ئه‌یلول 27, 2020

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

عزەت برۆ:شیزوفرینیا

شیزوفرینیا
عزەت برۆ
پسبۆرێن بوارێن دەروونی نەخۆشیا شیزوفرینیا وەكو كۆمەكا نەخۆشیا دبینن ل نك كەسێن تووشبووی چنكو مەترسترین نەخۆشیا ژیریە (عقلیە) هەتا نهۆ ئەگەرێن وێ‌ ب دروستی و هوربینی نەهاتینە زانین، مەترسیا ئەڤێ‌ نەخۆشیێ‌ ئەوە بتر كەسێن گەنج تووش دبنێ‌ هێشتا ل بهارا ژیێ‌ خۆنە، شیزوفرینیا ژ دوو پەیڤا پێكهاتیە (شیزو) ئانكو دابەش بوون (فرینیا) ئانكو ژیری یان عاقل ب رامانا دابەشبوونا عاقلێ‌ مرۆڤی دئێت،هندەك زانا دبێژن شیزوفرینیا ئانكو دابەشبوونا كەسایەتیا مرۆڤی دئێت چنكو جودا بوونا كەسێ‌ نەخۆشە ژ ژیانا راستەقینە جیهانەكا تایبەت بۆ خۆ دروست دكت و تێدا دژیت نكارت خۆ بگونجینت دناڤبەرا ژیانا كەتواری (واقعی) و یا خیالی ئانكو نكارت كەتوار ژ خەیالێ‌ جودا بكت،شیزوفرینیا چەندین جۆر هەنە وەكو:شیزوفرینیا گۆمانا وی نەخۆش گۆمانێ‌ ژ دەوروبەرێ‌ خۆ كت هۆسا هزر دكت كو دێ‌ پیلانەكێ‌ ل دژی وی دانن، هەروەسا شیزوفرینیا سادە بزەحمەترین جۆرێ‌ شیزوفرینیا دئێتە هژمارتن بۆ چارەسەریێ‌ چنكو چەندین نیشان ل نك كەسێ‌ تووشبووی دیار دبن هەمان نیشان و لڤین ل نك تووشبوویێن جۆرێن دی ژی هەنە دیسان شیزوفرینیا تەختەیی (تجمدی) كەسێن نەخۆش لڤی جۆری دا ماسولكێن وی رەق دبن ج بەشێن لەشێ‌ وی نالڤن بۆ ماوەیەكی وەكو پەیكەرەكی لێ‌ دئێت هەروەسا شیزوفرینیا پشتی روودانێ‌ (بعد صدمە) ئەڤ جۆرە پشتی كەس تووشی روودانەكێ‌ دبت هەست ب نە ئارامیێ‌ دكت و فشارێن دەروونی لسەر زێدە دبت دترست و خەونێن نەخۆش دبینت ئەو روودان بەردەوام دئێتە پێش چاڤێن وی،هەروەسا شزوفرینیا كۆمەكا نیشانا هەیە وەك:تێكچۆن و دابەشبوونا پرۆسێسا هزركرنێ‌ نەمانا پەیوەندیێ‌ دناڤبەرا هەست و گێول و لڤین و هزرێن وی دا، هەروەسا خۆ بتنێ‌ كرن و خوار رێڤەچۆن و زڤرین ل دەوروبەرێ‌ خۆ گرنگی نە دان ب پاقژیا خۆ و بەردەوام دناڤ خەون و خیالێ‌ هشیاردا هەروەسا تێكچۆنا سۆز و هەلچۆنی و گهۆرینا گێول دبتە كەسەكێ‌ چۆت هەست ئانكو نەخۆش دوو هەست هەنە بەرامبەر ئێك بابەت یان كەسەكی بۆ نموونە ئەگەر ل تازیەكێ‌ بت دكەتە كەنی ل داوەتا دكەتە گری هەروەسا ئەو شیان نینن پەیاما خۆ بگەهینت كەسێ‌ بەرامبەر و مەبەستا خۆ دیار بكت چنكو هزر و ئاخفتنێن وی نە درێك و پێكن هەروەسا نەخۆش باوەری ب بیروباوەرێن نە دروست هەیە وەك ئەوهام و هەلوەسە بۆ نموونە دبێژت دەنگ دئێنە من یان ئەز دێ‌ بمە پێغەمبەر نكارت خۆ ژڤان هزرێن نەی دروست قورتال كەت،هەروەسا هندەك رەفتارێن سەیر و نامۆ و سەرەنج راكێش دكت بۆ نموونە ب شێوەیەكی سەیر د روونتە خوار یان چەندین لڤینێن سەیر دكت،ئەگەرێ‌ نەخۆشیا شیزوفرینیا هەر چەندە هەتا نهۆ ئەگەرێن دروست نەهاتینە زانین بەلێ‌ زانایا هندەك بۆچۆن هەنە وەك بۆماوە بتریا زانایا دبێژن بۆ ماوێ‌ رۆلەكێ‌ سەرەكی هەیە بۆ تووشبوونا نەخۆشیا شیزوفرینیا هەروەسا كێمیا مێشكی دەمێ‌ هەڤسەنگیا ڤەگوزێن دەماری (النواقل العصبیە)تێك دچن شیزوفرینیا ل نك وی كەسی دیار دبت،هەروەسا مادێن بێ‌ هۆشكەر ئەگەرێن رێك خۆشكەرن تووشبوون ب نەخۆشیا شزوفرینیا هەروەسا ئەگەرێن ژینگەهی و دەروونی وەك روودانا و دەست درێژكرنێ‌ و ترس و بێ‌ هیڤیبوونێ‌ و بارێ‌ ئابووری و ئاریشێن جڤاكی،چارەسەریا شیزوفرینیا چارەسەری ب رێیا دەرمانا سەرەدانا نۆژدارێ‌ تایبەتمەند بێتە كرن ب تایبەتی ل دەست پێكا تووشبوونێ‌ داكو بێتە كۆنترۆلكرن،هەروەسا دڤێت نەخۆش بەردەوام ل ژێرچاڤدێریا نۆژدارا بت داكو رێژە و جۆرێ‌ دەرمانێ‌ وی بگهۆرن دیسان دڤێت ئەندامێن خێزانا نەخۆش بێنە هشیاركرن لسەر سروشتێ‌ نەخۆش ب شێوەیەكی دروست سەرەدەریێ‌ دگەل بكت هەروەسا چارەسەری ب رێیا هۆنەری و خێزانی.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.