نیسان 06, 2020

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

مەھدی حەسەن:بریارا سێدارەدانا “خالد شه‌مۆ” ژ دادگەھەکا کرێ گرتی ھاتیە دان 

بریارا سێدارەدانا “خالد شه‌مۆ” ژ دادگەھەکا کرێ گرتی ھاتیە دان 

مەھدی حەسەن

ژ دلپاکی و بەلنگازیا ئێزدیان ھەر گاڤ د کەڤن داڤا و تەپەسەر دبن ، مللەتێ ئێزدی ھەر ژ کەڤندا گەلەک رێز ل ئایین ونەتەوە و مللەتێن دۆرماندوری خۆ گڕتییە ، و ھەرگاڤا تێکلیا کەسەکی کرینە وەک برا دانوستاندن دگەل کریە و باوەری ب دۆست و ھەڤالێن خو ئیناینە و جھێ باوەریا ھەر ئاین و نەتەوەکی بینە ، لێ پشتی ئەڤێ فەرمانا ب سەرێ شنگالێ ھاتی خەلکێ مە یێ شنگالێ و ئێزدی ب گشتی سەرسۆرمانا ب ھندەک کارێن نەرەوا یێن بسلمانێن شنگالێ چ عەرب چ ھندەک ژ کوردێن گەرگەری و تلەعفەری ھتد ئەڤێن تێکلێن ئێزدیان ھەر چەندە رێژەکا ھەرە زۆر ژ  ڤان کوردا جوامێربون و ژ بۆ ئێزدیان خو دان کوشتن و ھاریکاریا ئێزدیان کرینە بەلێ رێژەکا کێم خیانەت ژی کرینە و بەختێ خو ل ئێزدیان بەردان دگەل داعشا زولم ل ئێزدیان کرن ، ئەڤ خیانەت و بەختبەردانا ھەڤال و کریڤ و دوستێن ئێزدیان کرین ل شنگالێ دەرھەقێ ئێزدیان بێ وجدانیەک مەزن بو دیرۆک دێ لەعنەتێ ل وان کەت ژبەر کو ئێزدیان ھند رێز و حورمەت بو ڤان ھەبیە ،ستەمە جارەکا دی ئێزدی باوەریێ ب ڤان عەرب و کەسانێن خیانەت کری بینن و تێکلیا وان ب کەن ، لێ تشتێ سەیر ھندەک ژ پارتێن ئیراقی و دەست چێکەرێن داگیرکەرا یێ ھەول دەن جارەکا دی شنگال و ئێزدی ڤەگەرێن بن دەستێ عەرەبا و بێنە ڤەقەتاندن ژ کورستانێ بو مەرەمێن خو یێن سیاسی و ب دەستڤەئینانا پرە پارەکی ،لێ تشتێ سەیر ھندەک ژ ئێزدیان ژی ل پێ وان کەتینە کو دێ عەرەب خو ل ئێزدیان کەنا خودان ، ژ بیر کرینە نھا ئەو داعشێن دوھی شەرەف و ناموسا ئێزدیان ھەتک کری و باب و برایێن وان  کوشتین  و تەرش و تالانێ ئێزدیان برین نھا دەسھەلاتدارن ل میسل و ئەو نشتیمان پەروەرن ،ئەڤ دادگەھکرنا خالد شمو ژی بەلگەیە کو ل دیڤ ئامۆژگاریێن داعشێن گەرگەری دێ ڤی کورێ شنگالی سیدارەدەن ، لەوا دڤیا ل خو ب زڤرین و دوست و ھەڤالا ژێک ڤاڤێرین کا کی دۆستە و کی دوژمنە ، ھەمی خەلکێ دەڤەرا شنگالێ ئاگەھدای کێشا ڤی کورێ شنگالی یە ئەڤێ بناڤێ (خالد شمو) ،کو بەری دوو سالا ئەڤ کور ھاتییە تومەتبارکرن ژ لایێ دادگەھەکا میسل ڤە دگەل ھندەک کەسێن دیتر ب کوشتنا کەسەکی بناڤێ فارس گەرگەری دگەل کەسەکی دی بریندار بی ژ خێلا گەرگەریا ، وە دیارە ئەڤ ھەر دوو کەسێن گەرگەری قاچاخچینە و ھاتن و چونا دەولەتا سوریا دکەن بۆ ئینانا کەل و پەلێن قاچاغ ژ سوریا بۆ ئیراقێ و ژ ئیراقێ بۆ سوریا دبرن، ھندەک کەسێن رێگر چوینا بەریکا وان ل سەر سنورێ دەولەتا ئیراقێ و سوریا نێزیک گوندێ خانەصورێ ل رۆژا(٢٠١٧/٨/٣)و ئێک ژوان کوشتیە ویێ دی بریندار کریە و رەڤینە و نەھاتینە دەستەسەرکرن ،مالا بابێ کوشتی و عەشیرەتا گەرگەریا ئێکسەر ئێزدی تومەت بار کرن و خوینا کورێ خو ستویێ ئێزدیان کر و شێخ مەسعودێ گەرگەری ژ مالا شێخ سعدون د لایفەکی تورێن کۆمەلایەتی دا د بێژیت کوشتنا کورێ مە بەرامبەری (١٠٠) سەد زەلامێ ئێزدیانە و ئەڤێ تاوانێ بۆ ئێزدیان ناھێلین ژبەر کو کورێ وان ل شنگالێ  ھاتیە کوشتن و تۆمەت ئێخستە ستۆیی ئێزدیان ، ب ھەر حال د رێکا دادگەھا میسل ڤە ناڤێن چەند تومەت بارە داینە دەستێن پولیسێن ميسل و دھوکێ و د ئەنجامدا ژمارەکا گومان لێ کەتیا  دەستەسەرکرن ئێک ژوان خالد شمو بۆ ل رۆژا(٢٠١٧/١٠/٦) ھاتیە گرتن و ھاتیە زێندانیکرن ل زێندانا زرگا ل دھوکێ ژیێ وی ھنگی (١٧ )سال بون ل وی وەختی ، گەرگەریا ھەمی ھەولێن خو داینە ئەڤی کەسی ژ زێندانا زرگا ڤەگوھێزنە میسل، پشتی سالەکێ مای ل دھوک ڤەگوھاستینا دادگەھا شێخان ژ شێخان ڤەگوھاستینا تلکێفێ دا ب شێن وەکی دلێ خو دادگەھێ ب رێڤەببەن و بێ شک پشتی ھاتیە ڤەگوھاستین بو تلکێفێ د رێکا ھندەک گەرگەریێن دەسھەلاتدار و ئەفسەر و پولیسێن میسل ئەڤ کور یێ بناڤێ خالد ھاتیە ئەشکەنجەدان ب دورندەترین شێوە ھەتا دان ب تاوانێ دایە د دەستێ ڤان پولیسێن گەرگەریادا ،کو ژ نەچارێ دانپێدان کریە کو ئەو ئێک ژ وان کەسێن تاوان ئەنجامدایە ، تشتێ سەیر ھندەک کەسێن دیتر ھاتبونا گرتن ل میسل ھاتینە رەڤاندن  چ بەرتیل چ وان رەڤاندینە ئەڤ چەندە ژی یە ھندایە ،ئەڤ بەلنگاز ب تنێ مایە د زێندانێ دا، دادوەرێ گەرگەری بریارە سێدارەدا نا وی دا یە لدیڤ دانپێدانێن خالدی کو ئەوی دگەل سێ کەسا ئەڤ تاوان ئەنجامدایە ، ھێشتە تاوانبار ھەمی نەھاتینە گرتن و  ب دەھا کەس دیدەڤانێن ڤی کەسی نە دگەل دای و بابێن خۆ پشکداری چالاکیەکا کەمپا قادیا بیە بۆ ساخکرنا رۆژا (٢٠١٧/٨/٣) رۆژا جینوسایدا شنگالێ کو پولیس و رێڤەبەرێن کەمپێ و ھەمی ھەڤال و دوستێن وی شاھدن وێ رۆژێ خالد ل کەمپێ  بیە و ڤی کەسی چ پەیوەندی دگەل وان نینن ، پشتی بریارا سێدارەدانا خالدی  ھاتیە دان ل رۆژا (٢٠٢٠/٢/٤)دەیکا خالدی ب قیرێن و ھاوار گازی مللەتی د کەت د ھاوارا کورێ وێ وەرن کورێ وێ بێ تاوانە و زولم ل خالد ھاتیە کرن و دێ سێدارەدەن بێ گونەھ ، ئەو بو مللەت  ھەمی پێکڤە ئێزدی و بسلمان و خودان غیرەت ژ ھەمی پارت و لایەنێن سیاسی و رێکخراوێن چڤاکێ سڤیل و ھەر کەسەکی ھەی د ھاوارا دەیکا خالد چون و نەرازیبونا خو دیار کرن و بریارا دادگەھێ ریسوا و شەرمەزارکرن و بھیچ رەنگەکی رازی نابن ب ڤێ بریارێ ، پرسیار یا ل ھێرە ئەرێ ب ھەزارا  داعش یێ ل دادگەھێن وە تاوانێن دورندانە ئەنجامداین ھێشتە کەس نەھاتیە سێدارەدان ب ھەزارا تیرۆرست یێت زێندانێن ھەوە سەرێ خەلکێ بێ گونەھ یێن سەرژێکرین وە چاڤێ خو لێ نقاندینە ئەڤە یا دادوەری ، دێ ڤی کورێ بەنگاز یێ کولانێن شنگالێ باقژ دکەت سێدارەدەن بەداخەوە بۆ ڤێ دادپەروەریێ و زورداریێ ،دێ بڤێ رێکێ قەرەبوکرنا ئێزدیان کەن دێ وەسا برینێن ئێزدیان دەرمان کەن ئێدی بەسە ئەم برا و ھەڤال و نەتەوەکین ھون د رێکا بەرتیل و ناسیار و دوستێن خو یێن داعش نەھەقیێ دکەن خودێ قەبول ناکەت ، لەوا مللەت ھەمی ب ئێک دەنگ دژی ھەوە راوستیا و داخازا ازادکرنا خالدی  د کەن دڤیا ھون  رێکێ نە دەن ئەڤێن ھزرێن داعشی کەرب و کینا خو ژ ئێزدیان ڤەکەن  ، دڤیا ب زانن ئەڤ ئاریشا ھاتیە پێش کێشەکا مەترسیدارە دژی نەتەوا مە و عەرەب بڤێ لێکەفتنئ دلخوشن ،ھەر چی تشتێ خرابە دێ وێ کەن دا ئێزدی و گەرگەری لێکبکەڤن و دەڤەرا شنگالێ خراب بیت و نەھێلن ئارام بیت ،باوەر بکەن دێ عەرەب و نەیارێن کوردا ئاگری خوش کەن دناڤ مللەتی دا لەوا رێکا راست و دروست رێز ل ئێزدان بھێتە گرتن و ھەر دوو مال پێکبھێن و تاوانبارێن دروست بگرن و کێشە ل کوردستانێ چارەسەر بیت ، و ئەم ھەمی پێکڤە ھەول بدەین خو ژ بن دەستێ عەرەبا رزگارکەین ژبەر کو عەرەب داعشن و ھەر کێشەکا مە ل ناڤ عەرەبا بیت دێ بڤی رەنگی سەرەدەریێ دگەل ئێزدیان کەن دوژمنێن باب و کالا نابن دوستێن جارا باشترین رێک ژ بۆ شنگالێ و ئێزدیان ڤەگەرێن سەر ھەرێما کوردستانێ ئەو مللەتی کور و عەزیزێن خو گورێ شنگالێ و ئێزدیان کرین دێ رێزێ ل ئێزدیاتی و ئێزدیان گرن ودێ ھەست ب ئێش و ئازارێن ئێزدیان کەن.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.