شوبات 24, 2020

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

هەژار عەزیز عەبدۆ:دەستپێكا قوربانیدانا شنگال و شنگالیان پشتی ژناڤچۆنا رژێما گۆر بگۆر بۆ كوردستانیەتا خۆ

دەستپێكا قوربانیدانا شنگال و شنگالیان پشتی ژناڤچۆنا رژێما گۆر بگۆر بۆ كوردستانیەتا خۆ
هەژار عەزیز عەبدۆ
شنگال وشنگالیان هەر ژ دەستپێكا بزاڤا رزگاریخوازا گەلێ‌ كورد خەبات و پێشمەرگایەتی كرینە ژبۆ ئازادیا كوردستانێ‌ و شنگالەكا كوردستانی وگەلەك قوربانی پێخەمەت ڤێ‌ ئارمانجێ‌ دانە و هێش ددەن ، و بێ‌ بەهر نەبووینە ژ ترس و برس و ئەشكەنجەدانێ‌ ل سەر دەستێ‌ بەعسیان،زێدەباری وێ‌ چەندێ‌ ژی تووشی تەعریبكرنێ‌ بوون ب تایبەت ژ روویێ‌ دیموگرافی و زمانی ڤە و زێدەباری ژیانا ل كۆمەلگەهێن زۆرەمللی،خووندنا ب زمانێ‌ شرینێ‌ دەیكێ‌ ژی ل وان هاتبوو قەدەغەكرن و ڤێ‌ چیرۆكێ‌ ڤەكێشا هەتا سالا(2003)ێ‌ و ژناڤبرنا رژێما بەعسا گۆربەگۆر،و ل سبا(9)ی نیسانا(2004)ێ‌ رۆژەكا نوو ل شنگالێ‌ هەلات و لگەل هەلاتنا رۆژێ‌ دەنگێ‌ هەتا هەتایە شنگال ملكێ‌ كوردایە زارۆكێن شنگالێ‌ ژخەو رابوون و ئاهەنگێن داوی هاتنا بەعسا فاشست ب كەنی ڤە دهاتنە گێران و رۆندكێن خۆشیێ‌ روویێ‌ بچوك و مەزنان تەر كربوو ب بلندكرنا ئالایێ‌ پیرۆزێ‌ كوردستانێ‌ و ئێدی دەنگێ‌ وا هاتن پێشمەرگێن مە_ شال و شەپك ل بەژنا وان یا شڤان پەروەر لسەر كاروانێ‌ ترومبێلێن پێشمەرگەیێن قەهرەمان ژهەموو رەخێن شنگالێ‌ مللێ‌ خۆرتان خۆنەویستانە دهەژاند و مەیدانا داوەت گێرانێ‌ ل پێشوازیا پێشمەرگەی هند گەرم و گۆر ببوو چاڤێن شنگالیان شیانێن ڤەشارتنا رۆندكان نەمان و دیلان و داوەت ل وێ‌ مالێ‌ بوو یا گەهشتبا نان و نڤینان بگەهینتە پێشمەرگەی و ئەو گەنج زاڤا بوو یێ‌ چەك هەبا لگەل پێشمەرگەی بچتە ئەركی و لگەل وان پێشمەرگایەتیێ‌ بكت،بڤی شێوەیی گەرم و گۆریێن شنگالیان بێ‌ جیاوازیا ئاینی و مەزهەبی دەست ب ژیانەكا ئازاد ل بن سیبەرا ئالا پیرۆزا كوردستانێ‌ كر و ئێدی خەلكێ‌ رووكرە مالا خۆ یا مەزن ئەو ژی بارەگایێ‌ ل.ن.شنگال یا پ.د.ك بوو،لێ‌ دوژمنێ‌ گەلێ‌ مە چاڤ بڤێ‌ چەندێ‌ نەرابوون و ل(26/1/2005)ێ‌ دەستێ‌ خۆ یێ‌ ژەهراوی گەهاندن ناڤ ڤێ‌ خۆشیێ‌ و تانكەكی مینرێژكری لبەر دەرگەهێ‌ بارەگایێ‌ ل.ن.شنگال پەقاندن وتێدا خوونا(18)كەسان ژ پێشمەرگەی و خەلكێ‌ سڤیل تێكەلكرن و شەهیدكرن،لێ‌ وەكو بەرسڤ بوو وێ‌ كریارا تیرۆرستی خەلكێ‌ تەرمێن خۆ ب دروشمێن نەتەوەی و پارتایەتی ب ئاخا پیرۆز سپارتن،زێدەباری هەولێن چر یێن دوژمنی شنگالیان بەردەوامی دا خەباتا خۆ یا پارتایەتی و نەتەوایەتی و گوهنەدانە هەولێن دوژمنی ، و تا داوی ساتێن ژیانێ‌ شنگالیان دوو دروشمێن دیار كرینە پرەنسیپ بۆ ژیانا خۆ ئەوژی ( یان كوردستان یان نەمان ) و ( هەتا هەتا هەتایە شنگال ملكێ‌ كوردایە).

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.