شوبات 26, 2020

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

‎مەهدی حەسەن موراد:ژن دكارت جڤاكەكێ‌ بهێز و هشیار ئاڤاكت

ژن دكارت جڤاكەكێ‌ بهێز و هشیار ئاڤاكت
‎مەهدی حەسەن موراد
د درێژاهیا خەباتا رزگاریخوازیا تەڤگەرا گەلێ‌ كوردستانێ‌ دا ئافرەتا كوردستانێ‌ ل گۆشەیێن بێ‌ باندۆر مابوو ، ئاستێ‌ هەری كێم ژ تەڤلیبوونا خەباتا شۆرەشگێری دە دناڤ هەموو تەخ و چینێن جڤاكێ‌ ئافرەتا كوردستانێ‌ بوویە، رێژا وان تەمەت تلێن دەستان بوونە دناڤ شۆرەش و سەرهلدانێن كوردی دا ،لەوما د ئەكتیف نەبوون ژبەر زەخت و گڤاشتنا رەگەزێ‌ نێر لسەر ئافرەتێ‌،دیسا كار و خەباتا وان لژێر چاڤدێری و كۆنترۆلا زەلاما دا بوویە، نە خودی هێز و بریارێن خوسەر بوونە ،كو بەرەڤانیێ‌ ژ كەسایەتیا خۆ بكن و مافێن خۆ بپارێزن،دگەل هندێ‌ رەگەزێ‌ نێر هەردەم ب چاڤەك نزم ل رەگەزێ مێ‌ دنێرین لەوما ژن هەردەم خوەدی كەسایەتیەك هەلوەشیای بووینە دناڤ جڤاكێ‌ كوردستانی دا،هەتا چەند سالێن داویێ‌ ژ سەد سالا(20)ێ‌،ژنا كورد د تێگەهشتنا سیاسی دڤی بواری دا گەلەكێ‌ لاواز بوو ،بەلكی وەكی شەرمەكێ‌ ددیت دەما كو ژنا كورد تەڤلی خەباتا سیاسی ببت،تەنێ‌ ئەو خەبات زەلامێن كورد ژ ماف و ئەركێن خۆ دزانی و خۆ بەر دەفكێن دۆزا ژنان ددیتن بڤی هەلویستی ژنا كورد ما تەپەسەر وبن دەست و هەر زەلامێ‌ خۆ ب خودان دازانین و مافێ‌ وێ‌ پێشێل دكر و تەپەسەر دكر و دڤیا وەسا بت، ژنا كورد كاری ب ئاوایەكی رێیا خەباتێ‌ د رێیێن جودا دا ڤەكەت و كاری دەنگێ‌ خۆ بلند بكت ئەو ژی ل دەسپێكێ‌ ل شۆرەشێن بارزان و رێزگرتنا شێخ ئەحمەدێ‌ بارزانی و بارزانیێ‌ نەمر ل ژنا كورد نەخاسمە ئەو بریارێن ل شۆرەشا ئەیلولێ‌ هاتین دان ژبۆ ئازادی و رزگاریا ژنا كورد كو ئەنجامێن ڤان شۆرەش و سەرهلدانا حكومەت و پەرلەمان بوون دناڤ ڤان دام و دەزگەهێن ئیداری ژنا كورد رۆلەكێ‌ بەرز لەیزی ،كو هێدی نەمینت ل بن ركێفا زەلاما كو باب و برا بریارێ‌ لسەر كچ و ژنان بدەن ، یان گەلەك جارا كەس و كارێن كچا كورد بێ‌ رازەمەندیا وێ‌ دا ل كالەمێرەكی مەهركن،یان دا بەرخوین دەن و بخۆ دكرنە پێگوهۆرك، هەروەسا پرانیا كچان دناڤ چار دیوارێن مالێ‌ دا دهاتنە زیندانكرن، داكو هەر گاڤ خزمەتا مێران بكت،و بەروڤاژی د هاتە كوشتن ژی ئەگەر نەد خەبەرا مێرا دا با بەهانەیا نامووسێ‌ ژی گەلك جارا، لێ‌ پارتی و بارزانی ئەڤ قەید و بەندێن مالباتی ژناڤبرن ،و بریار بناڤێ‌ شۆرەشێ‌ هاتن دان سزایێن قورس دەرهەقی هەركەسێ‌ زۆرداریێ‌ ل ئافرەتێ‌ بكت دێ‌ لسەر ئێنە سەپاندن و ئەڤ چەندە بوو دەلیڤەك زێرین ژنا كورد هێدی زۆرداریێ‌ قەبول نەكەت وهیچ جوداهیەك نەبت دناڤبەرا زەلام و ژنێ‌ دا،ئیرۆ ژنا كورد دام و دەزگەهێن میری و سیاسی و لەشكەری ب رێڤەدبەت ل وەلاتی و ئەورۆپا و جیهانێ‌ رۆلێ‌ خۆ دبینن،ئەڤێ‌ چەندێ‌ باندۆرا خۆ د جڤاكێ‌ كوردی دا كر و هشیاریەك دناڤ جڤاكا باشڤەروو دەرباز دكر دگەل ڤێ‌ چەندێ‌ هشیاریەك دناڤ تەخا ژنان دا چێ‌ بوو ،ئەڤ هشیاری دكەفتە دبن باندۆرا تەڤگەرا كوردستانی دە لێ‌ پێ‌ نەڤێت هندەك یاسایێن جڤاكی تەڤلی هەڤ دكرن و كاری هێزا خۆ د خەباتا سیاسی و لەشكەری و جیێ‌ خۆ دناڤ ئیرادا كوردستانێ‌ دا بكت،لێ‌ ئەڤ ژنا ل گۆشەیێن بێ‌ باندۆر مایی دناڤ وێ‌ تاریێ‌ دا كاری خۆ بكت سەمبۆلەك دناڤ جڤاكێ‌ كوردستانێ‌ دا د هەر وارەكی دا دگەل هندێ‌ كارتێكرنا خۆ ل هەر چار پارچێن كوردستانێ‌ بكن و ڤێ‌ راستیێ‌ بدەن ناسین ئەو راستیا كو هشیاریا ژنا كورد دلگرانیەك ئێخستیە دناڤ جڤاكا كەڤنار یا كوردستانێ‌ دا و گۆمانێن مەزن پێشكەتنێ‌ دەركەت هەم ژ زەلامێن كو هێزا سەردەستیا ژنێ‌ ژ دەست وان دەركەتبوو هەم ژی ل نك دەسەلاتداران كو گۆمانێن وان چێدبوون كو وێ‌ جڤاكێ‌ وان ژبن كۆنترۆلا وان دەركەڤێ‌ ئەڤ جار ب هەموو ئالیان هەولدانەك دژ بەرخودانا خەباتا ژنێ‌ دەركەت و هاریكاریەكا مەزن ژ دەزگەیێن ئۆلی ڤە هاتە كرن بەرسنگێ‌ خزمەت و خەباتا ژنێ‌ بگرن و نەهێلن رزگاربن ل پێ‌ هەر ناڤەكی هەبت،هەر چەندە تووشی مەترسیەكێ‌ بوون بەلێ‌ هەڤركیا هان بۆ وێ‌ ببوو هێزەك دناڤ ڤێ‌ هەڤركیێ‌ دە بهێزتر بوو،ئیرۆكە ئاستێ‌ كو ژنا كوردستانی گەهشتیێ‌ و ب تایبەت دناڤ خەباتا سیاسی دا سەربلنداهیەكا مەزن بوو بۆ ژنێ‌ بخۆ كو ژناڤ قادا خەباتێ‌ دا بوویە جیێ‌ بریارگەهاندە،ئەڤ راستیا هێز دا زەلامی ژی و باوەری بۆ وی چێكر كو ژن دكارن بەرپرساتیێ‌ لسەر ملێ‌ خۆ راكت و كارتێكرنەكا بەرچاڤ د جڤاكی دا دروست بكت و رۆلا ژنێ‌ ب ئاوایەكی گشتی لبەر چاڤ بت ،هەلبەت ئاڤاكرنا كەسایەتیا ژنا كورد نە كارەك ئاسانە كو رێكخستنەك یان كەسەك بسپۆر بكارە دەمەكی كێم ڤان ریفروم بدەت ،ژبەركو پرانیا كوردێن باشوور مینا پارچیێن دن یێن كوردستانێ‌ گرێدایی داب و نەریتێن جڤاكەكی فەودال و عەشیرەتی و مالباتی نە،ئەڤ هنەر و كەد و خەباتا گەلێ‌ كورد كری و گەهشتیە ئەڤی رادەیی و بەرنگاری توندوتیژیا ئافرەتێ‌ بین و ژنا كورد ئازاد و رزگاربی و ژن خۆ بخۆ یاسایێن گرێدایی ژیانا ئافرەتێ ل پەرلەمانی دەرئێخستینە وسیستەمێ‌ ژیانێ‌ ژن یا دارشتی و گهۆرینێن جەوهەری د پرۆسا ژیانێ‌ دا بكت و پەروەردەكا هەژی د جیلێ‌ داهاتی دا دێ‌ پیادە كت،ژبەركو ژنەكا هشیار و بهێز دكارت جڤاكەكێ‌ بهێز و هشیار بینتە بەرهەم.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.