كانونی دووه‌م 19, 2020

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

مللەت محەمەد:كاریگەریا شاشیێن كۆمپانیێن گەشتیاری لسەر داهاتێ‌ نەتەوەیی

كاریگەریا شاشیێن كۆمپانیێن گەشتیاری لسەر داهاتێ‌ نەتەوەیی
مللەت محەمەد
ژوان بابەتێن بەردەوام جیێ‌ گرنگی و مژارێ‌ ل نك زۆربەی تەخ و چینێن جڤاكی و زۆرترین گەنگەشە و دانوستاندن لسەر دئێتەكرن ئەو ژی گەشت و گۆزارە،گەشت یان گەشت و گۆزاری دئێتە هەژمارتن ئێك ژ پێشەسازیێن هەرە گرنگ ل جیهانێ‌ و بوویە ئێك ژ كەرت و سیكتەرێ‌ بازرگانیا یا نێڤ دەولەتی ژئەنجامێ‌ ئافراندن یان روودانەكا نەچاڤەرێكری یان پێتڤیەكا ژیانێ‌ یان بارودۆخەكێ‌ نەخوازراو دئێتە كرن ب ئارمانجەكا دیاركری و گەشت كرن یان گەشت ئێك ژچالاكیێن شارستانی و رەوشەنبیری و ئابووری نە و ژ چالاكیێن سروشتی یێن پێتڤی و گرنگە دهەمان دەم ئالاڤێ‌ گهۆرینێ‌ یە یێ‌ رەوشەنبیركرنا مللەتانە،چنكو ئاست و جۆری هزری یێ‌ گەشتیاری كاریگەریەكا راستەوخۆ لسەر مللەت و كۆمەلگەه و جڤاكی وی وەلاتی هەیە یێ‌ گەشتێ‌ لێ‌ دكت ژبەرڤێ‌ یەكێ‌ پێتڤیە ژلایێ‌ هزری ڤە ل ئاستەكێ‌ پێشكەفتی بت و دینەمویێ‌ پێكڤەگریدانەكا رەوشەنبیری و زانستی و شارستانی یێ‌ مرۆڤانە و وێستگەها گهۆرینا ئاستێ‌ بژێوی یان ژیانا تاكانە،گەشت دەرگەهەكە ژبۆ وەرگرتنا كەش و هەوایەكێ‌ ئارام و وەرگرتنا هەناسەكا ئارام و رەحەتیەكا لەشی و ب رێك و شێواز و ب چلاكیێن جودا جودا ڤە،گەشت دئێتە ئەنجام دان ژ لایێ‌ گەلەك كەسێن ژێك جودا ڤە ل سەرانسەری جیهانێ‌ ب مەرەم و ئەگەرێن جودا جودا و گەشتێ‌ دكن ژ جیەكی بۆ جیەكێ‌ دیتر ب مەرەما وەرگرتنا كەش و هەوایەكی ئارام و كێمكرنا وێ‌ فشار و دوو دلی یان هزرێن دەروونی ژبۆ وێ‌ یەكێ‌ ببتە هاریكارەكێ‌ باش،دگەل وان گهۆرینێت بلەز یێت بسەر جیهانێ‌ دا هاتین فاكتەرێن گەشت و گۆزار ژی بەشەك بوو ژوان گهۆرینا و پیشكەفتنەكا بەرچاڤ بخۆڤە دیت ژلایێ‌ زانستی و ئابووری ڤە،زۆربەی وەلاتێن جیهانێ‌ گرنگیەكا زۆر ب كەرتێ‌ گەشتیاری ددەن و ئێك ژ ژێدەرێن داهاتێ‌ یێ‌ گرنگ ددانن و دزانن ژبەر ڤێ‌ یەكێ‌ بیر و هزر د وێ‌ یەكێ‌ دا دكن و كار ژبۆ وێ‌ یەكێ‌ دكن ب نووترین رێك و شێواز ب ئالاڤێن سەردەمیانە و مودرن گەشت و گۆزارێ‌ پێش بێخن روویەكێ‌ تازە و جوان ب دەنێ‌ و ب تایبەت ژی بایەخەكا زۆر ب ئاڤاكرن و ب پێشڤەچۆنا جیێن گەشت و گۆزارێ‌ ددەن ب تایبەتی ژی بوارێ‌ وەبەرهێنانێ‌ دا و خزمەتگۆزاریان دا،چنكو بایەخ دان ب كەرتێ‌ گەشتیاری یان گەشت و گۆزارێ‌ بایەخ دان و گرنگی دان و پێشخستنا كەرتێ‌ ئابووری یە،گەشت و گۆزاری یان گەشت (السیاحە ) ژ چالاكیێت گرنگ و كاریگەرە و گەلەك چالاكیێت دی یێت ئابووری ل پێ‌ خۆ را دئینت و رۆلەكێ‌ گرنگ و كاریگەر لسەر زێدەكرنا داهاتێ‌ نەتەوەیی دگێرت ب رێك و شێوازێن جۆراجۆر،كلیكا خالا زێدەكرنا داهاتێ‌ نەتەوەیی زێدەكرنا چالاكیێت گەشتیاری یە،چنكو دەمێ‌ چالاكیێت گەشتیاری زێدە دبن بەرهەمێ‌ گەشتیاری دبازاری دا زێدە دبت راستەوخۆ لڤینەكێ‌ دئێختە دبەرهەمی دا د بوارێن جیاوازدا،ژبەرڤی یەكێ‌ بەرهەمێ‌ گەشتیاری باندۆرا خۆ لسەر گشت لایان ڤە هەیە،ژبەركو لسەرانسەی جیهانێ‌ سەرچاوەیەكێ‌ گرنگ یێ‌ داهاتێ‌ ئابووری دزانن ژبەر ڤێ‌ یەكێ‌ گرنگیەكا زۆر پێ‌ ددەن ب رێك و شێواز و ب پلانێت تازە و نوو یێن سەردەمیانە كار ژبۆ پێشكەفتن یان پێشخستنا كەرتێ‌ گەشتیاری و بزاڤا گەشت و گۆزارێ‌ دكن، وەبەرهێنان كلیلكەكا دی یا زێدەبوونا داهاتێ‌ نەتەوەیی یە و خالا گهۆرینێ‌ یە د سیستەمێ‌ ئابووری ل گۆرەی بیردۆزا (كنزی) چەند داهاتێ‌ گەشتیاری زێدە دبت راستەوخۆ دبتە سەدەمێ‌ زێدەبوونا مەزاختنێت گەشت و گوزارێ‌ وئەو چەندە راستەوخۆ دبتە سەدەمێ‌ زێدەبوونا داهاتێ‌ نەتەوەیی خورتكرنا بزاڤا وەبەرهێنانێ‌ و زێدەبوونا پرۆژێت خزمەتگۆزاری و گەشتیاری، ژبەر ڤێ‌ یەكێ‌ ل زۆربەی وەلاتان كەرتێ‌ گەشتیاری و بزاڤا گەشت و گۆزارێ‌ بوویە سەرچاوەیەك و ژێدەرەكێ‌ داهاتی یێ‌ گرنك و زۆربەی وەلاتێن جیهانێ‌ پشت بەستنی لسەر دكن نەبتنێ‌ ل ژ دەرڤە بەلكو ل نافخۆ ژی راوەجا خۆ هەیە،ئەگەر بەرێخۆدانەكێ‌ بۆ وەلاتێ‌ خۆ بكەین ئەم ژی وەكو هەرێما كوردستانێ‌ بەشەك ژ جیهانێ‌ دگەلەك بواران دا مە پێشكەفتنەك بەرچاڤ بخۆڤە دیتیە سەرەرای وێ‌ یەكێ‌ كو هندەك ئامارێت نەفەرمی ئاماژێ‌ ب زێدەبوونا رێژا گەشتیاران ددەن سال بۆ سالێ‌ ل كوردستانێ‌ بەلێ‌ زێدەبوونا رێژا گەشتیارێ‌ مە بۆ وەلاتێن دەردۆر باشترین بەلگەیە كو رێژا گەشتیارێ‌ نافخۆ و بیانی د دابەزینێ‌ دایە و ئاماژەكا مەترسیدارە لسەر ژكاركەفتن یان پەراوێزخستنا كەرتێ‌ گەشتیاری یان بزاڤا گەشت و گۆزارێ‌ سەرەرای خالێن مە ئاماژە پێ‌ كرین ژلایێ‌ وەبەرهێنانێ‌ نە ڤە هیج گرنگی و بایەخ پێ‌ نائێتە دان هزرا پرۆژێت گەشتیاری هاتیە سركرن ئەم دكارن بێژن وەكو پێتڤی گرنگی ب كەرتێ‌ گەشتیاری نەهاتیە دان ب مخابنی ڤە بەروڤاژی وەلاتێت جیهانێ‌ پشت بەستنێ‌ ژی لسەر ناكەین،سەرەرای ڤێ‌ یەكێ‌ فتنا ژ قبحەتێ‌ مەزنتر ئەوە كۆمپانیێت نافخۆ ژی ل ئاستێ‌ پێتڤێ‌ نینن دخۆرتكرنا بزاڤا گەشت و گۆزارێ‌ دا دهندەك شاشیێن كوژەك و مەترسیدار كاریگەری و كارتێكرنەكا نیگەتیف دا لسەر دابەزینا رێژا گەشتیارێ‌ بیانی ب شێوەیەكێ‌ گشتی و گەشتیارێ‌ نافخۆ ب تایبەتی هەیە ژوان شاشیان:
1.فاكتەرێن سروشتی:نەبوونا كادرەكی خودان ئەزموون یان سەربۆر د دەستنیشانكرنا جیێن گەشتیاری ب شێوەیەكی زانستی و تەندررست و سروشتی وەكی دەریا و سكر و دارستان و جیێن شوونواری و مێژوویی و شارستانی و ئاركولۆجی و ئۆلی … هتد.
2. شاشیێن خزمەتگۆزاری:نەبوونا خووندنەكا دروست د دەستنیشانكرن و دابینكرنا خزمەتگۆزاریێت دەستپێكی و سەرەكی یێت گەشتیاری وەكی ئوتێل و ئاڤاهیێن گەشتیاری و جیێن بێنڤەدانا گەشتیاری…. هتد.
3.فاكتەرێ‌ زانستی:نەبوونا كادرەكی خودان ئەزموون یان سەربۆر دخزمەتگۆزاریێت هەمەجۆرێت گەشت دا سەرەرای نەبوونا بنگەهەكێ‌ تایبەت ب زانیاریێن گەشتێ‌ یان دەربارەی شوونوارێن گەشتیاری و نەبوونا رێبەرێ‌ گەشتیاری (دلیل السیاحی ) و بنگەهێت ساخلەمیێ‌ و ئەو كادر یان كارمەندێ‌ ( مندوب) كۆمپانیێ‌ هیچ زانیارییەك دەربارەی گەشت و گۆزارێ‌ وان جیێن گەشتیاری نەبیتن دەربارەی جوگرافی و مێژوویا وان جیان.
4.نەبوونا خزمەتگۆزاریێت ڤەگوهاستنێ‌ گشت رییێن ڤەگوهاستنێ‌ ب شێوەیێن هەمەجۆر ل گۆرەی جیێن گەشتیاری.
ئەڤ جەندە دبتە سەدەمێ‌ ژناڤبرنا باوەریێ‌ دناڤبەرا كۆمپانیێت گەشتیاری و گەشتیاری قوربانیا ئێكێ‌ و یا سەرەكی وەلاتە،چنكو ل وی دەمی گەشتیار دێ‌ هزر ل كۆمپانی و گەشتێن ژ دەرڤە كن،كاكلكا خالا من دڤێت بێژم ئەگەر وەكو پێتڤی كار ژبۆ پێشخستنا خۆرتكرن و كاراكرنا بزاڤا گەشت و گۆزاری بێتە كرن ب پلان و ئالاڤ شێوازێت نوو و سەردەمیانە و ب پرۆگرام و ب یاسا دێ‌ ژێدەرەك و دەرگەهەكێ‌ دارایی یێ‌ باش و بهێز بت و دێ‌ بتە هەڤكارەكێ‌ باش ژبۆ كێمكرن و ئاسانكرنا وێ‌ بارگرانیا سەر ملێت حكوومەتێ‌ و زێدەكرنا داهاتێ‌ نەتەوەیی یێ‌ وەلاتی.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.