپێكێ‌ ژ ژیانا وی هاریكاریا مە دكت ژبۆ ئاڤاكرنا كەسایەتیا وی،لەوما یا فەرە مرۆڤ گرنگیەكا مەزن بدەتە پەروەردەكرنا زارۆكی داكو یێ‌ دوور بت ژ نەخۆشیا چ ئاریشە ل نك پەیدا نەبن وەكی تۆرەبوون و كێم خوارن و نە نڤستن و شكاندنا تشتێن ناڤ مالێ‌ و لێدانا زارۆكێن دی، دەیك و باب نموونە نە بۆ زارۆكێن خۆ كەسایەتیا وان كارتێكرنەكا مەزن ل ژیانا زارۆكی دكت ب تایبەتی پەیوەندیێن دەیكێ‌ دگەل زارۆكی ئەگەر دەیكێ‌ نكاری پەیوەندیا دگەل زارۆكێ‌ خۆ موكم بكت دێ‌ دوو دلی ل نك پەیدا بت و زارۆك ل وی دەمی گوهداریا دەیك و بابێن خۆ ناكەت وەك پێتڤی خۆشیێ‌ ژ زارۆكانیا خۆ نابینت هەردەم دێ‌ دلتەنگ و نە ئارام بت ، دڤێت دەیك و باب چاڤدێریا زارۆكێن خۆ بكن لمال و ژ دەرڤەی مال و قوتابخانێ‌ ب تایبەتی دەمێ‌ یاریا دگەل هەڤالێن خۆ دك، داكو بتر ئاگەه ژ رەوشت و رەفتار و كێماسیێن زارۆكێ‌ خۆ بت،هەروەسا یا فەرە دەیك و باب وان شیرەتا بجه بینن ئەوێن نۆژدار و كەسێن پەروەردەیی ددەنە وان كا چاوا سەرەدەریێ‌ دگەل زارۆكێن خۆ بكن،ژبەركو هەر گهۆرینەك یان ئاریشەك دناڤ خێزانێ‌ دا پەیدابت دێ‌ كارتێكرنەكا خراب ل هەست و سۆزێن زارۆكی كت و دێ‌ زارۆك تووشی هندەك ئاریشێن دی كەت هەروەسا دێ‌ كارتێكرنێ‌ ل كەسایەتیا زارۆكی كت،چنكو ئەو ژینگەها دەیك و باب بۆ زارۆكێن خۆ پەیدا دكن كەس نكارت بۆ پەیدا بكت، ئەگەر دەیك بابا وەك پێتڤی گرنگیێ‌ نەدەنە پەروەردا زارۆكێ‌ خۆ حەز و ئارەزوویێن وان پشت گوه هاڤێتن ئێدی زارۆكی باوەری ب دەیك و بابێن خۆ نامینت و ئەگەر ژ دەیك و بابا یێ‌ دوور ژی بت ژبۆ وی تشتەكێ‌ سادە و ئاسایی یە،چنكو گەلەك جارا ئەڤ چەندە دبتە ئەگەرێ‌ هندێ‌ زارۆك ببتە كەسەكێ‌ رەشبین د ژیانێ‌ دا و حەز خۆ و كەسێن دەوروبەرێن خۆ نەكەت هۆسا هزر دكت خەلك هەموو وەكە خێزانا وی چ گرنگیێ‌ ب وی نادەن،هەروەسا دبتە ئەگەر زارۆك قوتابخانێ‌ بجه بهێلت و ل تەمەنەكێ‌ بچووك كاربكت و فێری هندەك كارێ‌ خراب بت وەك جگارەكێشان و دزی و قومار و شەڤێ‌ درەنگ هاتنە مال ئەڤ چەندە ژی دێ‌ بتە مەترسی بۆ ژیانا وی بخۆ و خێزانا وی و هەروەسا بۆ كەسێن دەوروبەرێن وی.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.