ئاب 20, 2019

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

غەزوان غازی:كەنگی دێ‌ ئاخڤی؟

كەنگی دێ‌ ئاخڤی؟
غەزوان غازی
دێ‌ چاوا جوان ئاخڤی ؟؟ هندەك جارا ئەم د ژیانا خۆدا دكەڤینە دهندەك هەلویستان دا كو دبت ب شێوەیەك پێتڤی ئەم نكارن دەرهەق دەركەڤین و چێدبت هەلویستەك لسەر مە را ببۆرت و پشتی دەمەكی كورت ئەم هزرێن خۆ تێدا بكەین و بێژین پێتڤی بوو من ئەو ئاخفتنە گۆتبا یان پێتڤی بوو بڤی رەنگی من بەرسڤ دا با و ئەڤ خەلەتینە بۆ چەند ئەگەران دزڤرن،ژوانا نەگرنگیدانا مە ب شێوەیەكی گشتی بۆ وێ‌ ئاخفتنا مە،نەبوونا وان شێوازێن پێتڤی ل نك مە ژبۆ ئەنجام دانا هەڤپەیڤینەكا سەركەفتی،ئاخفتنا جوان كلیلا ڤەكرنا دەرگەهێ‌ دلایە ب ئاخفتنا خۆش و گوهدانێ‌ دێ‌ كاری كۆنترۆلێ‌ لسەر كەسێ‌ بەرامبەر كەی و ئەو ئارمانجا تە دڤێت ژ وی كەسی دێ‌ بدەستڤەئینی ،چنكو دەمێ‌ گوهدانێ‌ دكەی بێگومان دێ‌ د بابەتی گەهی و بەرسڤەكا جوان دەیە كەسێ‌ بەرامبەر ئانكو دێ‌ جوان ئاخڤی،پێَتڤیە بزانی كەنگی باخڤی و كەنگی نەئاخڤی ئێك ژ رێیێن چاوانیا جوان ئاخفتنێ‌ یە،جوان ئاخفتن نەت هندێ‌ دایە توو گەلەك باخڤی یان كێم باخڤی بەلكو د دەمێ‌ گونجای دا باخڤی و باشترین رێ‌ د جوان ئاخفتنێ‌ دا ئەوە دەمێ‌ دگەل كەسێ‌ بەرامبەر دئاخڤی ب رێزگرتن و دەنگەكی نزم باخڤی و بەردەوام ڤان پەیڤان بكاربینە (بێ‌ زەحمەت،سوپاس)،هەروەسا یێ‌ مەرد بە د پەسنكرنێ‌ دا ب ڤان رێیا دێ‌ ب شێوازەكی جوان ئاخڤی و دێ‌ كەسەكی خۆشتڤی بی ل نك خەلكێ‌ بۆ بتر سەرەنجكێشانا خەلكێ‌ بۆ لایێ‌ خۆ دەمێ‌ دگەل كەسەكی باخڤی و جارا ئێكێ‌ بت دگەل وی كەسی چنكو هندەك بابەتێن دەست نیشانكری ل نك خەلكێ‌ هەنە حەزدكن بچنە دناڤ دا وەك لسەر ژیانا خۆ باخڤت چنكو گرنگترین بابەت ل نك هەر كەسەكی دجیهانێ‌ دا ئەو بخۆ یە وی دڤێت تە ب هەرتشتەكی لسەر خۆ ئاگەهدار كت،داكو جوان باخڤی دڤی دەمی دا نابت پسیارێن دوور ژ بابەتێ‌ ئەو لسەر دئاخڤت بكەی بەلكو پسیارێن نێزیك وی بابەتی بكە داكو بۆ وی دیار بت توو گرنگیەكا زێدە پێ‌ ددەی و گوهدانا وی دكەی،ئەگەر تە بڤێت جوان باخڤی ئێكەم جار پێتڤیە لسەر تە زمانی باش بزانی،چنكو بتریا دەمی تە درۆژێ‌ دا ب ئاخفتنێ‌ ڤە دبۆرت ئەگەر توو یێ‌ شارەزابی دزمانی دا بێگۆمان دێ‌ خەلەتیێن زمانی كێمبن و دێ‌ كاری وەسا باخڤی بەرامبەر هەر كەسەكی چوو هزرێن خەلەت ژ ئاخفتنێن تە نەكەن و دێ‌ ئاخفتنێن تە رۆن و ئاشكەرابن و ب ساناهی بن بۆ خەلكێ‌ و ئەگەر یێ‌ شارەزا بی دزمانی دا دێ‌ تە ئاخفتنێن حازر هەبن هەر دەمێ‌ پێتڤی بووی دێ‌ بكارئینی بێی تە ئاریشەهەبن،ب دیتنا من كەسایەتیا مرۆڤی د ئاخفتنێن مرۆڤی را دیاردبت دەمێ‌ كەسەك دئاخفت یان دوو كەس لسەر بابەتەكی باخڤن ئەگەر كەسەكی شارەزا ل وێدەرێ‌ بت دێ‌ كەسایەتیا وان كەسا دیاركت ل پێ‌ ئاخفتنێن وان لەورا جوان باخڤە دێ‌ بەرسڤا تە ب جوانی ئێتە دان كا تە چاوا دڤێت خەلك دگەل تە باخڤت،هۆسا دگەل خەلكێ‌ باخڤە ئەڤجا لسەر هەر كەسەكی پێتڤیە خۆ فێركت دێ‌ چاوا جوان ئاخڤت ،چنكو مرۆڤی ژ گەلەك ئاریشان و شەرەدەڤان ….هتد قورتال كت، وەكی دكتۆر ئبراهیم الفقی دبێژت:(بەری خەلك گوهێن خۆ بگرن،توو دەڤێ‌ خۆ بگرە)).

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2018 by Lalish Media Network .   Developed by Ayman Qaidi.