ئه‌یلول 26, 2020

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

عزەت برۆ:بۆچی زارۆك تۆرە دبت

بۆچی زارۆك تۆرە دبت
عزەت برۆ
ئێك ژ وان رێێن زارۆك بكاردئینت ژبۆی هندێ‌ داكو داخازێن وی بێنە جێبەجێكرن گەلەك شێوازێن تۆرەبوونێ‌ بكاردئینت وەكی دەنگ بلندكرن و قیژی و گریێ‌ و نە گوهداریكرنا دەیك و بابا ،هەروەسا زارۆك تۆرە دبت دەمێ‌ داخازێن وی نەئێنە جێبەجێكرن یان بێتە پشتگوه هاڤێتن لمال بت یان قوتابخانێ‌، یا فەرە ئەم بزانن زارۆك لسەر چی تۆرە دبت و ئەگەرێن تۆرەبوونا وی چنە، ژینگەها خێزانێ‌ كارتێكرن لسەر تۆرەبوونا زارۆكان هەیە ب تایبەتی ئەگەر كێشە دناڤبەرا دەیك و بابا دا هەبت یان نەبوونا ژینگەهەكا گونجایی كو زارۆك تێدا بژیت و هەست ب ئارامیێ‌ بكت و حەز ژێ‌ كرن و رێزگرتن دناڤبەرا ئەندامێن خێزانێ‌ دا نەبت ئەو خێزانا یەكگرتی و دیموكراسی رێزگرتنا زارۆكی تێدا هەبت یێ‌ ئارامە و لسەر خۆیە و تۆرەبوون ل نك یا كێمە،دڤێت دەیك و بابا شارەزای هەبت لسەر یاسایێ‌ خەلاتكرنێ‌ و سزادانێ‌ ،ئەگەر زارۆكی كارەكی باش ئەنجام دا دڤێت دەست خۆشی لێ‌ بێتە كرن و بێتە خەلاتكرن داكو بەردەوام بت لسەر كار و رەوشتێ‌ باش ،نابت ئەم داخازا كارەكی ژ زارۆكی بكەین بتر بت ژ هێز و شیانێ‌ وی یێن هزری و لەشی ئەڤ چەندە دبتە ئەگەرێ‌ هندێ‌ زارۆكی باوەری بخۆ نەمینت هەست ب كێماسیێ‌ بكت شیانا ئەنجام دانا كارا نەمینت،ئەگەرێن تۆرەبوونا زارۆكی ئەوە ئەگەر داخازێن وی جێ‌ بەجێ‌ نەكەین و پشت گوه پاڤێن هەروەسا جوداهی كرن دناڤبەرا زارۆكان دا ژلایێ‌ دەیك و بابا ڤە ،دیسان دەمێ‌ زارۆك هەست ب شكەستنێ‌ دكت دناڤ زارۆكێن هەڤالێن خۆدا ب تایبەتی ل قوتابخانێ‌ هەروەسا ئەگەر بێتە بێ‌ بەهركرن ژ دلۆڤانیا دەیك و بابا یان دەمێ‌ رەخنێ‌ ل زارۆكی دكن و ئاخفتنێن نەی جوان دبێژنێ‌ لناڤ هەڤالا دا ،هەروەسا دەمێ‌ داخازا كارەكی مەزن ژێ‌ بێتە كرن و پاشی لۆمە ژێ‌ بێنە كرن،چاوانیا سەرەدەریكرنێ‌ دگەل زارۆكێن تۆرە:دڤێت دەیك و باب لسەرخۆ و ئارام بن دەمێ‌ زارۆكێن وان تۆرە دبن هەروەسا ل دەمێ‌ زارۆك یاریا دكت چ داخازیا ژێ‌ نەكە بلا یێ‌ بەردەوام بت لسەر یاریا خۆ،دیسان كەلوپەلێن زارۆكی نەهاڤێژە و نەشكینە،هەروەسا بەراوردیا وی دگەل زارۆكێن دی نەكە یان دگەل خوشك و برایێن وی و دەنگێ‌ خۆ لێ‌ بلند نەكە و ئاخفتنێن نەی جوان نە بێژێ‌ هەروەسا هەڤسەنگیێ‌ چێكە دناڤبەرا حەز و ئارەزو و خەو و خوارن و یاری و خووندنا زارۆكی دا.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.