ئه‌یلول 23, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

ناسر شەهوانی:ژنا ئێزدی دناڤبەرا دوهی و ئیرۆ دا

ژنا ئێزدی دناڤبەرا دوهی و ئیرۆ دا
ناسر شەهوانی
ژنا ئێزدی ب درێژاهیا دیرۆكێ‌ گەلەك نەهامەتی و زەحمەتی وئێش وئازار دیتینە ژ زۆری و زۆرداریێ‌ وكۆنترۆلكرنا رەگەزێ‌ نێر لسەر وێ‌ چنكو جڤاكا مە جڤاكەكا نێرە،لەوما هەردەم ژن بوویە قوربانیا داب ونەریتێن جڤاكی وب دەهان چەرخ وسەدا ژ مافێ‌ خۆ یێ‌ رەوا یێ‌ خووندنێ‌ بێ‌ بەهربوویە و هاتیە پشتگوه هاڤێتن دوور ژ كاروانێ‌ پێشكەفتن و رەوشەنبیریێ‌ و هەموو دەمان ب رۆلێ‌ زەلامی ل گوندان رابوویە و ل كارێ‌ چاندنیێ‌ دا كاركریە و شڤانی و خودانكرنا تەرش و تەوالی،ژبلی برێڤەبرنا كاروبارێن ناڤ مالێ‌ و ب خودانكرن و پەروەردەكرنا زارۆكێن خۆ و دروستكرنا نفشێ‌ پاشەرۆژێ‌ بۆ مللەتی،بێ‌ شك و بێگۆمان ژن ژ هەژی یە جڤاكی ب دروستی برێڤە ببەت ئەڤەژی لسەردەمێ‌ كەڤن و بۆری دا بوویە،پشتی پێشكەفتنا جڤاكێن دنیایێ‌ و پێشكەفتنا زانست وزانینێ‌ ژنا ئێزدی دەربازی بوارێ‌ زانست وسیاسەتێ‌ بوویە و ئەو دیوارێ‌ ترسێ‌ و پشتگوه هاڤێتنێ‌ كاریە بشكینت ئەوا جڤاكا نێر دورستكری ،داكو رێیا خۆ بگرت ژبۆ پشكداربوون ل پێشڤەبرنا جڤاكا خۆ و بتە ئەندامەكا چالاك ژبۆ ئاڤاكرنا ڤی جڤاكی و گهۆرینا دیتنا رەگەزێ‌ نێر بۆ وێ‌ ئەو تشت ژی سەلماندن سەركەفتنا وێ‌ دهەموو بواران دا،لەوما بوویە هەڤركا زەلامی د گەلەك بواران دا ب تایبەتی ل كارێن سیاسەتێ‌ و بیاڤێن جڤاكا مەدەنی و ل بیاڤێ‌ فێركرنێ‌ و پەروەردەكرنێ‌ و ئەو ژی بۆ زەلامی سەلماند شیانێن وێ‌ ژبۆ برێڤەبرنا جڤاكی ژبۆ قۆناغەكا باشتر وباشكرنا ژیانا ئابووری وسیاسی و كۆمەلایەتی یا جڤاكی وباشترین نموونە بۆ ڤێ‌ چەندێ‌ سەركەفتنا قوتابیێن ئێزدیان یین رەگەزێ‌ مێ‌ ل بتریا پەیمانگەه وزانكۆیێن عێراقێ‌ و كوردستانێ‌،ژئالیەكی دی ڤە ژنا ئێزدی كاری دیرۆكێ‌ دروست بكت بۆ نموونە نادیا موراد و هەڤالێن وێ‌ لاپەرێن نوو ژبۆ مێژوویا كوردستانێ‌ دروستكرینە ژ هێز و بەرخودانێ‌ وبەرەڤانیكرنێ‌ ژ مافێن رەوایێن ژنا كورد و ئێزدی ب تایبەتی پشتی رزگاربوونا وان ژ دەستێ‌ گرۆپا تیرۆرستیا داعش و بەرەڤانیكرن ژ مافێن خۆ ل هەموو جیهانێ‌ ل رێكخراوا نەتەوێن ئێكگرتی وئێكەتیا ئەورۆپی و ل هەموو جیان وبواران دا،ل ڤێدەرێ‌ دڤێت ئەم دەست خۆشیێ‌ ل ژنا ئێزدی بكەین وهەردەم ببینە پشتەڤانێت وێ‌ داكو ب دروستی رۆلێ‌ خۆ د جڤاكی دا بگێرت.

 

 

 

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.