ته‌مموز 15, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

پیر خەلات ئلیاس:گڤاشتنا زەیتوونا ل پەرستگەها لالش

گڤاشتنا زەیتوونا ل پەرستگەها لالش
پیر خەلات ئلیاس
بتریا رێورەسمێن ل پەرستگەها پیرۆزا لالش تێنە گێران گرێدایی سرووشتی نە،مینا (جەژنا سەرێ‌ سالێ‌، چلێ‌ هاڤینێ‌، چلێ‌ زڤستانێ‌،شەڤ بەراتێ‌،جەمایێ‌، جەژنا مەلك زەین، سەفەرا قۆلا، سەفەرا ماستا و گڤاشتنا زەیتوونا)،ل سەدێ‌ (12)ێ‌ هاتنا شیخادی كورێ‌ شێخ موسافرێ‌ هەكاری بۆ لالشێ‌ رۆناهیەكا مەزن بوو ژ ئالیێ‌ ئۆلی ڤە و دیسان ژ ئالیێ‌ جڤاكی ڤە، ژ ئالیێ‌ ئۆلی ڤە هزرا هەرە پیرۆز و پەیداكرنا زەیتا كارخانە یا زەیتوونا بۆ ڤێخستنا چرایی (رۆناهیێ‌) ل پەرستگەها پیرۆزا لالش،ژ ئالیێ‌ ئۆلی ڤە ژ وی سەردەمی شیخادی دەست ب چاندنا دارێن زەیتوونا كریە و بەرهەمێ‌ وان دارا زەیتوون هەتا رەش دبوون و لسەرێ‌ هەیڤا كانوونا ئێكێ‌ دچنین و خزنە دكرن،ل هەیڤا ئادارێ‌ ئەو زەیتوونێت خزنە كری دەردخستن و دگڤاشتن و زەیت ژێ‌ چێتكر بۆ گوڕیكرنا چرایێن لالشێ‌ ل هەموو هێڤارا و ب تایبەتی ل هێڤارێن جەژن و هەلكەفتا و كێشانا سەمایا دینی،هەروەسا سال بۆ سالێ‌ دارێن زەیتوونا هاتنە چاندن و زێدەكرن ل رەزێ‌ شیخادی یێ‌ زەیتوونا هەتا نهۆ ژمارا دارێن كچك و مەزن سەرجەمێ‌ گشتی هەزار دارن،ژ ئالیێ‌ جڤاكی ڤە شیخادی دوعا كریە بۆ هەر كەسێ‌ خزمەتا جڤاكی لبەر چاڤ دانێت بەری یا ئۆلی، لەوما كەسێن باش و خودێ‌ ناس خودان رەوشتن و خلمەتكارێن رێیا راستن، وەك خەلكێ‌ باشیك و بەحزانێ‌ خۆ ل خلمەتا لالشێ‌ و گڤاشتنا زەیتوونا كریە خودانە،بەلێ‌ هەر سال ل ئێكی مەها دوانزدە (1/12) خلمەتكار دەست ب چنینا زەیتوونا دكن و ل ئاڤەهیا چل مێرا و شێبل قاسم خزنە دكن و ل پشتی جەژنا مەلك زەین ل (18)ی ئادارێ‌ ژ مێژوویا رۆژهلاتی دێ‌ دەست ب گڤاشتنا زەیتوونا كن بۆ ماوێ‌ چەند رۆژا خلمەتكار كارێ‌ وان زەیتوونا دكن و زەیتێ‌ دبەنە هەسن دەنە ل مالا شیخادی و دگەل دا هەر كەسێ‌ خێرا خۆ تەڤلی وێ‌ خێرێ‌ بكت دوعا شیخادی لێ‌ یە،بۆ زانین ئەڤە چەند سالە خەلكێ‌ وەلات شێخی و شنگالێ‌ دگەل خلمەتكارێن باشیك و بەحزانێ‌ تەڤلی وێ‌ خلمەتێ‌ دبن،دیسان دئامادەنە ل هەر وەختێ‌ پێتڤی بۆ پاقژیا ژینگەهێ‌ ل هەموو دەمێن سالێ‌ ل پەرستگەها پیرۆزا لالش.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.